San Juan 2:4 - DIOSPA QHELQACHISQ

⁴ Jesustajrí kuticherqa: Mamáy, imaraykutaj chayta niwankiri? Pichus noqa kasqayta rejsichikunay p'unchay manaraj chayamunchu, nispa.

Qheshwa Biblia DC

⁴ Jesustaj nerqa: Warmi, ima ruwananchej tiyan noqanchej chaymanta? Manaraj horay chayamunchu.

DIOSPA QHELQACHISQAN DEUTEROCANONICAL

⁴ Jesustajrí kuticherqa: Mamáy, imaraykutaj chayta niwankiri? Pichus noqa kasqayta rejsichikunay p'unchay manaraj chayamunchu, nispa.

Quechua South Bolivia: Dios Parlapawanchej

⁴ Jesustaj nin: —Mamáy, chayka nokallamanta. Horayka manaraj chayamunchu, —nispa.

San Juan 2:4 Iomraidhean Croise

2 Samuel 16:10

Kuraj kamachejtajrí kuticherqa: Kayqa mana qankunapajchu. Paychus jinata nishan chayqa, Tata Dios kamachisqanraykuchá nishan. Jina kajtenqa, pitaj ninman: Imaraykutaj chayta ruwashanki? nispa.

2 Samuel 19:22

22 (23) Davidtajrí kuticherqa: Ni ima ruwanay kanchu qankunawan, Seruyáj churinkuna. Imaraykutaj churanakuwankichejri? Kunan cheqamanta yachani Israelpa kuraj kamachejnin kasqayta. Chayrayku kunan p'unchayqa mana pipis Israelpi wañuchisqachu kanqa, nispa.

1 Reyes 17:18

Warmisapataj Eliasta nerqa: Diospa kamachin, imanaykitaj noqa qantari? Juchaymanta sut'inchajchu jamuwarqanki, chaymanta wawaypis wañunanpajri? nispa.

Eclesiastés 3:1

Kay pachapeqa tukuy imapajpis tiempo tiyan. Kay jallp'a patapi tukuy imata ruwanapajpis phani tiyan.

San Mateo 15:28

Jinapi, Jesús payta nerqa: Warmisita, sinch'itapuni noqapi atinikunki. Chayrayku munasqaykiman jina ruwasqa kachun, nispa. Chaymantapachataj chay warmej ususenqa qhaliyaporqa.

San Mateo 8:29

Paykunataj kay jinata qhapariyta qallarerqanku: Diospa Churin, ima ruwanayki tiyan noqaykuwanri? Manaraj ñak'arinayku kashajtin, noqaykuta ñak'arichejchu jamunki? nispa.

San Lucas 2:49

Jesustaj nerqa: Imaraykutaj mask'ashawarqankichejri? Manachu yachankichej Tataypa ruwananpi kanay kasqantari? nispa.

San Juan 12:23

Jesustajrí paykunaman kuticherqa: Runaj Churin jatunchasqa kananpaj p'unchay chayamunña, nispa.

San Juan 13:1

Pascua raymiman qayllallaña karqa. Jesustaj kay pachata saqespa Tatanpaman kutipunanpaj p'unchay chayamushasqanta yacharqa. Jinataj kay pachapi ruwananta junt'ashaspa imaynatachus yachachisqankunata munakorqa, ajinata paykunata tukukuykama munakorqa.

San Juan 2:3

Jinallapi vino tukurparikojtin, Jesuspa maman payta nerqa: Vino tukukapun, nispa.

San Juan 20:13

Angelkunataj payta taporqanku: Warmisita, imaraykutaj waqashankiri? nispa. Chantá María kuticherqa: Tukuyta Kamachej Jesusniypa ayanta apakapusqanku, manataj yachanichu maymanchus churasqankuta, nispa.

San Juan 20:15

Jinapi Jesusqa payta taporqa: Warmisita, imaraykutaj waqashankiri? Pitataj mask'ashankiri? nispa. Mariataj huertata qhawaj runa kasqanta yuyaspa, nerqa: Wiraqochi, qanchus ayata aparqanki chayqa, willaway maymanchus churasqaykita, apakapunaypaj, nispa.

San Juan 7:30

Chaymanta paykuna Jesusta jap'iyta munarqanku, manataj mayqenpis aterqachu, imaraykuchus manaraj jap'inanku p'unchay chayamusqarajchu.

San Juan 7:6

Jesustajrí paykunata nerqa: Noqa pichus kasqayta rejsichikunaypaj p'unchay manaraj chayamunrajchu. Qankunapajrí ima pachallapis walejlla kashan.

San Juan 7:8

Qankuna raymiman rillaychej. Noqarí manaraj risajchu, imaraykuchus pichus kasqayta rejsichikunay p'unchay manaraj chayamunrajchu, nispa.

San Juan 8:20

Jesús chayta nerqa Temploj pationpi ofrendata churana cheqanejpi yachachishaspa. Chaywanpis mana pipis payta jap'icherqachu, imaraykuchus pichus pay kasqanta rejsichikunan p'unchay manaraj chayamusqachu.

2 Corintios 5:16

Chayrayku kunanmanta ñawpajmanqa manaña pitapis qhawaykuchu Diosman mana kutirikojkunaj yuyasqankuman jina. Arí, ñawpajta Cristotapis Diosman mana kutirikojkuna jina qhawaj kayku. Kunanrí payta manaña jinatachu qhawayku.

Deuteronomio 33:9

Paykunaqa tatankuta, mamankuta nerqanku: Mana jayk'ajpis rikorqaykichejchu, nispa. Jinallataj wawqenkukunatapis nillarqankutaj: Qankunata mana rejsiykuchu, nispa. Wawankunatapis nillarqankutaj: Pichus kasqaykichejta mana yachanichu, nispa. Paykunaqa nisqaykita kasorqanku, trato ruwasqaykitapis junt'arqanku.