San Juan 18:1 - DIOSPA QHELQACHISQ

¹ Tata Dioswan parlarikuyta tukuytawan, Jesusqa yachachisqankunawan ima Cedrón wayq'o chimpaman rerqanku. Chaypi olivo sach'ayoj huerta karqa, chaymantaj Jesús, yachachisqankunawan ima yaykorqanku.

Qheshwa Biblia DC

¹ Kay imasta niytawan, Jesús llojserqa yachachisqasninwan Cedrón wayq'o chimpaman; chaypi uj huerta karqa. Chaymantaj Jesús yaykorqa yachachisqasninwan.

DIOSPA QHELQACHISQAN DEUTEROCANONICAL

¹ Tata Dioswan parlarikuyta tukuytawan, Jesusqa yachachisqankunawan ima Cedrón wayq'o chimpaman rerqanku. Chaypi olivo sach'ayoj huerta karqa, chaymantaj Jesús, yachachisqankunawan ima yaykorqanku.

Quechua South Bolivia: Dios Parlapawanchej

¹ Chay imasta niskanmanta Jesús yachacojcunanwan llajta jawaman llojserka. Cedrón niska ch'aqui mayu chimpaman uj huertaman rerkancu. Chay huertamantaj yachacojcunanwan yaycorka.

San Juan 18:1 Iomraidhean Croise

Génesis 2:15

Chantá Tata Dios runa ruwasqanta Edén huertaman churarqa, llank'ananpaj chantá qhawananpaj ima.

Génesis 3:23

Chayrayku Tata Diosqa runata Edén huertamanta qharqorqa, churarqataj jallp'ata llank'ananpaj, jallp'amanta ruwasqa kasqanrayku.

2 Samuel 15:23

Davidta runankunawan ripojta rikuspa, tukuyninku jik'un jik'unta waqarqanku. Davidqa chantá runankunawan Cedrón wayq'ota chimpajtinkukama, tukuy runakuna rerqanku ch'innejman rej ñanninta.

1 Reyes 15:13

Ajinallatataj jatun maman Macatapis qoya kayninmanta orqhoporqa, k'ullumanta Asera lantita ruwachisqanrayku. Asaqa chay lantita phirispa, Cedrón wayq'opi ruphaykucherqa.

1 Reyes 2:37

Sichus kaymanta llojsispa, Cedrón wayq'ota chimpawaj chayqa, wañuchisqapuni kanki, wañunaykipajqa qanlla juchayoj kanki, nispa.

2 Reyes 23:12

Jinallataj payqa Judá suyuta kuraj kamachejkuna Ajazpa wasin patapi ruwasqanku altarkunatapis phirillarqataj. Tata Diospa Templonpa iskaynin pationkunapi kuraj kamachej Manasés altarkunata ruwasqantapis ñut'uta kutarparichispa, Cedrón wayq'oman wijch'uchimorqa.

2 Reyes 23:4

Chantá kuraj kamachej Josías kuraj kaj sacerdote Hilciasta, paypa kamachiyninpi kaj sacerdotekunata, punkuta qhawajkunata ima kamacherqa Baalta, Aseraj lantinta chantá ch'askakunata yupaychanapaj imachus karqa, chaykunata Tata Diospa Templonmanta orqhonankuta. Chantá chaykunata Jerusalenmanta jawaman orqhospa, Cedrón vallepi ruphaykucherqa, ushphatataj Betelman apacherqa.

2 Reyes 23:6

Jinaytawantaj, Josías Tata Diospa Templonmanta Aseraj lantintapis Jerusalenmanta jawaman, Cedrón wayq'oman wijch'ucherqa. Chaypitaj ushphaman tukunankama ruphaykucherqa, ushphatataj wajcha runakunaj ayanta p'ampana cheqaman qhallirpayacherqa.

2 Crónicas 15:16

Chay jawa kuraj kamachej Asaqa jatun maman Macataqa qoya kayninmanta wijch'orqa, millay Asera lantita ruwachikusqanrayku. Asaqa chay lantita phiriytawan, Cedrón wayq'opi ruphachimorqa.

2 Crónicas 29:16

Chantá sacerdotekunaqa Tata Diospa Templon ukhuman yaykorqanku llimphuchanankupaj. Patiomantaj tukuy millay tarisqankuta orqhomorqanku. Levitakunataj chaykunata Cedrón wayq'oman wijch'umorqanku.

2 Crónicas 30:14

Phiriytataj qallarerqanku, Jerusalenpi karqa, chay lantikunaj altarninkunata, incienso q'oshñichina altarkunatapis. Chay tukuytataj Cedrón nisqa wayq'oman wijch'umorqanku.

Nehemías 2:15

Tutallaraj kashajtin, chay wayq'onta pataman wicharerqani. Chay perqata qhawaspataj, kutiporqani, Valleman Llojsina nisqa punkunta yaykupuspa.

Jeremías 31:40

Chantá tukuynin valle, maypichus wañusqakunata p'ampanku, ushphatataj wijch'unku, chayninta rillanqapuni. Chantá Cedrón wayq'o chaymanta inti llojsimuynejman, chay patapi tukuy pampapis, Caballo Yaykuna punku nisqa k'uchukama chayanqa. Chay tukuy cheqaqa noqapaj t'aqasqa kanqa, Jerusalentaj manaña jayk'ajpis urmachisqachu, nitaj thuñisqachu kanqa, nispa.

Levítico 2:6

Chantá chhikan chhikanta t'unaraspa, patanman aceitewan jich'aykunki. Chayqa ch'aki mikhunamanta Tata Diosman jaywana kashan.

San Mateo 26:30

Chantá uj salmota takiytawan, Olivos orqoman rerqanku.

San Mateo 26:36

Jesuswan, yachachisqankunawan Getsemaní sutiyoj cheqaman chayajtinku, pay nerqa: Kaypi tiyarikuychej, noqataj jaqayman rispa, Tata Diosniywan parlarikamusaj, nispa.

Marcos 14:26

Chantá uj salmota takiytawan, Jesuswan, yachachisqankunawan ima Olivos orqoman rerqanku.

Marcos 14:32

Jesuswan, yachachisqankunawan ima Getsemaní sutiyoj cheqaman chayarqanku. Jesustaj paykunata nerqa: Kaypi tiyarikuychej, noqataj Tata Dioswan parlarikamusaj, nispa.

Marcos 14:42

Sayariychej, jaku. Jap'ichiwajqa kaypiña, nispa.

San Juan 14:31

Ajina kanan tiyan, runakuna yachanankupaj noqa Tata Diosta munakusqayta. Yachallanqankutaj paypa kamachiwasqanta ruwasqayta, nispa. Chayta niytawantaj, Jesús nerqa: Sayariychej, jaku ripuna, nispa.

San Juan 18:26

Chantá kuraj kaj sacerdotej ujnin kamachin, mayqenpatachus ninrinta Pedro qholurparisqa, chay runaj ujnin ayllun Pedrota nerqa: Manachu qanta huertapi Jesustawan khuska rikorqayki? nispa.

Hechos 21:11

Jinapi pay watukoj jamuwarqayku. Chantá Pabloj chumpinta oqhariytawan, Agaboqa chakinta, makintawan wataykukuspa, nerqa: Kay jinata Santo Espíritu nin: Jerusalenpi judiokunaqa ajinata kay chumpiyojta watanqanku, chaymantataj mana judío kajkunaman payta jaywaykonqanku, nispa.