San Juan 15:4 - DIOSPA QHELQACHISQ

⁴ Chaywanpis noqallamanpuni ujchasqa kaychej, imaynatachus noqapis qankunawan ujchasqa kani, ajinata. Imaynatachus yura uva sach'aman mana ujchasqa kaspa, sapallanmanta mana poqoyta atinchu, ajinallatataj qankunapis Diospa munasqanta ruwayta mana atinkichejchu, manachus noqaman ujchasqallapuni kankichej chayqa.

Qheshwa Biblia DC

⁴ Noqapipuni kakuychej, imaynatachus noqapis qankunapi kakuni ajinata. Imaynatachus ramaqa sapanmanta mana poqoyta atinchu, mana uva sach'api kaspaqa; ajinallatataj qankunapi mana atinkichejchu, mana noqapi kawajchej chayqa.

DIOSPA QHELQACHISQAN DEUTEROCANONICAL

⁴ Chaywanpis noqallamanpuni ujchasqa kaychej, imaynatachus noqapis qankunawan ujchasqa kani, ajinata. Imaynatachus yura uva sach'aman mana ujchasqa kaspa, sapallanmanta mana poqoyta atinchu, ajinallatataj qankunapis Diospa munasqanta ruwayta mana atinkichejchu, manachus noqaman ujchasqallapuni kankichej chayqa.

Quechua South Bolivia: Dios Parlapawanchej

⁴ Nokapi jap'icuwaspa cacuychej, nokataj kancunawanpuni cacusaj. Ajinapi ujchaska canchej. Uj rama mana sach'api cacuspaka mana pokoyta atinchu. Quiquillantataj sichus nokapi jap'icuspa mana cacuwajchejchu chayka, kancunapis mana c'acha runas cayta atinquichejchu.

San Juan 15:4 Iomraidhean Croise

TAKIYKUNA 8:5

Pitaj jaqay warmi ch'innejmanta jamushanri, munasqanpa lijranman atiykukuspari? Manzana sach'a urapi rijch'aricherqayki, maypichus mamayki nanaywan jap'ichikorqa, maynejpichus qanta paqarichikusorqa, chaypi.

Oseas 14:8

Qan Efraín ninki: Lantikunawan ni ima ruwanay kanchu, nispa. Chantá noqa uyarisqayki, noqallataj waqaychasqayki. Noqa, qanpaj kani pino jina q'omerllapuni. Noqapitaj qan ayllúy, allin kayta tarinki.

San Mateo 12:33

Allin sach'aqa allin poqoyta poqon. Mana allin sach'arí mana allin poqoytachu poqon. Chayrayku sach'ataqa poqoyninnejta rejsinchej.

San Lucas 8:15

Sumaj jallp'api t'akasqa mujurí ninakun, pikunachus tukuy sonqowan, cheqan yuyaywantaj Diospa simi nisqanta uyarinku, chaykunawan. Paykuna sonqonkupi Diospa simi nisqanta sumajta jap'ikuspa, chaymanta ch'ipakunku. Chantá pacienciawan sumajta poqoj planta jina kanku, nispa.

San Juan 14:20

Chay p'unchay chayamojtin yachankichej noqaqa Tatayman ujchasqa kasqayta. Ajinata qankunapis noqaman ujchasqa kankichej, imaynatachus noqapis qankunaman ujchasqa kasaj, ajinata.

San Juan 17:23

Noqaqa paykunaman ujchasqa kashani, qantaj noqaman. Ajinamanta paykuna uj sonqolla kanqanku, tukuy runakuna yachanankupaj qan kachamuwasqaykita. Yachallanqankutaj qan paykunata munakusqaykita, imaynatachus noqatapis munakuwanki, ajinata.

San Juan 6:56

Jinallataj pichus ukhuyta mikhoj, yawarniytataj ujyajqa, noqaman ujchasqa kawsan, noqataj payman ujchasqa kawsani.

San Juan 8:31

Chantá Jesús paypi atinikoj runakunata nerqa: Nisqaytachus kasunkichej chayqa, cheqapuni yachachisqaykuna kankichej.

Hechos 11:23

Bernabetaj Antioquiaman chayaspa, imatachus Dios qhasilla k'acha yanapayninnejta ruwashasqanta rikorqa. Chaymantataj kusikuspa, chay wawqe panakunata yuyaycharqa Tukuyta Kamachej Jesucristota tukuy sonqo kasunallankutapuni.

Hechos 14:22

Chay llajtakunapitaj paykuna Jesuspi atinikojkunata kallpacharqanku Jesusta qhatikusqankupi sinch'ita sayanankupaj, nerqankutaj: Diospa kamachiyninman yaykunanchejpaj noqanchej tukuy imaynamanta ñak'arinanchejpuni tiyan, nispa.

2 Corintios 13:5

Qankuna kikiykichej qhawarikuychej, cheqatapunichus Cristopi atinikorqankichej manachus, chayta yachanaykichejpaj. Manachu reparankichej Jesucristo qankunapi kasqanta? Manachus jina chayqa, ichapis Cristopi mana atinikorqankichejchu.

Gálatas 2:20

Noqaqa Cristowan khuska chakatasqa karqani, kunantaj manaña ñawpajta jinachu kawsani. Manachayqa noqapi Cristo munayninta ruwaspa kawsan. Chayrayku kunan Diospa Churinpi atinikusqayrayku kawsashani, imaraykuchus paymin munakuwarqa, noqaraykutaj pay kikin wañuchisqa kananpaj jaywaykukorqa.

Efesios 3:17

Jinallataj mañapuykichej Cristopi atinikusqaykichejrayku payqa sonqoykichejpi tiyakunanta, ajinamanta Diosta munakusqaykichejpi, jinataj wajkunatapis munakusqaykichejpi sinch'ita sayanaykichejpaj.

Filipenses 1:11

Chay jinamanta qankuna Jesucristoj yanapasqanwan allin kajta ruwayta atinkichej, runakuna Tata Diosta yupaychanankupaj, chantá jatunchanankupaj ima.

Colosenses 1:23

Chaywanpis chay ajina kananpaj Cristopi atinikuspa sinch'ita sayanaykichej tiyan. Jinallataj Jesusmanta sumaj willayta jap'ikusqaykichejrayku imatachus tukuy sonqo suyashankichej, chaymanta mana karunchakunaykichejchu tiyan. Chay sumaj willayqa tukuynejpi willasqa kashan, noqataj chay sumaj willaymanta willaranaypaj churasqa kani.

Colosenses 1:27

Paykunaman Dios rejsichiyta munarqa, Cristoj qhapaj kasqan, chantá jatun kaynin ima qankuna mana judío kajkunapajpis kasqanta. Chay pakasqa yachayqa kaymin: Cristoqa qankuna ukhupi kashan. Ajina kasqanraykutaj qankuna tukuy sonqo janaj pachaj jatun kayninpa lliphipiyninta jap'iyta suyashankichej.

Colosenses 2:6

Qankunaqa Jesucristota Kamachejniykichejta jina jap'ikorqankichej. Chayrayku paypa munasqanman jina kawsanaykichej tiyan.

1 Tesalonicenses 3:5

Chayrayku, noqapis mana astawan suyayta atispa, Timoteota qankunaman kachamorqani, Jesuspi atinikuspallapunichus purishasqaykichejta yachananpaj. Llakikorqani Kuraj Supay qankunata ichapis pantachisqantaña. Jina kanman chayqa, qankunata yanapanaykupaj ruwasqaykoqa qhasipaj kanman karqa.

Hebreos 10:39

Noqanchejrí mana, pikunachus ñawpa kawsayninkuman kutiripuspa, juchachasqa kanaman rishanku, chaykuna jinachu kanchej. Manachayqa, noqanchej kanchej, pikunachus Diospi atinikusqankurayku qhespichisqa kanata tarinku, chaykunamanta.

1 Juan 2:6

Pichus Dioswan uj sonqolla kasqanta nejqa kawsanan tiyan, imaynatachus Jesús kay pachapi kawsarqa, ajinata.

2 Juan 1:9

Pichus pantaykuspa, mana Cristoj yachachisqanpi sayanchu chayqa, Dios mana paywanchu kashan. Pichus Cristoj yachachisqanpi sayajrí Tata Dioswan, chantá Churinwan ima ujchasqa kashan.