San Juan 15:1 - DIOSPA QHELQACHISQ

¹ Jesús yachachisqankunata nillarqapuni: Noqaqa sumaj uva sach'a jina kani, Tataytaj uva huertata qhawaj jina.

Qheshwa Biblia DC

¹ Noqa cheqa uva sach'a kani, Tataytaj llank'ajqa.

DIOSPA QHELQACHISQAN DEUTEROCANONICAL

¹ Jesús yachachisqankunata nillarqapuni: Noqaqa sumaj uva sach'a jina kani, Tataytaj uva huertata qhawaj jina.

Quechua South Bolivia: Dios Parlapawanchej

¹ ‘Noka cani cheka uva sach'a, Tataytaj chayta llanc'ajka.

San Juan 15:1 Iomraidhean Croise

TAKIYKUNA 7:12

12 (13) Uva huertaman sut'iyayta risunchej. Ijishanñachus t'ikashanñachus, chayta qhawarimusunchej, granadakunapis t'ikashanñachus chaytapis. Chaypitaj munakamusqayki.

Isaías 4:2

Chaywanpis aswan qhepamanqa Tata Diospa ijichisqan manchay k'achitu kanqa. Chantá puchoj israelitakuna jallp'aj poqoyninmanta mayta kusikonqanku, chaynejtataj may uyarisqa kanqanku.

Isaías 60:21

Chaypacha tukuyniykichej cheqanta ruwajkuna kankichej, jallp'aykichejtapis wiñaypaj jap'ikapunkichej. Qankuna mallkisqaypa ijimuynin kankichej, makiypa ruwasqantaj noqata jatunchanawaykichejpaj.

Isaías 61:3

Chantapis Tata Dios kachamullawantaj Sionpi llakisqa kajkunapaj kay allin imakunata ruwanaypaj: Pikunachus llakisqa kasqankurayku ushphawan qhallisqa kashanku, chaykunaman may k'achitu pilluta churasaj. Llakiy p'achawan churakuspa kanankutaqa, kusiywan p'achallisqa kanankuta ruwallasajtaj. Jinallataj phutisqa kanankumantaqa kusisqallapuni kanankuta ruwasaj. Paykuna justiciata ruwasqankurayku “Tata Diospa Mallkisqan Roble Sach'a”, nispa sutichasqa kanqanku, paypa jatun kayninta rikuchinankupaj.

Jeremías 12:10

Ashkha kamachejkuna uva huertayta t'ustiykunku, jallp'aytataj saruranku. Munasqa jallp'ayta ch'inman tukuchinku.

Jeremías 2:21

Noqa qanta sumaj ajllasqa uvata jina mallkerqayki, chay mallkitaj sumajta poqoj uvamanta karqa. Kunantajrí imaynamanta mana allinta poqoj uva sach'aman tukorqankiri?

Ezequiel 19:10

Mamaykeqa yaku kantupi uva sach'aman rijch'akusqa. Yaku patapi kasqanrayku, ashkha laqheyoj, sumajta poqoj sach'a jina kasqa.

Oseas 10:1

Israelqa uva sach'a jina may chhika poqoyniyoj. Chaywanpis astawan qhapajyasqankuman jina, astawan ashkha altarkunata jatarichillarqankutaj. Jallp'anku astawan sumajta poqojtin, yupaychana rumi sayantakunatapis astawan k'achituta ruwarqanku.

Zacarías 3:8

Allinta uyariway, kuraj kaj sacerdote Josué, jinallataj qanwan kashaj, chay sacerdotekunapis uyarillachunkutaj. Qankuna señal jina churasqa kankichej imachus aswan qhepaman kananmanta. Noqa kamachiyta kachasaj, Ijimuy Kaj nisqata.

San Mateo 15:13

Jesustaj kuticherqa: Ima yurallapis janaj pacha Tataypa mana mallkisqanqa saphinmantapacha t'irasqa kanqa.

San Mateo 20:1

Diospa janaj pacha kamachiynenqa chajrayoj uj runaman rijch'akun, pichus tutamanta uva pallanankupaj peonkunata mink'aj llojsisqa, chayman.

San Mateo 21:33

Uyariwaychej, uj rijch'anachinatawan nisqaykichej: Uj patrón jallp'anpi uvakunata mallkisqa, chay huertatataj perqawan muyuykuchisqa. Chaymanta chajra chawpipi uva ch'irwanata ruwachisqa, qhawana torretapis sayachisqa. Chantá huertanta llank'ajkunaman partidopi qospa, karuman ripusqa.

Marcos 12:1

Chay qhepata Jesús rijch'anachinanejta runakunaman yachachiyta qallarerqa: Uj runa jallp'anpi uvata mallkiykusqa, chaytataj perqawan muyuykuchisqa. T'oqota allaspataj, uva ch'irwanata ruwasqa, qhawananpajtaj uj torreta sayarichisqa. Chantá uva huertanta partidopi qospa, karuman ripusqa.

San Lucas 13:6

Jesús uj rijch'anachinatawan nillarqataj: Uj runajta higo sach'an kasqa uva huertanpi. Paytaj poqoyninta pallaj rispa, mana uj higollatapis tarisqachu.

San Juan 1:17

Diosqa kamachisqankunata Moisesnejta qorqa. Chaywanpis Diospa mana tukukuyniyoj munakuyninta, cheqa kaynintawan Jesucristonejta qowanchej.

San Juan 1:9

Cheqa k'anchayrí tukuy runaman k'anchananpaj kay pachaman jamusharqa.

San Juan 15:2

Noqaman ujchasqa kaj yura, sichus mana poqon chayqa, Tatay k'uturparenqa. Poqoj yuratarí, podaspa llimphuchanqa, astawan poqonanpaj.

San Juan 6:32

Jesustaj paykunata nerqa: Noqa sut'ita niykichej: Janaj pachamanta t'antataqa mana Moiseschu qorqa, manachayqa Tatay. Kunantaj pay cheqa kaj t'antata janaj pachamanta qankunaman qoyta munasunkichej.

San Juan 6:55

Ukhuypis, yawarniypis sumaj mikhuna jina, chaytaj mikhojman, ujyajman ima kawsayta qon.

Romanos 11:17

Wakin judiokuna olivo sach'aj thansan jina k'uturasqa karqanku. Qantaj k'ita olivo kashaspa, chay k'uturasqaman t'inkisqa karqanki, chaynejta sumaj olivoj saphinmanta waqayninwan chay waj judiokunawan khuska kallpachasqa kanaykipaj.

1 Corintios 3:9

Noqaykutajrí Diospa yanapajninkunalla kayku, qankunataj Diospa chajran jina kankichej, chayrí Diospa sayarichisqan wasi jina.

1 Juan 2:8

Chaywanpis, kay kamachisqaqa mosoj. Jesusqa kay kamachisqata kasuspapuni purerqa, jinallatataj qankunapis purishankichej, imaraykuchus kawsayniykichejpi laqhaqa chinkapushanña, cheqa k'anchaytaj k'anchashanña.