San Juan 11:4 - DIOSPA QHELQACHISQ

⁴ Chantá Jesús chayta uyarispa, yachachisqankunata nerqa: Chay onqoyqa mana wañunanpajchu, manachayqa Dios jatunchasqa kananpaj. Chay onqoynejta noqa Diospa Churinpis jatunchasqallataj kasaj, nispa.

Qheshwa Biblia DC

⁴ Jesustaj chayta uyarispa nerqa: Chay onqoyqa mana wañunampajchu; astawanqa, Diosta yupaychanapaj, chay onqoynejta Diospa Churimpis jatunchasqallataj kanampaj.

DIOSPA QHELQACHISQAN DEUTEROCANONICAL

⁴ Chantá Jesús chayta uyarispa, yachachisqankunata nerqa: Chay onqoyqa mana wañunanpajchu, manachayqa Dios jatunchasqa kananpaj. Chay onqoynejta noqa Diospa Churinpis jatunchasqallataj kasaj, nispa.

Quechua South Bolivia: Dios Parlapawanchej

⁴ Jesusri chayta uyarispa nerka: —Cay onkoyka mana wañuypajchu. Manachayrí Dios jatun atiyninta ricuchinallanpajmin. Cay onkoynejtataj noka, Diospa Wawan, jatunchaska casaj, —nispa.

San Juan 11:4 Iomraidhean Croise

Éxodo 16:7

Tutamanta Tata Diospa jatun kayninpa lliphipiyninta rikunkichej. Payqa paypaj rimasqaykichejta uyarisunkichej. Noqaykurí, pitaj kayku, noqaykupaj thutunaykichejpajri? nispa.

San Juan 10:38

Sichus Tataypa ruwananta ruwani chayrí, amapis noqapi atinikuychejchu. Aswanpis t'ukuna ruwasqallayta cheqapuni kasqanta creeychej. Ajinamanta sut'ita yachankichej Tata Dioswan, chantá noqawan ima ujlla kasqaykuta, nispa.

San Juan 11:40

Jesustajrí payta nerqa: Manachu nerqayki, sichus noqapi atinikunki chayqa, Diospa atiynin imaynapunichus kasqanta rikunaykita? nispa.

San Juan 12:28

Chayrayku, kayta nisaj: Tatáy, sutiykita jatunchay, nispa. Chayta Jesús nisqantawankama, janaj pachamanta Diospa parlasqan uyarikorqa: Jatun kayniyta runakunaman rejsichiniña, kunantaj ujtawan rejsichillasajtaj, nispa.

San Juan 17:1

Jesús chay tukuy imata parlaytawan, patata qhawaspa, nerqa: Tatáy, Churiykita jatunchanayki p'unchay chayamunña, qantapis Churiyki jatunchasunanpaj.

San Juan 17:10

Tukuy noqajta kajkunaqa qanpata kanku, qanpata kajkunataj noqajta. Noqaj jatunchasqa kasqaytaj paykunanejta sut'ita rikuchikun.

San Juan 17:5

Kunantaj Tatáy, qayllaykipi jatunchaway, imaynatachus qanwan jatunchasqa karqani manaraj kay pacha ruwasqa kashajtin, ajinata.

San Juan 2:11

Jesús Galilea jap'iypi Caná llajtapi yakuta vinoman tukuchisqanqa ñawpaj kaj t'ukuna ruwasqan karqa. Ajinata Jesús may jina atiyniyoj kasqanta rejsicherqa, yachachisqankunataj paypi astawan atinikorqanku.

San Juan 5:23

Ajinamanta tukuy runakuna Churinta maypaj qhawanqanku, imaynatachus Tata Diosta maypaj qhawanku, ajinata. Pillapis Diospa Churinta mana maypaj qhawajrí nillataj kachamoj Tatantapis maypaj qhawanchu.

San Juan 8:54

Chantá Jesús nerqa: Noqachus jatunchakuyman chayqa, jatunchakusqay qhasilla kanman. Tatayqa, pitachus ninkichej Diosniykichej kasqanta, paymin noqata jatunchawan.

San Juan 9:24

Chantá judiokunaj kurajninkukuna, pichus ñawsa karqa, chay runata ujtawan wajyaspa, nerqanku: Diospa ñawpaqenpi cheqanta parlay. Noqayku yachayku chay runaqa juchasapa kasqanta, nispa.

San Juan 9:3

Chantá Jesús kuticherqa: Mana paypa juchanraykuchu, nitaj tatan mamanpa juchankuraykuchu kay runa ñawsa paqarerqa. Manachayqa pay ajina paqarerqa paypi Dios atiyninwan imatachus ruwananta rikunaykichejpaj.

Romanos 11:11

Ujtawan tapukuni: Israelitakunaqa misk'aspa, ujtawan mana sayarinankupajchu urmarqanku? Manapuni. Manachayqa paykuna Diosta mana kasusqankurayku mana judío kajkuna qhespichisqa kanata tarerqanku. Ajinata Dios ruwasqanraykutaj, israelitakuna celosakonqanku.

Filipenses 1:11

Chay jinamanta qankuna Jesucristoj yanapasqanwan allin kajta ruwayta atinkichej, runakuna Tata Diosta yupaychanankupaj, chantá jatunchanankupaj ima.

Filipenses 1:20

Noqa sut'ita yachani mana ni imapi p'enqachisqa kanayta. Aswanpis tukuy sonqo suyashani kunanpis mayk'ajllapis Cristoj may jatun kaynin noqapi rikuchisqa kananta, kawsasaj chaypis, wañusaj chaypis.

1 Pedro 1:21

Paynejta qankuna Diospi atinikunkichej, pichus Cristota wañusqamanta kawsarichispa jatuncharqa, chaymanta. Chayrayku Diospi atinikuspa, pay imatachus nisqanta qonantapuni suyakushankichej.

1 Pedro 4:11

Pichus Diospa nisqanmanta parlananpaj atiyta jap'ejqa Dios kikinpis paynejta parlashanman jina parlachun. Pichus wajkunata yanapananpaj atiyta jap'ejqa Dios kallpa qosqanman jina yanapachun, Jesucristonejta tukuy imapi Tata Dios jatunchasqa kananpaj. Chantá Jesucristopis tukuy atiyniyoj kasqanrayku wiñay wiñaynintinpaj jatunchasqallataj kachun. Ajina kachun.

1 Pedro 4:14

Sichus pipis Cristopi atinikusqaykichejrayku qankunata turiyasunkichejman chayqa, kusikuychej, imaraykuchus Diospa jatun atiyniyoj Espíritun qankunawanpuni kashan.