San Juan 10:1 - DIOSPA QHELQACHISQ

¹ Jesús nillarqataj: Kayta sut'ita niykichej: Pichus oveja kanchaman mana punkunta yaykuspa, perqanta wasaykoj, chay runaqa suwa.

Qheshwa Biblia DC

¹ Cheqamanta, cheqamanta niykichej: Pichus oveja kanchaman mana punkuntachu yaykun, wajnejta wasaykun chayqa, suwa saltea.

DIOSPA QHELQACHISQAN DEUTEROCANONICAL

¹ Jesús nillarqataj: Kayta sut'ita niykichej: Pichus oveja kanchaman mana punkunta yaykuspa, perqanta wasaykoj, chay runaqa suwa.

Quechua South Bolivia: Dios Parlapawanchej

¹ Jesús nillarkataj: —Chekatapuni niyquichej: Oveja canchaman mana puncunejta yaycojka, astawanpis pacacuspa wajnejta yaycun chayka suwamin wañuchejtaj.

San Juan 10:1 Iomraidhean Croise

Jeremías 14:15

Chayrayku noqa Tata Diosmin chay sut'inchajkunamanta nini, pikunachus mana noqaj kachasqallay sutiypi parlanku, chaykunamanta: Paykuna ninku: Mana maqanaku kanqachu, nitaj yarqhaypis, nispa. Chay jinata sut'inchajkunaqa maqanakupi wañuchisqa kanqanku, chayrí yarqhaywan wañonqanku.

Jeremías 23:21

Tata Dios nin: Mana noqachu chay sut'inchajkunata kachamorqani. Paykunamanqa mana parlallarqanipischu. Jinapis paykuna usqhay usqhayta rispa, sutiypi parlamorqanku.

Jeremías 23:32

Paykunaqa yanqhallata mosqokusqankuta aylluyman sut'inchanku, ajinata ruwaspataj, aylluyta pantachinku. Mana noqaqa paykunata kachamorqanichu, nitaj imatapis kamacherqanichu. Chayrayku paykunaqa ni uj chhikallatapis aylluyta yanapayta atinkuchu. Noqa Tata Diosmin chayta nini.

Joel 2:9

Llajtaman yaykuykunku, perqa patata, wasi patantapis wasaykunku. Suwakuna jina ventananta yaykuykunku.

San Mateo 7:15

Qankunaqa allinta qhawakuychej pikunachus llullakuspa: Diosmanta sut'inchaj kani, nispa nejkunamanta. Paykunaqa oveja jina jamusunkichej, sonqonkupitajrí suwa atoj jina kanku.

San Juan 10:7

Chayrayku Jesús uj kutitawan chay runakunata nerqa: Sut'ita niykichej: Noqaqa oveja kanchaman yaykuna punku jina kani.

San Juan 3:3

Jesustajrí kutichispa, nerqa: Kayta sut'ita niyki: Sichus pipis watej mana paqarinmanchu chayqa, Diospa kamachiyninta ni rikullanqapischu, nispa.

Romanos 10:15

Manachus Dios pitapis willajta kachanman chayqa, mana pipis willaj rinmanchu. Chayrayku Diospa Qhelqachisqanpi nin: Sumaj willaykunata apamuspa, chayamojkunaqa may k'achamin, nispa.

Romanos 16:18

Chay jina runakuna mana Tukuyta Kamachej Jesucristoj munasqantachu ruwanku, manachayqa wijsallankumanta qhawanku. Jinataj k'achata parlaspa, misk'i simiwan manaraj allin yachajkunata q'otiyanku.

Tito 1:11

Chay runakunata ch'inyachina tiyan, imaraykuchus paykuna Diosta qhatejkunata aylluntinta pantachinku, qolqeta jap'inankurayku manakajta yachachispa.

Hebreos 5:4

Mana pipis munasqanraykullaqa kuraj kaj sacerdote kayta atinmanchu. Manachayqa Diospuni payta wajyaspa, kuraj kaj sacerdote kananpaj churan, imaynatachus Diosqa Aaronta wajyaspa churarqa, ajinata.

1 Pedro 1:10

Diosmanta sut'inchajkunaqa qhespichisqa kanamanta allinta yachayta munaspa, watorqanku. Parlallarqankutaj, Dios qhasilla k'acha yanapayninpi imatachus qankunaman qonasuykichej kasharqa, chaymantapis.

2 Pedro 2:1

Unay israelitakuna ukhupi mana cheqanta yachachej sut'inchajkuna rikhurerqanku. Ajinallatataj qankuna ukhupipis mana cheqanta yachachejkuna rikhurenqanku. Paykuna mana reparaylla, pantachej yachachiyninkuta yachachenqanku, jinataj Tukuyta Kamachej Jesucristotapis qhesachanqanku, pichus ashkha preciowan paykunata ranterqa, chayta. Chayrayku paykuna manaraj imapi chinkachisqa kanqanku.

2 Pedro 2:3

Mana cheqanta yachachejkunaqa qolqemanta wañurisqa kaspa, tukuy imaymana llulleriyota wakichisqankuwan qankunamanta qolqeykichejta ch'uskisonqachej. Paykunapaj jasut'iyrí unaymantaña wakichisqa kashan, chinkachisqa kanankutaj patallankupiña.

1 Juan 4:1

Munasqa wawqe panakuna, tukuy pikunachus: Diospa Espiritunpa yuyaychasqan kani, nispa ninku, chaykunaj yachachisqankuta ama jap'ikullaychejchu. Manachayqa Diosmantachus kanku, manachus chayta allinta reparaychej, imaraykuchus ashkha mana cheqanta yachachejkuna tukuynejpi purishanku.