Joel 1:4 - DIOSPA QHELQACHISQ

⁴ Phinki phinki khurukunaqa tukuy chajrakunata tukuykorqanku. Puchojtarí, uña phinki phinkikuñataj mikhuykorqanku, chaymanta puchojtataj jatun phinki phinkiñataj mikhukapullarqataj.

Qheshwa Biblia DC

⁴ Langostasqa tukuy chajrasta mikhuykaporqanku. Puchojkunatarí, waj langostasñataj jamuspa mikhuykapullarqankutaj.

DIOSPA QHELQACHISQAN DEUTEROCANONICAL

⁴ Phinki phinki khurukunaqa tukuy chajrakunata tukuykorqanku. Puchojtarí, uña phinki phinkikuñataj mikhuykorqanku, chaymanta puchojtataj jatun phinki phinkiñataj mikhukapullarqataj.

Joel 1:4 Iomraidhean Croise

1 Reyes 8:37

Ichapis kay jallp'api yarqhay, onqoy kanman, chajrapi phinki phinki, t'una khuru, piki pikipis kanman. Chayrí ichapis awqanku llajtankukunata muyuykuspa sayaykunkuman, jinataj ima llakiypis, onqoypis rikhurinman.

2 Crónicas 6:28

Ichapis kay suyupi yarqhaypis, millay onqoypis kanman, ruphaywan sach'akuna ch'akirapunkuman, sach'akunapi onqoy rikhurinman, chayrí phinki phinkikunapis, t'una khurupis rikhurinman, chayrí ichapis awqankunapis llajtankuta muyuykuspa, wañurachej sayaykunkuman, chayrí ima llakiypis, onqoypis kanman,

2 Crónicas 7:13

Maypachachus mana parachimusajchu, chayrí phinki phinkikunata kachaykamusaj tukuy pampata q'araykunankupaj, chayrí aylluyman uj onqoyta apachimusaj chaypachaqa,

Salmos 105:34

Ujtawan Dios parlajtin, phinki phinkikunañataj rikhurerqanku. May chhika mana yupay atina jinapuni karqanku.

Salmos 78:46

Jinallataj Diosqa Egipto llajtayojkunaj poqochisqankuta khuruwan tukuykucherqa, tarpusqankutataj phinki phinkikunawan chinkarparicherqa.

Éxodo 10:4

Manapunichus kacharipuyta munanki chayqa, q'ayapacha phinki phinkikunata tukuy Egiptoman kachaykamusaj.

Éxodo 10:5

Phinki phinkikunaqa phuyu jina pampaman tiyaykuspa, p'ampaykonqanku, mikhonqankutaj chijchi paramanta imachus puchojta. Jinallataj tukuy sach'atapis q'ara k'aspillata ruwanqanku.

Isaías 33:4

Imaynatachus phinki phinkikuna phuyu jina aywirimuspa, tukuy chajrata tukuykunku, ajinata asiriokunaj awqanku tukuy kapuyninkuta qhechonqa.

Jeremías 51:14

Tukuy Atiyniyoj Tata Dios sutinrayku tilun: Llajtaykita awqaykikunawan phinki phinkikunawan jina junt'aykuchisaj, paykunataj qanta atipaykususqankurayku, kusiymanta takirikonqanku, nispa.

Jeremías 51:27

Chay suyupi wiphalata pataman oqhariychej maqanakuman yaykunapaj. Trompetata waqachiychej, runatataj tantaychej, Babiloniaj contranta maqanakoj yaykunapaj. Paypa contranpi Araratmanta, Minimanta, Askenazmantawan runata tantaychej. Chantá uj kamachejta churaychej, tukuy rejkunata maqanakuman pusananpaj. Caballopi rejkunata kachaykuychej, may chhika phinki phinkikuna jina.

Joel 2:25

Tata Dios nin: Noqa qankunaj contraykichejpi chajraykichejta tukuykunankupaj kachamorqaykichej soldadokunata jina may chhika phinki phinkikunata. Chaywanpis imatachus mikhukapusqankuta kutichipusqaykichej.

Amós 4:9

Chantá ch'aki wayrawan jasut'erqaykichej, chajraykichejtapis khuruwan tukuykucherqani. Huertaykichejta ch'akicherqani, jinallataj uva sach'aykichejtapis. Phinki phinkikunawan higo sach'aykichejta, olivo sach'aykichejta ima tukuykucherqani. Qankunatajrí mana noqaman kutirikamuwarqankichejchu. Noqa Tata Diosmin chayta nini.

Amós 7:1

Tukuyta Kamachej Tata Dios kayta rikuchiwarqa: Payqa may chhika phinki phinkikunata wakichisharqa qhepa tarpuy p'utuyta qallarishajtin kachaykamunanpaj. Chay tarpuy karqa, kuraj kamachejpaj uj t'aqata chajra poqoymanta ñawpajta oqharisqanku, chaymanta qhepamanraj.

Malaquías 3:11

Chaypacha mana saqesajchu ni ima khuru chajraykichejta tukuykunanta, jinallataj uva sach'aykichejpis manchay poqoyniyoj kanqa. Noqa Tukuy Atiyniyoj Tata Dios ajinata nini.

Deuteronomio 28:38

Jallp'aykipi ashkhata tarpunki, pisitataj oqharinki, imaraykuchus phinki phinkikunalla mikhuykakaponqanku.

Deuteronomio 28:42

Tukuy sach'aykita, chajra tarpukusqaykitapis phinki phinkikuna tukukaponqanku.