Génesis 1:1 - DIOSPA QHELQACHISQ

¹ Qallariypi Diosqa janajta, kay pachata ima ruwarqa.

Qheshwa Biblia DC

¹ Qallariypeqa Dios janaj pachata kay pachatawan ruwarqa.

DIOSPA QHELQACHISQAN DEUTEROCANONICAL

¹ Qallariypi Diosqa janajta, kay pachata ima ruwarqa.

Génesis 1:1 Iomraidhean Croise

Hebreos 11:3

Diospi atinikusqanchejrayku yachanchej Diosqa kamachisqannejta tukuy kaj chhikata ruwasqanta. Ajinaqa, kunan imatachus rikushanchej, chay tukoyqa manakajmanta ruwasqa karqa.

Isaías 45:18

Janaj pachata ruwaj Tata Dios, Paymin Diosqa. Paymin kay pachatapis ruwarqa, payllataj tukuy imata maychus kananman churarqa. Kay pachata ruwarqa kawsayniyojkuna chaypi tiyakunankupaj. Pay nin: Noqamin Tata Dios kani, noqamanta jawaqa mana waj Dios kanchu.

Apocalipsis 4:11

Tukuyta Kamachej Diosniyku, qanllamin jatunchanapaj jina kanki, may sumajpaj jina qhawana, tukuy atiyniyojtaj, imaraykuchus qanmin tukuy kaj chhikata ruwarqanki. Qan chaykunata ruwarqanki, kunankamataj munasqaykirayku kashallankupuni, nispa.

Hebreos 1:10

Chantá nillarqataj: Tukuyta Kamachejníy, qanmin qallariypi kay pachata sinch'ita sayacherqanki. Janajpis makiykej ruwasqallantaj.

Isaías 42:5

Tata Dios janajta ruwaspa, jatunman mast'arerqa. Jinallataj kay pachatapis ruwarqa, chaypi tukuy ima kajkunatawan ima. Payllataj kawsayta runakunaman qon, chantá kay pachapi tukuy purejkunamanpis kawsayta qollantaj. Chay Diosmin kamachinta nin:

Éxodo 20:11

Chayqa ajina kanqa imajtinchus noqa sojta p'unchaypi janajta, kay pachata, mama qochata ima ruwarqani. Jinataj chaykunapi imachus tiyan, chaykunatawan ruwarqani. Qanchis kaj p'unchaypitaj samarikorqani. Chayrayku noqa Tata Dios samarina p'unchayta saminchaspa, noqallapaj t'aqarqani.

Job 38:4

Kay pachata sayachishajtiy, maypitaj kasharqankiri? Niway, sichus qan allinta yachanki chayqa.

Hechos 17:24

Paymin kay pachata, tukuy imatawan ruwaj Diosqa, janaj pachajta, kay pachajtapis Tukuyta Kamachejnintaj. Manataj payqa runaj ruwasqan templopichu tiyakun.

2 Pedro 3:5

Chaywanpis paykuna yachashaspa, mana yachajman tukunku. Paykuna qonqapunku qallariypi janajpis, kay pachapis Diospa nisqannejta ruwasqa kasqanta, maypachachus Dios kay pachata yaku ukhumanta rikhuricherqa, yakuwantaj muyuykucherqa, chaypacha.

Nehemías 9:6

Qanllamin uj k'ata Tata Dios kanki. Qan ruwarqanki janajta, janajmanta aswan patapi kajtapis, chaypi tukuy kaj ch'askakunatapis. Ruwallarqankitaj kay pachata, chaypi tukuy ima kajtapis, mama qochatapis, chaypi tukuy ima kajtapis. Qanqa tukuy imaman kawsayta qonki. Chayraykumá janajpi tukuy ch'askakunapis yupaychasunku.

Isaías 44:24

Manaraj paqarikushajtiyki, Tata Dios ruwasorqaña, chaymantataj pagaspa kacharichisorqa, paytaj ajinata nin: Noqamin tukuy imata ruwaj Tata Dios kani. Noqalla janajta jatunman aysarqani. Kay pachata ruwashajtiy, mana pipis noqawanchu kasharqa.

Jeremías 32:17

Tukuyta Kamachej Tata Diosníy, jatun atiyniykiwan janaj pachata, kay pachatapis ruwarqanki. Qanpajqa tukuy ima ruwana atikullan.

Jeremías 51:15

Tata Diosqa atiyninwan kay pachata ruwarqa, yachayninwantaj kay pachata sayacherqa, yuyayninwantaj janajta aysarqa.

Salmos 33:9

Pay parlarqa, tukuy imataj ruwasqa karqa. Tata Dios kamacherqa, tukuy imataj rikhurerqa.

Proverbios 3:19

Tata Diosqa kay pachata sumaj yachaywan ruwarqa, janajtapis sumaj yuyaywan sayacherqa.

Apocalipsis 14:7

Chantá jatunmanta parlaspa, nerqa: Diosta manchachikuychej, sutintataj jatunchaychej, imaraykuchus juzganan p'unchay chayamunña. Pichus janaj pachata, kay pachata, mama qochata, yaku juturikunata ima ruwajta yupaychaychej ari, nispa.

Salmos 115:15

Janajta, kay pachatawan ruwaj Tata Dios qankunata saminchachun.

Hechos 14:15

Runa masikuna, imaraykutaj kayta ruwashankichejri? Noqayku runalla kayku, qankuna jina. Aswanpis qankunaman willaj jamuyku, kay qhasi manakaj imakunata saqespa, kawsashaj Diosman kutirikunaykichejpaj. Paymin janajta, kay pachata, mama qochata ima ruwarqa, chaykunapi tukuy ima kajkunatapis.

Salmos 136:5

Sumaj yachaywan janajkunata ruwajman pachis niychej, imaraykuchus munakuynenqa wiñay wiñaypajmin.

Jeremías 10:12

Tata Dios atiyninwan kay pachata ruwarqa, yachayninwantaj kay pachata sumajta sayacherqa, yachayniyoj kasqanwantaj janajta jatunman aysarqa.

1 Corintios 8:6

Chaywanpis noqanchejpajqa uj Dioslla tiyan, Tata Dios. Paymanta tukuy ima jamun, noqanchejtaj paypaj kawsanchej. Jinallataj Tukuyta Kamachejqa ujlla tiyan, Jesucristo. Paynejta Dios tukuy ima kaj chhikata ruwarqa, paynejllatataj noqanchejman kawsayta qowanchej.

Salmos 8:3

3 (4) Qanpa ruwasqayki janajta, churasqayki killata, chantá ch'askakunata ima rikuspa, noqa nini:

Salmos 102:25

25 (26) Qallariymantapacha kay pachata qan ruwarqanki, janajtapis qanllataj ruwarqanki.

Hebreos 3:4

Tukuy wasipis runaj wasichasqanpuni. Tukuy imata ruwajtajrí Diospuni.

Salmos 124:8

Yanapaqa Tata Diosmanta jamun, pichus janajta, kay pachatawan ruwarqa, chaymanta.

Hebreos 1:2

Kunanrí kay qhepa p'unchaykunapi Dios Churinnejta parlawanchej, pimanchus tukuy imata chayaqeta jina qorqa, pinejtatajchus tukuy kaj chhikata ruwarqa, chaynejta.

Proverbios 16:4

Tata Diospa tukuy ima ruwasqanqa mana jinallachu. Millayta ruwaj runatapis uj p'unchay jasut'isqa kananpaj ruwan.

Salmos 33:6

Tata Diosqa janajkunata simi nisqallanwan ruwarqa, tukuy chaypi kajtapis samaynillanwan ruwarqa.

Salmos 121:2

Tata Diosmin yanapawajneyqa, pichus kay pachata, janaj pachatawan ruwaj.

Zacarías 12:1

Tata Dios kayta sut'incharqa imachus Israelwan kananmanta. Qallariypeqa paymin janajta toldota jina mast'arqa, kay pachatapis sayacherqa, runamanpis kawsayta qorqa. Kunantaj pay nin:

Isaías 40:28

Manachu jayk'aj yacharqankichej? Manallatajchu uyarerqankichej? Tata Diosqa wiñay wiñaypaj kawsaj Diosmin. Jinallataj tukuy kay pachatapis paymin ruwarqa. Payqa mana llawch'iyanchu, nitaj sayk'unchu. Paypa yuyasqantaqa mana pipis yachayta atinmanchu.

Salmos 104:24

Tata Dios, ruwasqaykeqa may chhikamin. Qanqa tukuy imata sumaj yachayniykiwan ruwarqanki. Kay pachaqa tukuy ima ruwasqaykiwan junt'a kashan.

Salmos 96:5

Waj ayllukunaj diosninkoqa manakaj lantilla kanku. Tata Diostajrí janajkunata ruwarqa.

Apocalipsis 10:6

Jinaspataj payqa, pichus janajta, jallp'ata, mama qochata, chaykunapi imachus kajkunatawan ruwarqa, chay wiñay wiñaypaj kawsaj Diospa sutinpi tiluspa, nerqa: Suyana tiempo tukukapunña.

Romanos 11:36

Tukuy ima Diospa ruwasqanmin, paytaj chay tukuyta sayachin, jinataj tukuy imaqa paypajmin. Chayrayku pay wiñay wiñaynintinpaj jatunchasqa kachun. Ajina kachun.

Hechos 4:24

Jesucristota qhatikojkunataj chayta uyarispa, tukuyninku uj sonqolla jatunmanta parlaspa Diosta nerqanku: Tukuyta Kamachej Dios, qanqa janaj pachata, kay pachatawan, mama qochatapis, tukuy ima chaykunapi kajkunatawan ruwarqanki.

Salmos 90:2

Manaraj orqokuna ruwasqa kashajtin, nitaj kay jallp'a, kay pachapis kashajtin, wiñaymanta wiñaykama qan Dios kanki.

Isaías 51:16

Nisqayta simiykiman churarqani, makiypa llanthunpitaj waqaycharqayki. Janajta jatunman aysaspa, kay pachaj cimientontapis churaspa, Sionta nerqani: Qanqa aylluy kanki, nispa.

Isaías 37:16

Tukuy Atiyniyoj Tata Dios, Israelpa Diosnin, querubinkunaj chawpinkupi tiyakoj Dios, kay pachapi kaj chhika suyukunaj Diosninku. Qanmin ruwarqanki janajta, kay pachatawan.

Salmos 146:6

Payqa janajta, kay pachatapis ruwarqa, mama qochata, tukuy chaypi kajkunatawan. Paytaj nisqanta mana qonqaspa junt'anpuni.

Salmos 134:3

Janaj pachata, kay pachatawan ruwaj Tata Diosqa Sión orqomantapacha qanta saminchasuchun.

Apocalipsis 22:13

Noqa Tukuy Imaj Qallariynin, Tukukuynintaj kani, jinallataj Ñawpaj Kaj, Qhepa Kaj ima.

1 Juan 1:1

Tukuy imapis manaraj ruwasqa kashajtin, kawsayta qoj Simi Nisqa sutiyoj karqañapuni. Noqaykutaj payta uyarerqayku, jinataj kikin ñawiykuwan rikorqayku, qhawarqayku, chantá makiykuwan llankharqayku ima.

Marcos 13:19

imaraykuchus chay p'unchaykunapeqa manchay llakiykuna kanqa. Chay jina llakeyqa mana jayk'ajpis rikukorqachu, Dios kay pachata ruwasqanmantapacha kunankama, nillataj qhepamanpis kanqachu.

Isaías 40:26

Janajta qhawariychej. Pitaj chay tukuy ch'askakunata ruwarqari? Tata Dios, pichus chaykunata ujmanta uj orqhomuspa yupan, tukuyninkutataj sutinkumanta wajyan, chay. Payqa tukuy atiyniyoj, tukuy kallpayojtaj, chay jinapuni kasqanraykutaj mana ujpis makinmanta chinkanchu.

Salmos 104:30

Chantá samayniykita kachamunki chayqa, tukuy watej kawsarinku. Kay pachatapis mosojman tukuchinki.

1 Crónicas 16:26

Runakunaj diosninkoqa lantikunalla kanku. Tata Diostajrí janaj pachakunata ruwarqa.

Apocalipsis 21:6

Nillawarqataj: Noqa Tukuy Imaj Qallariynin, Tukukuynintaj kani. Tukuy ima ruwasqaña. Noqataj ch'akichikojmanqa kawsachej yaku juturimanta yakuta qhasilla ujyachisaj.

Efesios 3:9

Jinallataj tukuy imata ruwaj Diosqa, imachus wiñaymantapacha pakasqa karqa, chay wakichisqanta tukuyman rejsichinaypaj kamachiwarqa.

Isaías 51:13

Chaywanpis ruwasojniyki Tata Diosta qonqapunkiña, pichus janajta jatunman aysarqa, kay pachaj cimientontapis churallarqataj, payta. Qanqa tukuy p'unchaynintin manchachikullankipuni, pichus llakichisuspa, phiñakuyninpi chinkachisuyta munarqa, chaymanta. Kunan maytaj chay jinata llakichisoj runaj phiñakuyninri?

Isaías 65:17

Uyariwaychej, noqa janajta, kay pachatawan mosojta ruwasaj. Ñawpajta imachus kajqa qonqasqa kanqa, manañataj yuyarisqachu kanqa.

Apocalipsis 3:14

Laodicea llajtapi iglesiaj angelninman kay nisqayta qhelqay: Ajina kachun nej, cheqanta willaj, mana llullakoj testigo, pinejtachus Dios tukuy imata qallariypi ruwarqa, chay nisunki:

Job 26:13

Ujta phukuspa, janaj pachata picharparin. Makinwan q'allpispataj, llusp'ej katarita wañuchin.

Eclesiastés 12:1

Waynapis, sipaspis kashaspa, pichus ruwasoj Diosniykimanta yuyarikuy. Manaraj mana allin p'unchaykuna chayamushajtin, chay watakunapitaj qan niwaj: Kay kawsayqa mana kusikunaypaj jinachu, nispa.

San Mateo 11:25

Chaypacha Jesús kay jinata Diosta nerqa: Tatáy, janaj pachata, kay pachatawan kamachej Dios, noqa jatunchayki imaraykuchus qan kay imakunata yachayniyojkunamanta, yuyayniyojkunamantawan pakaykorqanki, wawa jina kajkunamantaj sut'incharqanki.

Éxodo 31:18

Tata Diosqa Sinaí Orqopi Moiseswan parlayta tukuytawan, kamachisqakunata p'alta rumipi qhelqasqata Moisesman qorqa. Chay kamachisqakunataqa kikin Diospuni makinwan qhelqarqa.

Job 9:8

Pay sapallan janajta toldota jina aysarqa, mama qochaj qhollchoqeyasqan patapitaj purin.

Isaías 40:21

Chaywanpis manachu yachankichej? Nitajchu imatachus Dios nisqanta uyarerqankichej? Manachu willasorqachej qallariymantapacha imachus kasqantari? Manachu kayta pipis yachachisorqachej kay pacha ruwakusqanmantapacha?

2 Reyes 19:15

Chantá payqa Tata Diosmanta ajinata mañakorqa: Israelpa Tata Diosnin, querubinkunaj chawpinkupi tiyakoj, qanllamin kay pachapi tukuy suyoj Diosnin kanki. Qanlla janaj pachata, kay pachatawan ruwarqanki.

2 Crónicas 2:11

11 (10) Chaypacha Tiro suyuta kuraj kamachej Jiranqa Salomonman uj cartata apacherqa kay jinata nispa: Tata Diosqa ayllunta munakusqanrayku ayllunta kamachinaykipaj churasorqa, nispa.

Salmos 8:4

4 (5) Imataj runa kasqa paymanta yuyarikunaykipajri? Imataj runa kasqa payta cuentaman churanaykipajri?