Apocalipsis 2:2 - DIOSPA QHELQACHISQ

² Noqa tukuy ima ruwasqaykita yachani, sinch'i ruwasqaykita, chantá mana sayk'uspa sayasqaykita ima. Yachallanitaj millayta ruwaspa kawsajkunatapis mana rikuyta atisqaykita. Jesuspa kuraj kachan kani, nispa nejkunatapis qan allinta watuspa, llulla kasqankuta sut'iman orqhosqaykitapis yachallanitaj.

Qheshwa Biblia DC

² Ruwayniykita, llank'asqaykita, pacienciaykitawan rejsini. Yachanitaj sajra runastapis mana rikuyta atisqaykita; apóstoles kayku nejkunatapis pruebaman churasqaykita; llullas kasqankutataj rikurichimusqaykita.

DIOSPA QHELQACHISQAN DEUTEROCANONICAL

² Noqa tukuy ima ruwasqaykita yachani, sinch'i ruwasqaykita, chantá mana sayk'uspa sayasqaykita ima. Yachallanitaj millayta ruwaspa kawsajkunatapis mana rikuyta atisqaykita. Jesuspa kuraj kachan kani, nispa nejkunatapis qan allinta watuspa, llulla kasqankuta sut'iman orqhosqaykitapis yachallanitaj.

Quechua South Bolivia: Dios Parlapawanchej

² Yachani causayniyquita, llanc'ayniyquitapis, Diospi jap'icuspa muchuyniyquitawanpis. Yachanitaj sajra runasmantapis carunchacoj caskayquita. Waquenka Cristoj cachasnin sutichacuncu mana caspalla. Chaycunatapis chekachus manachus caskancuta repararkanquipuni. Ajinapi paycuna llulla caskancutapis tariparkanqui.

Apocalipsis 2:2 Iomraidhean Croise

Salmos 1:6

Tata Dios cheqan runakunaj puriyninkuta waqaychan. Millayta ruwaspa purejkunaj ruwasqankurí chinkayman paykunata apan.

San Mateo 7:23

Noqatajrí uyankupi nipusaj: Ni jayk'aj qankunata rejserqaykichejchu. Ñawpaqeymanta chinkaychej, millayta ruwajkuna, nispa.

San Juan 6:6

Chayta Jesús nerqa Felipe imatachus yuyashasqanta yachananpaj, imaraykuchus Jesús imatachus ruwananta yacharqaña.

Gálatas 1:7

Cristomanta jawaqa waj sumaj willay manamin kanchu. Manachayqa wakinkuna qankunaj umaykichejta muyuchiyta munaspa, Cristoj sumaj willayninta q'ewinku.

Efesios 4:14

Ajina kajtin, manaña wawa jinachu kasunchej, waj jinata yachachejkunawan wayrawan jina kayman jaqayman apaykachachikuspa. Mana jasallata apachikusunchejchu, pikunachus q'otiyanankupaj llullakushasqankuta misk'i simiwan sumajta pakanku, chaykunawan.

1 Tesalonicenses 1:3

Tata Diosninchejwan parlarikuspa, qankunamanta yuyarikuykupuni Diospi tukuy sonqo atinikuspa ruwasqaykichejmanta, munakuspa wajkunata sinch'ita yanapasqaykichejmanta ima. Chantá yuyarikullaykutaj Tukuyta Kamachej Jesucristo ñak'ariykunapi yanapanasuykichejta pacienciawan suyasqaykichejmanta.

1 Tesalonicenses 5:21

Manachayqa tukuy ima nisqankuta allinta reparaychej, yachanaykichejpaj allinchus manachus kasqanta. Chantá allin kajta jap'ikuychej.

2 Timoteo 2:19

Chaywanpis Diospa cimiento churasqanqa sumajta sayan, chay cimientopitaj kay jina qhelqasqa kashan: Tukuyta Kamachej Diosqa paypata kajkunata rejsin, nispa. Nillantaj: Tukuy pikunachus Tukuyta Kamachej Diospata kajkunaqa millayta ruwaspa purinamanta t'aqakuchunku, nispa.

Hebreos 6:10

Diosqa cheqan kaspa, ruwasqaykichejmanta mana qonqaponqachu, jinallataj payta munakusqaykichejmantapis. Chayrayku qankuna Diospa ajllakusqankunata yanaparqankichej, kunanpis yanapashallankichejpuni.

1 Juan 4:1

Munasqa wawqe panakuna, tukuy pikunachus: Diospa Espiritunpa yuyaychasqan kani, nispa ninku, chaykunaj yachachisqankuta ama jap'ikullaychejchu. Manachayqa Diosmantachus kanku, manachus chayta allinta reparaychej, imaraykuchus ashkha mana cheqanta yachachejkuna tukuynejpi purishanku.

Apocalipsis 2:5

Chayrayku imapichus pantasqaykita qhawarikuy, chaymanta kutirikamuspataj, watej noqata kasuwaspa puriy. Chantá imatachus qallariypi ruwaj kanki, chayta ujtawan ruway. Manachus noqaman kutirikamunki chayqa, noqa jamuspa, lamparaykita maypichus kananmanta qhechusaj.

Apocalipsis 2:6

Chaywanpis kayta ruwaspa, allinta ruwanki: Qanqa Nicolasta qhatejkunaj millay ruwasqankuta chejninki. Noqapis chay ruwasqankuta chejnillanitaj.

Apocalipsis 2:9

Noqa ñak'arichisqa kasqaykita rikuni, wajcha kasqaykitapis. Chaywanpis qhapaj kanki. Yachallanitaj judío kasqankuta nejkuna qanpaj sajrata rimasqankuta. Paykuna mana Diospa ayllunmantachu kanku, aswanpis Kuraj Supaypa t'aqanmanta.

Apocalipsis 3:1

Chantá Jesucristo niwarqa: Sardis llajtapi iglesiaj angelninman kay nisqayta qhelqay: Pichus Diospa qanchis jinamanta rejsichikoj Santo Espiritunta, chantá qanchis ch'askakunata ima jap'in, chay nisunki: Noqaqa tukuy ima ruwasqaykita rikuni, yachallanitaj tukuy kasuwaspa purisqaykita yuyasqankuta. Chaywanpis chayqa mana jinachu. Qanqa mana kasuwaspachu purinki.

Apocalipsis 3:15

Noqaqa tukuy ima ruwasqaykita rikuni. Jinallataj yachani qanqa mana tukuy sonqochu kasuwasqaykita, manachayqa tumpallata. Allin kanman tukuy sonqo kasunawayki, chayrí mana kasunawayki.

Apocalipsis 3:8

Noqaqa tukuy ima ruwasqaykita rikuni. Jinataj ñawpaqeykipi uj punkuta kicharini, chaytataj mana pipis wisq'ayta atinmanchu. Qanqa pisi kallpayoj kashaspapis, nisqayta kasorqanki, manataj mana rejsiwaj tukorqankichu.