Apocalipsis 13:3 - DIOSPA QHELQACHISQ

³ Jinallataj noqa chay waj sierpej ujnin umanta allin k'irisqata rikorqani, wañunanpaj jina. Chaywanpis chay k'irisqa umanqa thañiporqa. Chayrayku kay pachapi kaj chhika runa t'ukuspa, chay waj sierpeta kasorqanku.

Qheshwa Biblia DC

³ Ujnin umanta rikorqani wañunampaj jina k'irisqata. Wañuypaj k'iriynintaj thañikaporqa. Tukuy kay pachapi runas t'ukuspa chay phiña animalta qhaterqanku.

DIOSPA QHELQACHISQAN DEUTEROCANONICAL

³ Jinallataj noqa chay waj sierpej ujnin umanta allin k'irisqata rikorqani, wañunanpaj jina. Chaywanpis chay k'irisqa umanqa thañiporqa. Chayrayku kay pachapi kaj chhika runa t'ukuspa, chay waj sierpeta kasorqanku.

Quechua South Bolivia: Dios Parlapawanchej

³ Ujnin umanka wañuchiskaman rijch'acorka. Wañuy nanayninmanta thañiska carka. Chayraycutaj tucuy cay pacha runas t'ucorkancu chay millay animaltataj casorkancu.

Apocalipsis 13:3 Iomraidhean Croise

Ezequiel 30:24

Chantá Babiloniaj kuraj kamachejninpa makinta atiyniyojman tukuchisaj, espadaytataj makinman churasaj. Faraonpa makintatajrí p'akirasaj, paytaj awqanpa ñawpaqenpi maytapuni waqanqa, wañuy patapipis kashanman jina.

San Lucas 2:1

Chaypacha Romapi kuraj kamachej Augusto kamacherqa tukuy suyupi runa yupasqa kanankuta.

San Juan 12:19

Fariseokunatajrí ninakorqanku: Rikunkichejchu? Tukuy payman k'askakapushanku, noqanchejtaj manaña imatapis ruwayta atinchejchu, nispa.

Hechos 8:13

Kikillantataj Simonpis Jesuspi atinikuspa, bautizachikorqa. Chaymantataj Felipewanpuni purerqa, may t'ukuna imakunata, runaj mana jayk'aj rikusqanta ruwashajta rikuspataj, mayta t'ukorqa.

Apocalipsis 13:12

Chantá jallp'amanta rikhurej sierpeqa mama qochamanta rikhurej sierpej atiyninwan kamacherqa, nerqataj kay pachapi tukuy runakuna chay ñawpaj kaj sierpeta yupaychanankuta, mayqenpa ujnin umanchus k'irisqa kashajtin thañiporqa, chayta.

Apocalipsis 13:14

Jinallataj jallp'amanta rikhurimoj sierpeqa ñawpa kaj sierpe atiyta qosqanwan t'ukuna imakunata ruwarqa, chaykunawantaj kay pachapi tukuy runata q'otiyarqa. Chantá jallp'amanta rikhurimoj sierpe kamachillarqataj, chay ñawpaj kaj sierpej lantinta ruwanankuta, mayqenpa ujnin umanchus k'irisqa kashajtin thañiporqa, chaypata.

Apocalipsis 17:10

Chay qanchis umakuna qanchis kuraj kamachejkunawan ninakullantaj. Chaykunamanta phishqa manaña kamachishankuñachu. Sojta kajqa kunan kamachishan, ujtaj manaraj kamachinanpaj tiyaykunrajchu. Kamachinanpaj tiyaykonqa chaypacharí mana unaytachu kamachenqa.

Apocalipsis 17:11

Chay puka sierpe pichus karqa, kunantaj manaña kanchu, chayllataj pusaj kaj kamachej. Payqa chay qanchis kamachejkuna jinallataj kashan, paypis wiñaypaj chinkachisqa kanallanmantaj rishan.

Apocalipsis 17:13

Chay kamachejkuna parlarikuspa, kamachinankupaj atiyniyoj kasqankuta sierpeman qonqanku.

Apocalipsis 17:17

Ajina chay phisu warmiwan kanqa, imaraykuchus Diosqa sonqonkuman churanqa paypa munayninta ruwanankupaj, parlarikuspataj, kamachinapaj atiyta puka sierpeman qonankupaj, Diospa nisqan junt'akunankama.

Apocalipsis 17:6

Repararqanitaj chay warmeqa Diospa ajllakusqankunaj yawarninkuwan, chantá Jesusmanta willajkunaj yawarninkuwan ima machasqa kasqanta. Payta rikuspa, noqa maytapuni t'ukorqani.

Apocalipsis 17:8

Chay rikusqayki sierpe ñawpajta karqa, kunantajrí manaña kanchu. Chaywanpis manaraj wiñaypaj chinkachisqa kashaspa, ukhu pachamanta ujtawan rikhurimonqa. Kay pacha ruwasqa kasqanmantapacha pikunaj sutinkuchus kawsay p'anqapi mana listasqachu kashan, chaykunaqa sierpeta rikuspa, t'ukonqanku. Chay sierpeqa ñawpajta karqa, kunantaj manaña kanchu, chaywanpis kutimonqarajmin.