1 Juan 4:4 - DIOSPA QHELQACHISQ

⁴ Munasqa wawaykuna, qankuna Diospata kankichej, chayraykutaj mana cheqantachu yachachejkunata atipankichejña. Diospa Espíritun, pichus qankunapi kajqa aswan atiyniyoj, pichus kay pachapi kashan, chaymanta nisqaqa.

Qheshwa Biblia DC

⁴ Wawitasníy, qankunaqa Diosmanta kankichej, paykunatataj atiparqankichej, imaraykuchus qankunapi kajqa astawan atiyniyoj kay pachapi kajmanta nisqaqa.

DIOSPA QHELQACHISQAN DEUTEROCANONICAL

⁴ Munasqa wawaykuna, qankuna Diospata kankichej, chayraykutaj mana cheqantachu yachachejkunata atipankichejña. Diospa Espíritun, pichus qankunapi kajqa aswan atiyniyoj, pichus kay pachapi kashan, chaymanta nisqaqa.

Quechua South Bolivia: Dios Parlapawanchej

⁴ Wawitasníy, kancunaka Diospa cheka wawasnin canquichej. Llulla willajcunatataj atiparkanquichej Santo Espíritu sonkosniyquichejpi tiyacuskanraycu. Kancunapi tiyacoj Dios aswan atiyniyojmin cay pachapi cajmantaka.

1 Juan 4:4 Iomraidhean Croise

San Juan 12:31

Kunan kay pachapi tukuy runata Dios juzganan p'unchay chayamun. Kay pachapi kamachej Kuraj Supaytaj kay pachamanta wijch'usqa kanqa.

San Juan 14:30

Manaña qankunawan anchata parlasajchu, imaraykuchus kay pachata kamachej jamushanña. Chaywanpis payqa atipanawanpaj mana atiyniyojchu.

San Juan 16:11

Jinallatataj Santo Espiritoqa runata reparachenqa Diosqa pichus kay pachapi kamachejta ñapis juchachasqantaña.

San Juan 17:23

Noqaqa paykunaman ujchasqa kashani, qantaj noqaman. Ajinamanta paykuna uj sonqolla kanqanku, tukuy runakuna yachanankupaj qan kachamuwasqaykita. Yachallanqankutaj qan paykunata munakusqaykita, imaynatachus noqatapis munakuwanki, ajinata.

Romanos 8:31

Astawan ima nisunmantajri? Sichus Dios noqanchejman kutisqa kashan chayqa, mana pipis contranchejpi sayaykuyta atiwasunmanchu.

Romanos 8:37

Chaywanpis chay jina llakiykunapi kashaspapis, sut'ita yachanchej munakuwajninchej Jesucristonejta atipananchejtapuni.

1 Corintios 2:12

Noqanchejqa Diosman mana kutirikojkunaj yuyasqankuman jinachu yuyanchej, manachayqa Diosmanta jamoj Espíritu noqanchejpi kashan yachananchejpaj imatachus Dios munasqanraykulla qowasqanchejta.

1 Corintios 6:13

Jinallataj ninkichej: Mikhunaqa wijsapaj, wijsataj mikhunata jap'inapaj, nispa. Chayqa jinapuni. Diostajrí, iskayninta chinkachenqa. Chaywanpis qankunaqa mana niyta atinkichejchu ukhuykichejqa khuchiriyopi purinapaj kasqanta. Manachayqa ukhuykichej ruwasqa karqa Tukuyta Kamachej Jesuspa munasqanta ruwanaykichejpaj, imajtinchus runaj ukhonqa paypajtamin.

2 Corintios 4:4

Kay pachapi kamachej diosninku Satanasqa Jesuspi mana atinikojkunaj yuyayninkuta laqhayachin, Jesusmanta sumaj willaypa k'anchayninta mana rikunankupaj. Chay sumaj willayqa Cristoj jatun kayninmanta willawanchej. Cristotaj Diospa jatun kayninpa lliphipiyninta rejsichiwanchej.

2 Corintios 6:16

Diospa Templonpeqa ni ima lanti kananchu tiyan, icharí? Qankunamin kawsashaj Diospa templon kankichej. Diosmin kayta nin: Noqaqa paykuna ukhupi tiyakusaj, purisajtaj. Paykunaj Diosninku kasaj, paykunataj aylluy kanqanku, nispa.

Efesios 2:2

Chaykunapi qankuna ñawpajta kawsaj kankichej, Diosman mana kutirikojkunaj purisqankuta qhatispa. Jinallataj mana rikukoj atiyniyojkunata kamachej Kuraj Supayta kasorqankichej, mayqenchus Diosta mana kasojkunaj sonqonkupi llank'ashan, chayta.

Efesios 3:17

Jinallataj mañapuykichej Cristopi atinikusqaykichejrayku payqa sonqoykichejpi tiyakunanta, ajinamanta Diosta munakusqaykichejpi, jinataj wajkunatapis munakusqaykichejpi sinch'ita sayanaykichejpaj.

Efesios 6:10

Kunanqa kaytawan niykichej: Munasqa wawqe panakuna, Tukuyta Kamachej Jesuspa jatun atiyninwan kallpachakuyta mask'aychej.

1 Juan 2:1

Munasqa wawaykuna, ama juchallikunaykichejpaj kaykunata qhelqamuykichej. Chaywanpis sichus pipis juchallikun chayqa, Tata Diospa ñawpaqenpi noqanchejrayku parlarinanpaj uj tiyan. Chayqa Jesucristo, paytaj cheqantapuni ruwan.

1 Juan 2:13

Jesucristota qhatikuypi unayniyojña kajkuna, qankunaman qhelqamuykichej, imaraykuchus qankuna Jesucristota qhatikushankichej, pichus manaraj imapis kashajtin karqañapuni, chayta. Jesucristota qhatikuypi wayna jina kallpanpi kashajkuna, qankunamanpis qhelqamullaykichejtaj, imaraykuchus qankunaqa Kuraj Supayta atipankichejña. Wawakuna, qankunamanpis qhelqamullaykichejtaj, imaraykuchus Tata Dioswan allinpi kawsakushankichej.

1 Juan 3:20

Sonqonchejchus imallamantapis juchachawasunman chayqa, Diosqa sonqonchejmantapis aswanrajmin, jinataj pay tukuy imata yachan.

1 Juan 3:24

Pikunachus Diospa kamachisqanta kasojkunaqa Dioswan k'acha kawsakuypi kashanku, Diospis paykunawan kawsakushallantaj. Noqanchejpis Dios noqanchejwan kawsakushasqanta yachallanchejtaj, imaraykuchus qowasqanchej Santo Espíritu noqanchejpi tiyakun, chayrayku.

1 Juan 4:13

Noqanchej Dioswan ujchasqa kawsasqanchejta, paytaj noqanchejpi tiyakusqanta ima yachanchej payqa Santo Espiritunta qowasqanchejrayku.

1 Juan 4:16

Noqanchejqa may jinatachus Dios munakuwasqanchejta yachanchej, munakuwasqanchejpitaj atinikunchej. Diosqa cheqatapuni tukuyta munakojmin. Jinaqa pikunachus munakuspallapuni kawsajkunaqa Dioswan ujchasqa kawsakunku, Diostaj paykunapi kawsakun.

1 Juan 4:6

Noqaykurí Diospata kayku. Pichus Diospata kajkunataj uyariwayku. Pichus mana Diospata kajkunatajrí mana uyariwaykuchu. Chay jinamanta reparayta atinchej pichus cheqa kaj Espirituwan kashasqanta, pitajchus q'otiyaj espirituwan kashasqanta.

1 Juan 5:19

Yachallanchejtaj noqanchej Diospata kasqanchejta, kay pachapi tukuy millayta ruwaspa purejkunatajrí Kuraj Supaypa makinpi kasqankuta.

1 Juan 5:4

Tukuy pichus Diospa wawan kajqa Diosman mana kutirikojkunaj yuyasqankuman jina kawsayta atipan. Diosman mana kutirikojkunaj yuyasqankuman jina kawsanataqa Jesuspi atinikuspamin atipanchej.

Apocalipsis 12:11

Wawqe pananchejkunaqa Cordero cruzpi wañuspa yawar jich'asqanrayku, chantá Diosmanta willasqankurayku Supayta atiparqanku. Paykuna kawsayninkuta pisipaj qhawasqankurayku, wañuyta mana manchachikorqankuchu.