1 Juan 3:1 - DIOSPA QHELQACHISQ

¹ Reparaychej may jinatapunichus Tata Dios munakuwasqanchejta, Diospa wawankuna nisqa kananchejpaj. Jinapunitaj Diospa wawankuna kanchej. Diosman mana kutirikojkunarí mana Diospa wawankunapajchu rejsiwanchej, Diosta mana allinta rejsisqankurayku.

Qheshwa Biblia DC

¹ Qhawariychej, may jinatapunichus Dios Tata munakuwarqanchej, Diospa wawasnin sutichasqas kananchejpaj; cheqamanta ajina kanchej. chayrayku, kay pachapi runakuna mana rejsiwanchejchu, Diosta mana rejsisqankurayku.

DIOSPA QHELQACHISQAN DEUTEROCANONICAL

¹ Reparaychej may jinatapunichus Tata Dios munakuwasqanchejta, Diospa wawankuna nisqa kananchejpaj. Jinapunitaj Diospa wawankuna kanchej. Diosman mana kutirikojkunarí mana Diospa wawankunapajchu rejsiwanchej, Diosta mana allinta rejsisqankurayku.

Quechua South Bolivia: Dios Parlapawanchej

¹ Reparaychej may t'ucuna munacuywan Tatanchej Dios munacuwaskanchejta. Ajinapi paypa wawasnin sutichaskas canchej. Chekatapunitaj paypa wawasnin canchej. Jesucristopi mana jap'icojcunarí nokanchejta mana Diospa wawasninpajchu rejsiwanchej, Cristota mana rejsiskancuraycu.

1 Juan 3:1 Iomraidhean Croise

San Juan 1:12

Aswanpis tukuy pikunachus paypi atinikuspa mana qhesacharqankuchu, chaykunaman pay atiyta qorqa Diospa wawankuna ruwasqa kanankupaj.

Gálatas 3:26

Chayrayku tukuyniykichej Diospa wawan kankichej Jesucristopi atinikusqaykichejrayku.

2 Corintios 6:18

Chantá noqa Tataykichej kasaj, qankunataj churiykuna, ususiykunataj kankichej, nispa. Ajinata Tukuy Atiyniyoj Dios nin.

San Juan 17:25

Tatáy, cheqanpuni kanki. Chaywanpis qanman mana kutirikojkuna justiciaykita mana rejsinkuchu. Noqatajrí rejsiyki, qhatiwajkunapis qan kachamuwasqaykita yachanku.

San Juan 3:16

Dios chay jinatapuni kay pachapi kaj chhikata munakusqanrayku uj k'ata Churinta qorqa. Ajinamanta tukuy pichus paypi atinikojqa mana chinkanqachu, aswanpis wiñay kawsayniyoj kanqa.

Apocalipsis 21:7

Pichus mana allin kajta atipaj, jinataj noqallapipuni atinikuspa kajqa tukuy imata chayaqeta jina jap'enqa. Noqa Diosnin kasaj, paytaj waway kanqa.

Romanos 5:8

Chay tukuywanpis Diosqa imaynatapunichus munakuwasqanchejta yachayta qowanchej, imaraykuchus juchasapallaraj kashajtinchej, Cristo noqanchejrayku wañorqa.

Gálatas 3:29

Jinallataj sichus qankuna Cristojta kankichej chayqa, cheqapuni Abrahampa mirayninmanta kankichej, Diospa nisqanman jinataj chayaqeta jap'ejkuna.

Romanos 8:32

Diosqa uj k'ata Churinta mana mich'akuspa qorqa tukuyninchejrayku wañunanpaj. Ajina chayqa, manachu Churinwan khuskata tukuy imatawan qowasunmanri?

San Juan 16:3

Paykuna ajinata ruwanqanku, imaraykuchus Tata Diosta, chantá noqata ima mana rejsiwaykuchu.

Colosenses 3:3

Ajinata ruwaychej, imaraykuchus qankunaqa ñawpa kawsaypaj wañorqankichejña, kunantaj Cristoman ujchasqa kasqaykichejrayku Diosqa mosoj kawsayniykichejta pakashan.

2 Samuel 7:19

Chaypis mana chayllachu. Tata Dios, noqa kamachiykej miraynin imayna kananmantapis parlallawankitaj. Mana pipis qan jina ruwajqa kanchu.

Romanos 8:21

Chaypacha Diospa tukuy ruwasqan ismuypa atiyninmanta kacharichisqa kanqa, Diospa kacharichisqa wawankunawan khuska jatun kusiypi kananpaj.

Jeremías 3:19

Israel, noqa qanta wawaypaj jina jap'ikapuyta yuyarqani, sumaj moq'ena jallp'ata qonasuypaj, tukuy kay pachapi jallp'amanta aswan sumaj jallp'ata. Noqa yuyarqani: Tatáy, nispa ninawaykita, manataj jayk'ajpis noqamanta karunchakunawaykita.

Salmos 31:19

19 (20) Qanta yupaychasojkunapaj munakuyniykeqa may jinamin. Sumaj waqaychasqa qolqeta jina munakuyniykita paykunapaj jallch'anki. Chantá tukuy runaj rikunankuta qanpi atinikojkunaman munakuyniykita rikuchinki.

Oseas 1:10

10 (2.1) Chaywanpis uj p'unchaypi Israelpa mirayninku mama qocha kantupi t'iyu jina kanqanku. Ni pi chimpuyta, nitaj yupayta atenqachu. Mana aylluychu kankichej, nispa ninaytaqa, paykunata nisaj: Qankunaqa noqa kawsaj Diospa wawaykuna kankichej, nispa.

Deuteronomio 14:1

Qankunaqa Tata Diosniykichejpata wawankuna kankichej. Chayrayku pipis wañupojtenqa, ama wañusqaj sutinpi ukhuykichejta q'allurakunkichejchu, nitaj chujchaykichejtapis ruthunkichejchu.

San Lucas 20:36

Paykuna manaña wañonqankuchu, manachayqa angelkuna jinallaña Diospa wawankuna kanqanku, wañusqamanta kawsarimpusqankurayku.

San Juan 11:52

Jesusrí mana judiokunallatachu qhespichinanrayku wañunan karqa, manachayqa Diospa wawankuna tukuynejpi ch'eqerasqa kajkunata tantananpaj.

San Juan 15:21

Paykuna chay tukuyta ruwasonqachej yachachisqay kasqaykichejrayku, imajtinchus Diosman mana kutirikojkunaqa pichus Kachamuwajta mana rejsinkuchu.

Romanos 8:19

Chayrayku Diospa ruwasqan kaj chhika imata jina suyashan mayk'ajchus Dios rikuchinanta, pikunachus cheqapuni wawankuna kanku, chaykunata.

1 Juan 3:2

Munasqa wawqe panaykuna, noqanchejqa Diospa wawankunaña kanchej. Chaywanpis aswan qhepanejman imaynachus kananchejta Dios mana rikuchiwanchejrajchu. Jinapis Jesucristo rikhurimojtin, pay jina kananchejta yachanchej, imaraykuchus payta imaynachus kasqanta rikusunchej.

1 Juan 3:10

Chayrayku pikunachus Diospa wawan kasqanku sut'i yachakun, pikunatajchus Kuraj Supaypata kasqankupis sut'illataj yachakun: Tukuy pichus mana cheqan kajta ruwaj, nitaj Jesucristota qhatej masintapis munakojqa mana Diospatachu.

1 Juan 4:17

Dioswan kawsakojtinchejtaj, munakuyninchejqa maychus kajta munakunakama wiñan. Chayrayku, juicio p'unchaypi noqanchej mana manchachikuspa Diospa ñawpaqenpi sayayta atisunchej, imaraykuchus Jesús kay pachapi imaynatachus kawsarqa, ajinata kawsanchej.