1 Juan 1:2 - DIOSPA QHELQACHISQ

² Kawsayta qojmin rikuchikorqa, noqaykutaj payta rikorqayku. Kunantaj rikojkuna jina qankunaman chay wiñay kawsaymanta willayku. Payqa Tata Dioswan karqa, noqaykumantaj rejsichikuwarqayku.

Qheshwa Biblia DC

² Kay kausayta qojtaj rikuchikorqa. Noqaykutaj payta rikorqayku. Ajinamanta, qankunaman wiñay kausaymanta willamuyku, rejsichimuykutaj. Chay wiñay kausayqa Dios Tatapi karqa, noqaykumantaj rikuchikuwarqayku.

DIOSPA QHELQACHISQAN DEUTEROCANONICAL

² Kawsayta qojmin rikuchikorqa, noqaykutaj payta rikorqayku. Kunantaj rikojkuna jina qankunaman chay wiñay kawsaymanta willayku. Payqa Tata Dioswan karqa, noqaykumantaj rejsichikuwarqayku.

Quechua South Bolivia: Dios Parlapawanchej

² Jesucristomin Causayka. Paynejta wiñay causayka ricuchicorka cay pachapi. Paytataj ricorkaycu. Paymanta parlaspa kancunaman willaycu chay wiñay causaymanta. Pay Dios Tatanchejwanpuni wiñaypaj tiyacun. Nokaycumanpis payka ricuchicuwarkaycu.

1 Juan 1:2 Iomraidhean Croise

San Juan 1:18

Mana pipis Diosta jayk'ajpis rikorqachu. Chaywanpis uj k'ata Churin, pichus Diosmin, pitajchus Tata Dioswan ujchasqa kawsan, paymin Tata Diosta rejsichiwanchej.

San Juan 1:4

Simi Nisqa sutiyojtaj tukuy ima ruwasqa kajman kawsayta qorqa, chay kawsaynintaj k'anchay jina runakunaman Diosmanta sut'ita rikuchin.

San Juan 10:28

Noqaqa paykunaman wiñay kawsayta qoni, manataj jayk'ajpis chinkanqankuchu. Makiymantataj paykunata mana pipis qhechuwayta atenqachu.

San Juan 14:6

Chantá Jesús kuticherqa: Noqa ñan kani, cheqa kajtaj, kawsaytaj. Mana pipis Tata Diosman chayayta atinchu, mana noqanejta rispaqa.

San Juan 15:27

Qankunapis rikojkuna jina noqamanta parlallankichejtaj, imaraykuchus qallariymantapacha noqawan karqankichej, nispa.

San Juan 16:28

Tata Dios kachamuwasqanrayku noqa kay pachaman jamorqani, kunantaj kay pachata saqespa, Tataywan kanaypaj kutishani, nispa.

San Juan 17:3

Paykuna wiñay kawsayman yaykunku, maypachachus qanpi, chantá noqapi atinikunku, chaypachalla. Qanpi atinikunanku tiyan, imajtinchus qan uj k'ata cheqa kaj Dios kanki. Noqapipis atinikunallankutaj tiyan, imajtinchus noqaqa qanpa kachamusqayki Jesucristo kani.

San Juan 17:5

Kunantaj Tatáy, qayllaykipi jatunchaway, imaynatachus qanwan jatunchasqa karqani manaraj kay pacha ruwasqa kashajtin, ajinata.

San Juan 19:35

Chayta rikojqa testigo jina imatachus rikusqanta willarqa, chay willasqantaj mana llullachu. Payqa maychus kajta parlan, qankuna chayta jap'ikunaykichejpaj.

San Juan 21:14

Kaywanqa Jesús wañusqamanta kawsarimpuytawan yachachisqankunaman rikhurisqanqa kinsa kutiña karqa.

San Juan 3:13

Mana pipis janaj pachaman rerqachu, manachayqa Runaj Churillan janaj pachamanta urayk'amorqa.

San Juan 7:29

Noqarí paymanta jamusqayrayku payta rejsini, paytaj kachamuwarqa, nispa.

San Juan 8:38

Noqaqa Tata Diosniywan kashaspa imatachus rikusqayta willaykichej. Qankunatajrí imatachus tataykichej yachachisorqachej, chayta ruwashankichej, nispa.

Hechos 1:22

Juan bautizayta qallarisqanmantapacha Jesús janaj pachaman ripusqankama. Kunantaj paykunamanta ujta ajllanachej Jesús kawsarimpusqanmanta testigo jina noqaykuwan khuska willarananpaj, nispa.

Hechos 10:41

Mana tukuy runamanchu Jesús rikhurerqa. Manachayqa noqallaykuman rikhuriwarqayku, pikunachus ñawpajmantapachaña Diospa ajllasqankuna karqayku testigo jina rikusqaykuta willanaykupaj, chaykunaman. Ajinaqa noqayku paywan khuska mikhorqayku wañusqamanta kawsarimpusqanmantaña.

Hechos 2:32

Diosqa kay Jesustamin wañuymanta kawsarichimorqa. Chaytataj tukuyniyku rikorqayku.

Hechos 3:15

Ajinata qankuna pichus tukuyman kawsayta qojta wañucherqankichej. Diostajrí payta wañusqamanta kawsarichimorqa, noqaykutaj testigo jina chay rikusqaykuta willayku.

Hechos 5:32

Noqaykutaj chaymanta testigo kayku, ajinallatataj Santo Espiritupis, pitachus Dios payta kasojkunaman qon, chay, nispa.

Romanos 8:3

Imatachus Moisespa kamachisqan mana ruwayta aterqachu runa pisi kallpayoj kasqanrayku, chayta Dios ruwarqa. Chaypaj payqa Churinta kachamorqa juchallej runaman rijch'akojta, juchanchejrayku wañunanpaj. Ajinamanta paynejta Diosqa noqanchejpi juchaj atiyninta chinkacherqa.

Gálatas 4:4

Chantá señalasqan p'unchay chayamojtin, Diosqa Churinta kachamorqa. Payqa uj warmimanta paqarerqa, jinataj Moisespa kamachisqankunata kasuspa kawsarqa.

1 Timoteo 3:16

Kayta tukuy sonqo niyki: Jesucristopi atinikunamanta pakasqa yachayta sut'inchawasqanchejqa may jina t'ukunamin: Cristoqa runaman tukuspa, kay pachaman jamorqa. Santo Espiritutaj Cristo mana juchayoj kasqanta sut'incharqa. Angelkunapis Cristota rikorqanku. Jinataj payta qhatejkuna tukuy runaman paymanta willarqanku. Runakunataj tukuynejpi paypi atinikorqanku. Chaymantataj janaj pachapi jatun k'anchaypa lliphipiyninman oqharisqa karqa.

2 Timoteo 1:10

Kunantajrí chay k'acha kaynenqa qhespichiwajninchej Jesucristo rikhurimusqanrayku rikuchisqa kashan. Payqa wañuypa atiyninta phirispa, sumaj willaynejta wiñay kawsayta qowarqanchej.

Tito 1:2

Cheqa kajta yachasqankoqa paykunata yanapan wiñay kawsayniyojña kasqankuta sut'ita yachanankupaj, imaraykuchus mana jayk'aj llullakoj Diosmin chay wiñay kawsayta qonanta nerqa, manaraj kay pacha ruwasqa kashajtin.

1 Pedro 5:1

Kunanqa iglesiapi kurajkunata yuyaychariyta munani, paykuna jina noqapis iglesiapi kurajllataj kashaspa. Noqaqa Cristo imaynatachus ñak'arisqanta rikorqani, jinataj Cristoj jatun kaynin tukuy kay pachapi rikuchikojtin, noqapis chaypi qankunawan kasaj.

1 Juan 1:1

Tukuy imapis manaraj ruwasqa kashajtin, kawsayta qoj Simi Nisqa sutiyoj karqañapuni. Noqaykutaj payta uyarerqayku, jinataj kikin ñawiykuwan rikorqayku, qhawarqayku, chantá makiykuwan llankharqayku ima.

1 Juan 2:25

Chaymá chay wiñay kawsayqa, mayqentachus kikin Jesucristo qonawanchejta nerqa, chay.

1 Juan 3:5

Qankuna yachankichejña, Jesucristoqa juchanchejmanta llimphuchanawanchejpaj jamusqanta. Jesucristorí mana juchallinchu, nipunitaj juchalliyta atinchu.

1 Juan 3:8

Pichus juchallispallapuni purejrí Kuraj Supaypata kasqanta rejsichikushan, imaraykuchus Kuraj Supay qallariymantapacha juchallispallapuni purin. Chayrayku Diospa Churenqa Kuraj Supaypa ruwasqanta phirinanpaj jamorqa.

1 Juan 4:14

Noqaykutaj Churinta rikorqayku, willaykutaj Tata Diosqa payta kay pachaman kachamusqanta, tukuy runata qhespichinanpaj.

1 Juan 4:2

Qankuna Diospa Espiritunpa yuyaychasqan kajtaqa kay jinamanta reparayta atinkichej: Pichus Jesucristo cheqapuni runaman tukuspa kay pachaman jamusqanta sut'ita rimarin chayqa, chay runamin Diospa Espiritunpa yuyaychasqan.

1 Juan 5:11

Tata Diospa sut'inchasqanqa kay jinamin: Diosqa wiñay kawsayta qowasqanchej, chay wiñay kawsaytataj Churinpi atinikuspa jap'inchej.

1 Juan 5:13

Kay imakunata qhelqamuykichej, pikunachus Diospa Churinpi atinikunkichej, chaykunaman, ajinamanta wiñay kawsayniyoj kasqaykichejta yachanaykichejpaj.

1 Juan 5:20

Yachallanchejtaj Diospa Churin jamuspa yuyayta, yachayta ima qowasqanchejta, cheqa kaj Diosman kutirikunanchejpaj. Kunantaj cheqa kaj Dioswan ujchasqa kawsashanchej, imajtinchus Churin Jesucristowan ujchasqa kawsashanchej. Paymin uj k'ata Diosqa, payllataj wiñay kawsayta qon.