२ तिमोथी 1:12 - डोटेलि

¹² तबइलाइ मु यिनु कुरामि दुःख भोग्‍दा छु। तर मुलाइ यइ कुरामि लाज लाग्‍दइन्‌ क्‍यालाइकि मुइले कइमि बिस्‍वास राख्‍या छु, त्‍यो मुलाइ था छ। परमेस्‍वरले मेरा जिम्‍मामि लाया कुरालाइ उनइले तइ दिनसम्‍मखिलाइ जोगाइ राख्‍द्‍या छन्। यइमि मु ढुक्‍क छु।

डोटेली नयाँ करार

¹² तसइका लाग्दा म लगइ याँ झेलमि दुःख पाउना छु। तर म लाज माणनइन क्याकि म ख्रीष्टलाइ जाण्नउ जइमि मइले बिश्वास अर्या छु रे मलाइ पक्‍का छ कि ख्रीष्टले आफ्नो फर्कि आउन्या दिन सम्म तइको रक्षा अद्द सक्दाहान जो कुरणी उनले मलाइ दिया छ।

२ तिमोथी 1:12 Iomraidhean Croise

लूका 10:12

मु तमलाइ भुन्‍नउ, न्‍यायका दिनमि यइ सहरको भन्‍नाहइ सदोम सहरको हालत सहनिय हुन्‍या छ।’”

लूका 23:46

रे ठुला सोरले डाको हलिबर इसुले भुन्‍यो, “हे पिता, मु मेरो आत्‍मा तमारा हातमि सुम्‍पनउ।” इति भनिसक्‍या पाछा उनुले आफनो परान त्‍याग्‍यो।

प्रेरित 13:46

तर पावल रे बारनाबासले साहस अरिबर भुन्‍यो, “परमेस्‍वरको बचन सबभन्‍ना पइलि तमुइलाइ सुणाउन आबस्‍यक थ्‍यो। तमुले यइलाइ इन्‍कार अरिबर आफुलाइ कभइ नमद्‍दया जिबनका भागिदारबटहइ अयोग्‍य बनायाहुनाले हाम आब अउरजातिनका वाँ जान्‍याछउ।

प्रेरित 13:50

तर पावल रे बारनाबासका बिरुद्‍द यहुदिनले भक्‍त रे नाउँचलेइ स्‍वानिन रे सहरका मुख्‍या मुख्‍या मान्‍सनलाइ उस्‍कायो, रे पावल रे बारनाबासलाइ आफना साँधसिमानाबटहइ बाइर निकालिदियो।

प्रेरित 21:13

रे पावलले भुन्‍यो, “तमु इसेरि रोइबर मेरा मनलाइ क्‍याकि छिया छिया पाडन्‍छउ? क्‍यालाइकि प्रभु इसुका नाउँकि निउति बादिन्‌ मात्‍र हइन, यरुसलेममि मद्‍द लइ तयार छु।”

प्रेरित 7:59

तिनुनले स्‍तिफनसलाइ ढुङाले हाणन्‍ज्‍या तिनले प्रभुलाइ पुकार्‍यो रे भुन्‍यो, “हे प्रभु इसु, मेरा आत्‍मालाइ लिय।”

प्रेरित 9:16

तर मेरा नाउँका खतिर तनले कति कस्‍ट भोग्‍दु पडन्‍छ, त्‍यो मु तनलाइ धेकाउन्‍या छु।”

१ थेसलोनिकि 2:16

परमेस्‍वरको असल रइबार अउरजातिले सुनिबर मुक्‍ति नपाउन भनिबर तिनुले असल रइबार प्रचार अद्‍द रोक्‍द्‍या कोसिस अर्‍या छन्। यसेरि तिनरो पाप थुपणिन्‍ना छ। तर आब त परमेस्‍वरको क्रोध तिनुमि पण्‍या छ।

१ थेसलोनिकि 5:4

तर भाइबिना हो, तमु अन्‍धकारका मान्‍स हइनउ तसोभया हुनतग प्रभु आउन्‍या दिन तमरि निउति चोर आया जसेरि अचानक आउन्‍या आथिन्‌।

१ तिमोथी 6:20

तिमोथि, परमेस्‍वरले तुलाइ ज्‍या दिराइछ, त्‍यो सुरछित राख्‌। कतिपइ मान्‍सले सन्‍सारका मुर्ख कुरा रे ग्‍यान भनिमानिबर मान्‍या झुटा कुराबटहइ अलग होय।

२ तिमोथी 1:14

हामु भितर बास अद्‌द्‌या पबित्‍तर आत्‍माका सक्‍तिले तुलाइ दिया सेबाको काम जो छ, तइको रखवालि अर्‌।

२ तिमोथी 1:16

प्रभुले ओनेसिफरसका घर परिवारमि किर्पा अरुन, क्‍यालाइकि मु झेलखानामि भयाबेला ओनेसिफरसले लाज नमाणिबर मुइलाइ भिट्‍ट आयो रे हउसला दियो।

२ तिमोथी 1:18

ख्रिस्‍टका आगमनका दिनमि प्रभुबटहइ तिनुले अनुग्रह पाउन सकुन्‌! तुलाइ थाइ छ, मु एफिससमि हुन्‍याबेला लइ तिनुले मेरो पुरा सेबा अर्‍या थ्‍यो।

२ तिमोथी 1:8

तबइलाइ हामरा प्रभुको गवाइ रे मु उनरो कइदिको लाज जनमानइ, तर परमेस्‍वरका सक्‍तिमि असल रइबारकि निउति मुसितइ दुःख भोगाइमि तु लइ सहभागि हो।

२ तिमोथी 2:9

यसइ असल रइबारकि निउति मु दुःख भोग्‍दा छु। तति मात्‍तरइ हइन, अपराधिकि जसेरि साङलामि बाँदिया छु। तर परमेस्‍वरको बचन त साङलाले बाधिनइन्‌।

२ तिमोथी 4:8

आब यइपाछा मेरि निउति धर्मिकताको मुकुट राखिया छ, जो धार्मिक न्‍याइदिस प्रभुले तइ दिन मुलाइ दिन्‍याछन्, रे मुलाइ मात्‍तरइ हइन, तर उनु दोसर्‍या आउन्‍या दिनको बाटो हेद्‍दया जति सप्‍पइलाइ यो दिन्‍याछन्।

तितस 3:8

यो कुरा साँच्‍चि हो। परमेस्‍वरमि बिस्‍वास अद्‌द्‌या जतिले असल काम अद्‍द ध्‍यान दिय भुनि तुइले जोड दिबर सिकाया मु चाहानउ, क्‍यालाइकि यिनु असल कुरा हामरा मान्‍सलाइ फाइदा दिन्‍या कुरा हुन्‌।