१ तिमोथी 5:5 - डोटेलि

⁵ तर आफनो कोइ नहुन्‍या बिधुवाले परमेस्‍वरमि मात्‍तरइ भरोसा राख्‍दिछन्‌, रे तिनुले रात-दिन परमेस्‍वरबटहइ साहेता पाउँ भनिबर प्रार्थना अद्‍दिछन्‌।

डोटेली नयाँ करार

⁵ तिन बिधवा जइसित तिनरो खाचो पुरा अद्द्या रे हेरचाह अद्द्या कोइ आथिन, तिनले परमेश्वरइमी आसा राखन्छिन, रे रातदिन नम्र निबेदन रे प्रार्थनामि परमेश्वरसित सहायता मागेइकि हुन्छिन।

१ तिमोथी 5:5 Iomraidhean Croise

लूका 18:1

तइपाछा इसुले सिस्‍यानलाइ सदाइँ प्रार्थना अरुन रे निरास नहोउन भन्‍या कारणले उनुले तिनुनलाइ एक उखान भुन्‍यो।

लूका 18:7

तसेरि कि परमेस्‍वरले उनलाइ रातदिन पुकाद्‌या आफना चुनियाको न्‍याय अरिदिनाइन ब? कि उनुले तिनरि निउति ब्‍यालो अद्‌द्‌याछन्?

लूका 2:37

तिन चउरासि बर्सकि थिन् रे तिन मन्‍धिर छाणन्थिनन्, उबास, प्रार्थना रे आराधना दिनरात अरन्‍थिन् परमेस्‍वरलाइ माणन्‍थिन्।

प्रेरित 26:7

हे राजा अग्रिपास, हामरा बारइ कुलनले यो आसा पाउनाइलाइ रात दिन एक मनले आराधना अद्‍दाछन्‌। रे यइ आसाकि निउति यहुदिनले मुलाइ दोस लाइराइछन्।

प्रेरित 6:1

तइ समयमि सिस्‍यानको संख्‍या बड्‍डइ जान्‍ज्‍या, ग्रिक भासा बोल्‍या रे हिब्रु भासा बोल्‍या यहुदिनका बिचमि भुणाभुण चल्‍ल लाग्‍यो। दिनदिनि खान्‍या कुरा बाणन्‍ज्‍या तिनुनका बिधुवानको वास्‍ता भएन भन्‍न्‍या ग्रिक भासा बोल्‍या यहुदिनको भुणाइ थ्‍यो।

प्रेरित 9:39

तबइ पत्‍रुस उठिबर तिनुनसित गया। पत्‍रुस योप्‍पामि पुग्‍यापाछा तिनुनले पत्‍रुसलाइ मल्‍ला तलाको कोठामि लइया। बिधुवान सप्‍पइ तिनरा नजिक कलिबर रुन लागिन्‌, रे डोरकास तिनुनसित हुन्‍ज्‍या तनले बनाइराख्‍या लत्‍ता रे अउर लत्‍तानलइ धेकायो।

प्रेरित 9:41

पत्‍रुसले तनलाइ आफना हातले समाइबर जुणुक्‍क उठायो, रे उनुले प्रभुका पबित्‍तर जन रे बिधुवानलाइ बोलाइबर तबितालाइ जिउनि भयइ धेकायो।

१ तिमोथी 2:1

मु अनुरोध अद्‍द चाहानउ कि सबभन्‍ना पइल्‍लि सप्‍पइ मान्‍सकि निउति प्रार्थना, नम्र-निबेदन, अन्‍तर्बिन्‍ति प्रार्थना रे धन्‍यबाद लइ चडाउन्‍या अर।

१ तिमोथी 5:16

तर कसइ बिस्‍वासि स्‍वाइनि मान्‍सका आफनाइमि बिधुवा छन् भन्‍या, तिनुले उनरो हेरबिचार अरुन, तसो अर्‍यो भन्‍या मण्‍डलिले तिनरो बोझ बोक्‍दु पड्‍डया आथिन्‌। तबइलाइ कोइ नभएइ बिधुवाको मात्‍तरइ मण्‍डलिले हेरबिचार अरउ।

१ तिमोथी 5:3

जइ बिधुवाको साहारा कोइ आथिन्‌ तइको साहेता अर।

२ तिमोथी 1:3

मेरा प्रार्थनामि मु तुलाइ रात-दिन सम्जिनउ, रे परमेस्‍वरलाइ धन्‍यवाद दिनउ। जइको सेबा मेरा पिता-पुर्खाले अर्‍या जसेरि मु सुद्‍द मनले अद्‍दउ।