१ थेसलोनिकि 4:3 - डोटेलि

³ क्‍यालाइकि परमेस्‍वरको इछ्‍या जो तमु पबित्‍तर होउ भन्‍या छ, तबइलाइ ब्‍यबिचारबटहइ अलगइ बस।

डोटेली नयाँ करार

³ क्याकि परमेश्वरको इच्छा यो हो कि तमन पबित्र हुनु पणन्छ, रे तमनले शरीरका दुष्ट इच्छा अनसार काम अददु पड्डइन।

१ थेसलोनिकि 4:3 Iomraidhean Croise

मर्कुस 3:35

क्‍यालाइकि जो परमेस्‍वरको इछ्‍या पालन अद्‌दाछन्‌ तिनुइ मेरा बइनि, इजा रे भाइ हुन्।”

प्रेरित 15:20

तर अउरजातिका मान्‍सनलाइ यसो कुरा लेखिदिनाउ, तमुले मुर्तिनलाइ चडाया खान्‍या कुरा जनखाया, ब्‍यबिचार जनअर्‍या, रे घाँटि निमोरिबर मार्‍या पसुको मासु रे रगत लइ जनखाया।

प्रेरित 15:29

तमु मुर्तिलाइ बलि चडाया थोकबटहइ अलग रया, रगत, घाँटि निमोरिबर मार्‍या पसुको मासु जनखाया, रे ब्‍यबिचारबटहइ अलग रया, हामले भुन्‍न पड्‍या कुरा इति हुन्‌!”

प्रेरित 20:32

“आब मु तमुलाइ परमेस्‍वरका हातमि जिम्‍मा लाउन्‍नाछु रे उनराइ अनुग्रहले भरिया बचनका भरमि सउपिदिनउ, जइबटहइ परमेस्‍वरले तमुलाइ बिस्‍वासमि बलियो बनाइरन्‍या छन् रे आफना मान्‍सनलाइ आसिसका भागिदार बनाउन्‍या छन्।

प्रेरित 26:18

तुइले तिनुनका आँखा खोलिदिन्‍या, रे तिनुनलाइ अन्‍याराबटहइ उज्‍यालामि, रे सइतानका सक्‍तिबटहइ परमेस्‍वरतिर फर्काउन्‍पडन्‍छ। इसरि तिनुनले पापको छिमा पाउन्‍याछन् रे मुलाइ बिस्‍वास अर्‍या हुनाले परमेस्‍वरले चुन्‍या मान्‍सनका ठउँर बस्‍स पाउन्‍याछन्।’

१ थेसलोनिकि 4:2

क्‍यालाइकि हामुले तमुलाइ प्रभु इसुबटहइ पाया क्‍या क्‍या आग्‍या दिया थ्‍या त्‍यो त तमुलाइ थाइ छ।

१ थेसलोनिकि 4:4

पबित्‍तर रे आदरसित आफना सरिललाइ अधिनमि राख्‍दु पड्‍न्‍छ भन्‍न्‍या कुरा तमु सप्‍पइले जान्‍नु पड्‍न्‍छ।

१ थेसलोनिकि 5:18

जसाइ अबस्‍थामि लइ परमेस्‍वरलाइ धन्‍यबाद दिय, क्‍यालाइकि ख्रिस्‍ट इसुमि तमरि निउति परमेस्‍वरको इछ्‌या यइ हो।

१ थेसलोनिकि 5:23

सान्‍ति दिन्‍या परमेस्‍वर आफुइले तमुलाइ पुरा रुपले पबित्‍तर राखउन्‌। हामरा प्रभु इसु ख्रिस्‍ट नआउन्‍ज्‍यासम्‍म तमरो आत्‍मा, परान रे सरिल निर्दोस हउ।

२ थेसलोनिकि 2:13

प्रभुले पिरिम अर्‍या भाइबिना हो, तमरि निउति हामुले परमेस्‍वरलाइ सदाइँ धन्‍यवाद दिनइ पडन्‍छ, क्‍यालाइकि परमेस्‍वरले तमुलाइ पबित्‍तर आत्‍माको पबित्‍तर पाड्‍डया कामले रे साँचा बिस्‍वासबटहइ मुक्‍ति पाउनाइलाइ सुरुबटहइ चुन्‍यो।

तितस 2:14

इसु ख्रिस्‍टले हामुलाइ सप्‍पइ किसमका पापबटहइ छुट्‍कारा दिनाइलाइ आफनो जिबन दियो। उनुले हामुलाइ पबित्‍तर पाड्‍डाइलाइ आफनो बनायो रे असल काम अद्‌द्‌या रे जोसिला बनायो।