१ थेसलोनिकि 2:9 - डोटेलि

⁹ मेरा प्‍यारा भाइबिना हो, तमुलाइ यादइ छ, कि परमेस्‍वरको असल रइबार सुनाउन्‍याबेला लइ हामुले कसइलाइ भार नपणउ भनिबर आफनि निउति दिनरात मरिमेटि काम अर्‍याउँ।

डोटेली नयाँ करार

⁹ बिश्वासि भाइन हो, हामरा कष्ट रे मेहनतको सम्जना तमनलाइ पक्‍कालगइ छ, हामले दिन रात काम अरिबर परमेश्वरको सुसमाचार तमनलाइ प्रचार अर्या। ताकि तमनले हमलाइ खाचो भया चिज दिन जनपरउ।

१ थेसलोनिकि 2:9 Iomraidhean Croise

लूका 18:7

तसेरि कि परमेस्‍वरले उनलाइ रातदिन पुकाद्‌या आफना चुनियाको न्‍याय अरिदिनाइन ब? कि उनुले तिनरि निउति ब्‍यालो अद्‌द्‌याछन्?

लूका 2:37

तिन चउरासि बर्सकि थिन् रे तिन मन्‍धिर छाणन्थिनन्, उबास, प्रार्थना रे आराधना दिनरात अरन्‍थिन् परमेस्‍वरलाइ माणन्‍थिन्।

प्रेरित 18:3

तिनुनले पाल बनाउन्‍या काम अरिबर गुजारा चलाउथ्‍या, रे एकइ जसो काम भया हुनाले पावल लइ तिनुनसित बस्‍या, क्‍यालाइकि तिनुनले लइ पाल बनाउन्‍या काम अरिबर गुजारा चलाउथ्‍या।

प्रेरित 20:24

तर मु आफना जिबनलाइ केइ मोलको लइ ठान्‍नइन, इति मात्‍र चाहानउ कि परमेस्‍वरले मान्‍स जातिलाइ अनुग्रह अर्‍या छ भन्‍या असल रइबारको गवाहि दिनाइलाइ मेरो दउड रे प्रभु इसुबटहइ मिल्‍या मेरो सेबकाइ मु पुरा अद्‌द सकु।

प्रेरित 20:31

तबइलाइ यो बिचार अरिबर होसियार बस, रे मुइले तिन बर्ससम्‍म दिनरात आँसु बगाइबर सिकाया कुरडि जन बिसर्‍या।

१ थेसलोनिकि 1:3

हामरा प्रभु इसु ख्रिस्‍टमि तमुले अर्‍या बिस्‍वासको काम, पिरिमसित मिहिनत रे आसाको धइर्‍या हमरा परमेस्‍वर पिताका अगाडि जइबेला लइ सम्‍जिन्‍या अद्‍दाछउ।

१ थेसलोनिकि 2:2

ताँ आउनुभन्‍ना अगाडि फिलिप्‍पिका मान्‍सले हामुलाइ दुःख दियो रे हामरो बेइजत अर्‍यो, यो कुरा लइ तमुलाइ थाइ छ। तबलाइ परमेस्‍वरले हामुलाइ साहास दियो रे बिरोधि जति भया लइ हामुले तमुलाइ असल रइबार सुनाइबरइ छाड्‍याउँ।

१ थेसलोनिकि 2:6

हामुले तमुबटहइ रे अउर मान्‍सबटहइ प्रसम्‍सा खोजेइन्‌। हुना त हामु ख्रिस्‍टका प्रेरित भया हुनाले हामुलाइ प्रसम्‍सा पाउन्‍या हक थ्‍यो।

१ थेसलोनिकि 3:10

तमुसित भिट हुन सकउ भनिबर हामु रात-दिन परमेस्‍वरसित प्रार्थना अद्‍दाछउँ। भेट हुन पायो भन्‍या तमरा बिस्‍वासमि ज्‍या ज्‍या कुराको खाँचो छ, त्‍यो पुरा हुनेइथ्‍यो।

१ तिमोथी 1:11

यो मुलाइ दिइया सिछ्‍या आसिस दिन्‍या परमेस्‍वरको महिमित असल रइबार अन्‍सार छ।

१ तिमोथी 4:10

तबइलाइ हामु यइ उदेस्‍यले काम अद्‍दाउ, क्‍यालाइकि हामरो आसा जिउना परमेस्‍वरमि राखिया छ। उनु सप्‍पइ मान्‍सका मुक्‍तिदाता हुन्‌, खास अरिबर उनुमि बिस्‍वास अद्‌द्‌याहुन्‍याका मुक्‍तिदाता हुन्‌।

१ तिमोथी 5:5

तर आफनो कोइ नहुन्‍या बिधुवाले परमेस्‍वरमि मात्‍तरइ भरोसा राख्‍दिछन्‌, रे तिनुले रात-दिन परमेस्‍वरबटहइ साहेता पाउँ भनिबर प्रार्थना अद्‍दिछन्‌।

२ तिमोथी 1:3

मेरा प्रार्थनामि मु तुलाइ रात-दिन सम्जिनउ, रे परमेस्‍वरलाइ धन्‍यवाद दिनउ। जइको सेबा मेरा पिता-पुर्खाले अर्‍या जसेरि मु सुद्‍द मनले अद्‍दउ।