१ थेसलोनिकि 1:10 - डोटेलि

¹⁰ उनुले भुन्‍यो कि तमु स्‍वर्गबटहइ आउन्‍या परमेस्‍वरका चेलाको बाटो हेरि बसिरइछउ। परमेस्‍वरले मर्‍याबटहइ जिउना पाड्‍या इसु उनुइ हुन्‌। आउन्‍नारया परमेस्‍वरका न्‍यायबटहइ हामुलाइ छुट्‍कारा दिन्‍या उनुइ हुन्‌।

डोटेली नयाँ करार

¹⁰ रे तिननले भण्नाहान कि कसेरी तमन स्वर्ग बठेइ फर्कि आउन्या उनरा चेलो जइलाइ परमेश्वरले मर्या बठेइ जिउना बनायो, उनरोइ बाटो हेरन्छौ, अथवा येशूको, जइले हामलाइ आउन्या क्रोध बठेइ बचाउन्या हुन।

१ थेसलोनिकि 1:10 Iomraidhean Croise

लूका 2:25

तइबेला सिमियोन यरुसलेममि बसन्‍थ्‍या। तन धर्मि मान्‍स थ्‍या, रे परमेस्‍वरको भक्‍ति अरन्‍थ्‍या, तन इज्राएलिलाइ बचाउन्‍या मान्‍सको बाटो हेर्‌रइथ्‍या पबित्‍तर आत्‍मा तनसित थ्‍या।

लूका 3:7

मान्‍सको भिड युहन्‍नाका वाँ बप्‍तिस्‍मा लिनाकि आया रे तिनुनखि युहन्‍नाले भुन्‍यो “ए बिखले भरिया स्‍यापका चेला-चेलि हो! परमेस्‍वरको न्‍यायबटहइ उमकिउला भन्‍या चेतावनि कइले तमलाइ दियो।

प्रेरित 1:11

तिनुनले भुन्‍यो, “ए गालिलका मान्‍सन हो, तमु क्‍याकि अग्‍गास तिर हेरिबर कल्‍लिरइछउ? तिनइ इसु, जो अइल तमुबटहइ स्‍वर्गमि उचालि लय्‍या, जसेरिकि तमुले उनलाइ स्‍वर्गमि गया धेक्‍या, तसेरि उन अज आउन्‍या छन्।”

प्रेरित 17:31

क्‍यालाइकि संसारका सप्‍पइ मान्‍सको न्‍याय अद्‌या दिन उनुले तोकिदिया छन्। तइ दिन उन आफुइले छान्‍या एक जनाले ठिकसित संसारको इन्‍साफ अद्‌द्‌याछन्। इसुलाइ मर्‍याबटहइ जिउना बनाइबर परमेस्‍वरले सप्‍पइ मान्‍सलाइ यइ कुराको प्रमाण दिया छन्।”

प्रेरित 2:24

तर इसुलाइ परमेस्‍वरले मिरत्‍युका पिडाबटहइ छुट्‍कारा दिबर जिउनो पाण्‍यो, क्‍यालाइकि मिरत्‍युले इसुलाइ रोकिराख्‍द सकेन।

प्रेरित 2:32

इनइ इसुलाइ परमेस्‍वरले जिउना पाड्‍यो, यइ कुराका हाम सप्‍पइ साछि छउ।

प्रेरित 3:15

जिबन दिन्‍यालाइ तमुले मार्‍या, परमेस्‍वरले उनलाइ मर्‍याबटहइ जिउना बनाया छन्, यइ कुराका हाम साछि छु।

प्रेरित 3:21

पबित्‍तर अगमबक्‍ताले भुण्‍या जसेरि परमेस्‍वरले सप्‍पइ कुरा नयाँ बनाउन्‍या समय नआयासम्‍म इसु स्‍वर्गइमि रनपड्‍या हो।

प्रेरित 4:10

तमु सप्‍पइ रे इज्राएलका सारा मान्‍सनलाइ था हउ कि, तमुले क्रुसमि टाङिबर मार्‍या रे परमेस्‍वरले मर्‍याबटहइ जिउना पाण्‍या उनइ नासरतका इसु ख्रिस्‍टका नाउँमि यो मान्‍स तमरा अगाडि निको भइबर कलिया छ।

१ थेसलोनिकि 1:7

तबइलाइ तमु माकेडोनिया रे अखइयामि भया सप्‍पइ बिस्‍वासिकि निउति एक उदारण भया छउँ।

१ थेसलोनिकि 2:16

परमेस्‍वरको असल रइबार अउरजातिले सुनिबर मुक्‍ति नपाउन भनिबर तिनुले असल रइबार प्रचार अद्‍द रोक्‍द्‍या कोसिस अर्‍या छन्। यसेरि तिनरो पाप थुपणिन्‍ना छ। तर आब त परमेस्‍वरको क्रोध तिनुमि पण्‍या छ।

१ थेसलोनिकि 2:7

आफना बालखलाइ हेरबिचार अद्‍देइ धाइ-इजाकि जसेरि तमरा अगाडि नम्र भयउँ।

१ थेसलोनिकि 5:9

क्‍यालाइकि परमेस्‍वरले हामुलाइ आफनो रिस खण्‍याउनाइलाइ छान्‍या हइनन्‌, तर प्रभु इसु ख्रिस्‍टबटहइ मुक्‍ति दिनाइलाइ छान्‍या हुन्‌।

२ तिमोथी 4:1

जिउना रे मर्‍याहुन्‍याको इन्‍साप अद्‍द आउन्‍या ख्रिस्‍ट इसु रे परमेस्‍वरका अगाडि, उनरो आउन्‍या दिन रे राज्‍यलाइ ध्‍यानमि राखिबर मु तुलाइ कडा आग्‍या दिनउ,

तितस 2:13

यसेरि हामुले आसा राख्‍या कुरा पुरा हुन्‍या दिनको बाटो हेद्‍दाउ। माहान परमेस्‍वर रे हामुलाइ मुक्‍ति दिन्‍या इसु ख्रिस्‍टको तइ दिन ठुलो सम्‍मान भया धेकिन्‍या छ।