Ruta 4:6 - Buki Tabu Lowaenei 1919

⁶ Ta bu‘una nina ‘i gwae, Nigea kapekapeana ia da lagwena manugu taugu, nai taugu ‘igu ‘egu‘eguia ia da gieto‘umaliena: ‘oio ‘igu ‘ebelagwa ‘u da ‘au‘ewa ‘emuia; nigea kapekapeana ia da lagwena ta ‘enega.

Ruta 4:6 Iomraidhean Croise

Nugana 38:8

Ta Iuda ‘i ona Onana ‘enaia, Tasio mwanena ‘ena ‘u da rugu, ta to ai me‘olotona tasina ‘ina bubuna ‘u da guinua ‘enaia, ta tasio ena natuna ‘u da gietooro.

Loina 25:25

‘Abo tasio ‘i egomabeso, ta ‘ina iage tupwana ‘i gimwagimwani‘ena, ga tai ‘ina susu tauna serabenaia ‘i da mai, be iage tasina ni‘atu ‘i gimwani‘ena ‘i da ‘ewalimana.

Ruta 2:20

Ta Naomi lawana ‘ena ‘i ona, Ieoba ‘i da ona‐obobomena, tauna ‘ina nua‘ole‘ole to bobo‘adi ta to‐mwawasa ‘edia nigea ‘i da losa‘u. Ta Naomi ‘i eonena, Tai nina ‘ida susu serabedaia, ‘ida bu‘una ‘e bweuna.

Ruta 3:13

Boiboi gete ‘u da miami, ta gonagonaia gete ‘i da apwesa, ‘abo bu‘una ‘ana bubuna ‘i da guinua ‘emuia, bobo‘ana; bu‘una ‘ana bubuna ‘emuia ‘i da guinua: ta ‘abo bu‘una ‘ana bubuna nigea ‘i guiguinue ‘emuia, ga ‘abo‘agu bu‘una ‘ana bubuna ‘emuia ia da guinue, nadigega Ieoba ‘i miami: ‘u da ‘eno be gonagonaia.

Ruta 3:9

Ta ‘i gwae, Iaita ‘oio? Ta waine ‘i ona limana, ‘Abo‘agu Ruta ‘imu ‘ari‘ei: ‘enega ‘imu ‘ari‘ei ‘u da bwasena ‘imu bwasega; ‘oio ‘igu bu‘una ‘ai‘aila ta ‘enega.