Ruta 2:12 - Buki Tabu Lowaenei 1919

¹² Ieoba ‘imu guinua ‘i da e‘isa, ta tamapu ‘ai‘aila Ieoba, Iseraela ‘ina Eaubada, ‘i da ‘ebwaemu, tauna papena ‘edia ‘u mai sabi mia iauiaukwaia.

Ruta 2:12 Iomraidhean Croise

Salamo 17:8

‘U da ‘ita‘i‘isigu mata‐poupou ‘atua, Papemuao iauiaukwidi ‘agarauninaia ‘u da kwaiegu,

Salamo 19:11

Wate ‘ediega ‘imu ‘ari‘ei si ‘emataruena; ‘Adi ‘ita‘i‘ita e‘isa sinabwana ‘ena ‘i miami.

Salamo 36:7

Eaubada ie, ‘imu obobomanua‘ole‘ole ‘i bobo‘ai‘ailina! Ta tomota natudiao si denakwaia papemuao iauiaukwidi ‘agaraunaia.

Salamo 57:1

Eaubada ie, ‘u da ‘atenua‘ole‘oleiegu, ‘u da ‘atenua‘ole‘oleiegu; Iaruiaruagu ‘i denadena ‘emuia ta ‘enega: Tamo, papemuao iauiaukwadi ‘ena ia da dena, Ga iage to‘umalidi gete si da gumwara.

Salamo 58:11

Ta ‘enega tai si da gwae, Ona ‘ai‘aila to bubu paruparuna ‘ana e‘isa ‘i miami: Ona ‘ai‘aila Eaubada ‘i miami tauna ‘i loina bare‘uia.

Salamo 61:4

‘Imu anua‐tabenakele ‘ena ia da mia ataia; Papemuao iauiaukwadi ‘ena ia da dena. (Sela.)

Salamo 63:7

‘Oio ni‘atu ‘agu lema ta ‘enega, Ta papemuao iauiaukwadi ‘ena ia da ‘eguausoara.

Salamo 91:4

Dagurinega ‘i da tara‘apwariio Ta papena ‘agaraudia ‘u da dena; ‘Ina ona‘ai‘aila lawa ta lobodaboda.

Ruta 1:16

Ta Ruta ‘i gwae, Gea‘abo ‘u da eonegu ‘aene ia da pilisineio, ta ‘aene ia da ‘ila ta gea‘abo ia murimurieio: ‘ena ‘u da tauia, ia da tauia ta ‘enega; ta ‘ena ‘u da ‘eno ‘ena ia da ‘eno: ‘imu susu ‘igu susu, ta ‘imu Eaubada ‘igu Eaubada:

Ruta 2:11

Ta Boasa ‘i ona limana ta ‘ena ‘i gwae, ‘Imu bubuna iauna lawaio ‘ena tuta ‘enega mwaneio ‘i mwawasa ga batua, ni‘atu ‘eguia si e‘ita ‘ai‘ailina: ta ‘aene tamaio be sinaio ni‘atu ‘u pilisinedi, ta ‘imu ‘asa ‘imu ‘ebetubua, ta tomota lowa nigea ‘u mwaramwaratonidi ‘edia ‘u mai.

Ruta 2:13

Ga waine ‘i gwae, ‘Igu ‘inapwana, matamuia nua‘ole‘ole ia da loba; ‘u gieguausoarigu ta ‘enega, ta ‘imu gomagweine ‘ena ‘u ona nua‘ole‘ole, ta ‘abo‘agu nigea ‘imu gomagweine ‘e bweuna ‘atua.

Ruta 4:15

Ta tauna iawasio ‘i da sa‘u, ta tuta u ‘e waine sinabwa ‘enega ‘i da lemeio: lawaio, tauna ‘i obobomemu, tauna wate ‘emuia ‘i bobo‘ana ta ‘abo natumuao me‘olotodi ‘e sebeni nigea si bobo‘ana ‘emuia, tauna ni‘atu ‘i enatunena ta ‘enega.