Nugana 8:21 - Buki Tabu Lowaenei 1919

²¹ Ta Ieoba maina dibidibina ‘i muina; ta Ieoba ‘atenega ‘i ona, gea‘abo wate bwa‘a ia da elialima tai manuna, tai ‘atena ‘ina nuanua ‘i to‘umalina ‘ina tubuauunuiega ta ‘enega; ta gea‘abo wate iage maiawasina iauna ia da unuunu lima na‘ieana ni‘atu ia guinuena.

Nugana 8:21 Iomraidhean Croise

Nugana 3:17

Ta Adama ‘ena ‘i gwae, Mwaneio ‘enana ‘u nonona ta ‘enega, ta kaiwe ‘enega u ‘enina, tauna manuna ia eonemu, ia gwae, Gea‘abo ‘enega ‘u da ‘e‘a: bwa‘a ‘i to‘umali manuio; ma‘imu dedoi ‘u da ‘e‘a iawasio ‘ana tuta maibo‘anega;

Nugana 4:12

‘ena bwa‘a ‘u gesoa, gea‘abo gete ‘enega ta muriega ‘ina waiwai ‘i da tagwatagware ‘emuia; ‘oio ‘u da ‘e to dena ta to lopilidadana bare‘uia.

Nugana 5:29

ta ‘i eesena Noa, ‘i gwae, Tauna gete ‘ida guinua manuna ta nimada ‘ida mwerurua manuna, nuada ‘i da giebobo‘anei, bwa‘a Ieoba i ‘awato‘umaliena leleana.

Nugana 6:13

Ta Eaubada Noa ‘ena ‘i ona, Mataguia esio iauiauna ‘adi ‘ebelosaroni ni‘atu ‘i mai; bare‘u ‘i maa bubuna toilega ‘ediega ta ‘enega; ta, wa ‘ita, bare‘u ma‘enao ia da loesawaridi.

Nugana 6:17

Ta ‘abo‘agu, u ‘ita, boasi murua ia da me‘ena bare‘uia, esio iauiauna ‘i da lo‘esaoori, ‘ena iawasidi ‘i miamiana, garewa ‘agaraunaia ‘enega; iage iauna bare‘uia ‘i miami ‘i da mwawasa.

Nugana 6:5

Ta Ieoba i ‘itena tai ‘ina bubuna to‘umalina ‘i sinabwa bare‘uia, ta ‘atena ‘ina nuanua iauiauna ‘i to‘umali daita tuta iauiauna.

Nugana 6:7

Ta Ieoba ‘i ona, Tai ni‘atu ia mweruruina bwa‘a matanega ia da elosaooridi; tomota be, bomitawa be, iage ‘i lookawara be, mwatui manuina be; ia nuaebuni ia bubudi manuna ta ‘enega.

Salamo 51:5

U ‘ita, bubuna bokobokona ‘enega ia tubua; Ta loegesi ‘ena sinagu i ‘euwanegu.

Salamo 58:3

To to‘umalidi gamwa ‘enega si mia gesi: Tuta ‘ai‘aila ‘enega si tubua si tauia gesi, onakabokabo si oneone.

Salamo 58:4

‘Idi darere nadigega moata ‘ina darere: ‘Atua moata tenatuituina tenana ‘i pota;

Si Apwesa 29:18

Ta sipi me‘olotona maibo‘ana ‘u da gabuna ‘ebetaria ‘enaia: tauna ‘ebwaeadaita gabugabuna Ieoba ‘enaia: tauna maina dibidibina, ‘ebwaeadaita si bubuna ‘aweiega Ieoba ‘enaia.

Si Apwesa 29:25

Ta nimadiega ‘u da ‘ewedi, ta ‘u da ‘arasidi ‘ebetaria ‘enaia ‘ebwaeadaita gabugabu debanaia, maina dibidibi manuna Ieoba matanaia: tauna ‘ebwaeadaita si bubuna ‘aweiega Ieoba ‘enaia.

Isaia 47:12

‘Imu obaoba ‘ediega ‘u da tooro, ta ‘imu barau ‘adi iau ‘ediega, taudi ‘ediega ‘u guinua ‘imu gomagweineega; ‘abona nai ‘u ewaiwai be ‘u eposeana, ‘abona nai ‘u da edidiga.

Isaia 47:15

Gote nadigega iage ‘enega ‘u guinua si da miami: taudi ma‘ieaio wa ‘egimwagimwani ‘imu tuta gomagweineega si da tauia ‘e bweuna ‘e bweuna ‘ina esena ‘enaia; gea‘abo ‘e bweu ‘i da ‘etoseeio.

Isaia 48:8

Tamo, nigea ‘u nono; tamo, nigea ‘u mwaratoni; tamo, lowaeneiega tenaio nigea ‘i egegena: ia mwaratoni ta ‘enega ‘u bubu to wasegigi sana, ta si eesemu to‐li‘oaloina gamwa ‘enega.

Isaia 53:6

Iauiauda sipi ‘atua ni‘atu ta tauia gesi; ‘abo‘ada ni‘atu ta sana‘ila ‘e bweuna ‘e bweuna tauna ‘ina ‘eda ‘enaia; ta Ieoba ‘ida bubuna bokobokona iauiauda ni‘atu ‘ena ‘i sa‘u.

Isaia 65:6

Wa ‘ita, si ‘etoladina mataguia: gea‘abo ia da enono, ta ia da e‘isa, tamo, ia da e‘isa lumalumadi ‘enaia.

Loina 1:13

Ta diana be ‘aena ‘i da ‘utudi boasiega: ta to taria maibo‘ana ‘i da ‘ebwaea, ta ‘i da gabuna ‘ebetaria ‘enaia: tauna ‘ebwaeadaita gabugabuna, ‘ebwaeadaita aweiega si bubuna, maina dibidibi Ieoba ‘enaia.

Loina 1:17

Ta papenega ‘i da giwaga, ta gea‘abo ‘i da ‘au‘auweara rue: ta to taria ‘i da gabuna ‘ebetaria ‘enaia, kaiwe ‘enaia tauna awe ‘ena ‘i miami; tauna ‘ebwaeadaita gabugabuna, ‘ebwaeadaita aweiega, maina dibidibina Ieoba ‘enaia.

Loina 1:9

Ta diana ta ‘aena ‘i da ‘utudi boasiega: ta to taria maibo‘ana ‘i da gabu ‘ebetaria ‘enaia, ‘ebwaeadaita gabugabu manuna, ‘ebwaeadaita awesabeluluiega si bubuna, maina dibidibi Ieoba ‘enaia.

Loina 26:31

Ta ‘imi ‘asa ia da bubudi be si da waborebore, ta ‘imi anua tabuiao ia da loesaooridi, ta ‘imi mu‘ana dibidibi mainadi gea‘abo ia da muimui.

Loina 4:31

Ta iapana maibo‘ana ‘i da ‘ewa iaulei, na‘ieana iapa si ‘ewena ‘ebwaeadaita guguia ‘adi taria ‘enega; ta to‐taria ‘i da gabuna ‘ebetaria ‘enaia maina dibidibi Ieoba ‘enaia manuna; ta to‐taria ‘i da gienua‘ebweu manuna, ta Ieoba nuana ‘i da bobo‘ana ‘enaia.

Loina 8:28

Ta Mose nimadiega i ‘ewedi, ta ‘ebetaria ‘ena ‘i gabudi ‘ebwaeadaita ‘ara‘arasina ‘enaia: tauna tagwara‐‘ai‘aila maina dibidibi manuna: tauna ‘ebwaeadaita si bubuna aweiega Ieoba ‘enaia.