Nugana 46:1 - Buki Tabu Lowaenei 1919

¹ Ta Iseraela ‘i logara ma‘ina iage iauiauna, ta Beeriseba ‘ena ‘i mai, ta ‘i taria tamana Isaako ‘ina Eaubada ‘enaia.

Nugana 46:1 Iomraidhean Croise

Nugana 12:8

Ta gote ‘enega ‘i logara ‘oea ‘enaia Betela ga bomatu ‘ena, ta ‘ina anua i ‘abina, Betela ‘ebwaga ‘ena ‘i miami, ta Ai bomatu ‘ena: ta nada Ieoba ‘ena ‘ebetaria i ‘abina, ta Ieoba ‘ana esana i ‘inanena.

Nugana 21:14

Ta Aberaamo ‘i unuboi, ta masura ta boasi mabwarana i ‘ewedi, ta Agari ‘ena i ‘ebwaena, ‘a‘aranaia i sa‘una, ta goama, ta ‘i etunena: ta ‘i tauia, ta mitawa Beeriseba ‘ena ‘i lopilidadana.

Nugana 21:31

Ta ‘enega esena gote ‘i eesena Beeriseba; siterua si ona‘upa‘upa ruarua ta ‘enega.

Nugana 21:33

Ta Aberaamo kaiwe tamarika ‘i asona Beeriseba ‘enaia, ta ‘ena Ieoba ‘ana esana ‘ena ‘i bwauiena, Eaubada Tomia Ataia.

Nugana 22:13

Ta Aberaamo i ‘etatu‘e, ta ‘i dune, ta wa ‘ita, murinaia sipi me‘olotona ‘e bweuna kunanega kaiwe ‘ena ‘i loetaia: ta Aberaamo ‘i tauia ta sipi nina i ‘ewena, ta i ‘ebwaea‘ena ‘ebwaeadaita gabugabuna manuna natuna ‘ana lopa‘eru.

Nugana 28:10

Ta Iakobo Beerisebega ‘i tauia, ta Arana ‘ena ‘i tautauia.

Nugana 28:13

Ta, wa ‘ita, Ieoba debanaia ‘i tooro, ta ‘i ona, ‘Abo‘agu Ieoba, Aberaamo tubuio ‘ina Eaubada, ta Isaako ‘ina Eaubada: bwa‘a ‘ena u ‘eno‘eno, ia da ‘ebwaemu, ta tubuio ‘enaia:

Nugana 31:42

‘Abo tamagu ‘ina Eaubada, Aberaamo ‘ina Eaubada, ta Isaako ‘ina ‘Ebematauta, nigea ma‘ieagu, ‘ai‘aila ‘u da etunegu manimenimegumo. Eaubada ‘igu elo‘uia i ‘itena ta nimagu ‘idi guinua, ta guruwana ‘i ba‘emu.

Nugana 31:53

Aberaamo ‘ina Eaubada, Naora ‘ina Eaubada, tubudi ‘idi Eaubada, ‘i da loina mwatuidaia. Ta Iakobo ‘i ona‘upa‘upa tamana Isaako ‘ina ‘Ebematauta ‘enega.

Nugana 33:20

Ta nada ‘ebetaria i ‘abina, ta ‘i eesena Eleloe Iseraela.

Nugana 35:3

be ta da tooro, ta Betela ‘ena ta da tu‘e; ta ‘ena ‘ebetaria ia da ‘abi Eaubada ‘enaia, tauna ‘eguia ‘i onalimanama ‘igu dedoi ‘ina ‘asiata ‘enega, ta ‘edega ia tautauia tauna ma‘ieagu.

Nugana 35:7

Ta ‘ena ‘ebetaria i ‘abina, ta esena nina ‘i eesena Elabetela: ‘ena Eaubada ‘i apwesa ‘enaia ta ‘enega, ‘ena tasina matanega ‘i denadena.

Nugana 4:4

Ta Abela, tauna wate ‘ina sipiao ‘ediega tomatua ta iapa ‘i me‘edi. Ta Ieoba Abela ta ‘ina ‘ebwaeadaita ‘i nuanuana:

Nugana 45:28

Ta Iseraela ‘i ona, Sawesawenaia; Iosepa natugu ‘i bobo‘ana ataia: ia da tauia be ia da ‘ita nuganena ga ia da mwawasa muriega.

Nugana 8:20

Ta Noa ‘ebetaria i ‘abina Ieoba ‘ena; ta bomitawa ‘esasena iauna, ta manua ‘esasena iauna, ‘ediega i ‘ewedi, ta ‘ebwaeadaita gabugabuna i ‘ebwaea ‘ebetaria ‘enaia.