Nugana 24:10 - Buki Tabu Lowaenei 1919

¹⁰ Ta ‘ari‘ei nina kameli e sanau i ‘ewedi, ‘ina ‘inapwana ‘ina kameliao ‘ediega, ta ‘i tauia; ‘ina ‘inapwana ‘ina gwegwe iauna nimanaia; ta ‘i tooro, ta ‘i tauia Mesopotamia ‘enaia, Naora ‘ina ‘asa ‘enaia.

Nugana 24:10 Iomraidhean Croise

Nugana 11:26

Ta Tera ‘i miami ga iakwara ‘e sebeniti ta Aberamo be, Naora be, Arana be, ‘ena si tubua.

Nugana 11:29

Ta Aberamo ta Naora si ai: Aberamo mwanena ‘ana esana Sarai; ta Naora mwanena ‘ana esana, Milika, Arana natuna, tauna Arana nina Milika tamana, ta Isaka tamana,

Nugana 11:31

Ta Tera natuna Aberamo i ‘au‘ewena, ta Lota Arana natuna, natuna natuna, ta Sarai lawana, tauna natuna Aberamo mwanena; ta ma‘ediao si tauiawa me Kaladea ‘idi Ura ‘enega, sabi tauia ‘asa Kanania ‘enaia; ta ‘asa Arana ‘ena si mai, ta ‘ena si miami.

Nugana 11:32

Ta Tera ‘ana tuta iakwara ‘e tu anaredi ta paibe: ta Tera ‘i mwawasa Arana ‘enaia.

Nugana 22:20

Ta iage getedi si gumwara ga gete ‘i apwesa, si simana Aberaamo ‘enaia, si gwae, U ‘ita, Milika, tauna wate waine nina tasio Naora ‘ena natunao ‘i enatunedi;

Nugana 24:2

Ta Aberaamo ‘ina ‘ari‘ei, ‘ina anua ‘ana tonugana, tauna ‘ina iage iauiauna ‘i loinedi, ‘ena ‘i ona, Ia sideio, nimaio bwadagagu ‘agarauna ‘u da sa‘u:

Nugana 24:22

Ta gete ‘i apwesa, kameli ni‘atu si numa saba, ga tai nina ubusuporoporo gola ‘i ‘ewa ‘ana mwau sekeli ‘ana ‘upwarua, ta nimakudekudena manuna nimapasapasa ‘e rua ‘adi mwau sekeli gola ‘e sanau;

Nugana 24:53

Ta ‘ari‘ei nina oesi sileba be, oesi gola be, ‘oama be, ‘i me‘ena ta Rebeka i ‘ebwaena: wate gwegwe bobo‘ai‘ailidi nuuna ta sinana i ‘ebwaedi.

Nugana 27:43

‘Enega gete tuga, natugu, ‘enagu ‘ena ‘u da ematamatana; ta ‘u da tooro, nuugu Labana ‘ena ‘u da dena Arana ‘enaia;

Nugana 29:1

Ga Iakobo ‘i tauia, ta bomatu natunao ‘idi ‘asa ‘ena ‘i mai.

Nugana 29:2

Ta i ‘ita, ta wa ‘ita mitawaia wewerupwa, ta, wa ‘ita, sipi iau ‘e toi deinaia si ‘eno‘eno; wewerupwa nina ‘enega iau si enumadi: ta gurewa wewerupwa ‘awanaia sinabwana.