Nugana 19:14 - Buki Tabu Lowaenei 1919

¹⁴ Ta Lota ‘i apwesa, ta bwasianao, taudi natunao me wainedi ‘i abe ma‘ediao si da ai, ‘edia ‘i ona, ta ‘i gwae, Wa da tooro, ta esena gete ‘enega wa da apwesa; Ieoba ‘asa ‘i da loesaoori ta ‘enega. Ta tauna bwasianao ‘edia ‘atua ‘e bweu ‘i tuietuiea.

Nugana 19:14 Iomraidhean Croise

Nugana 19:15

Ta ni‘atu tomwa‘iulisina, ga aneloseao nidi Lota si au‘ewa manini‘ena, si gwae, ‘U da tooro, mwaneio ‘u da ‘au‘ewa, ta natumuao mewainedi ‘e rua gete ‘ena si miamiana; nai wa ‘arasi ‘asa ‘ina to‘umalina ‘enaia.

Nugana 19:17

Ta gete ‘i apwesa, ni‘atu si ‘au‘ewedima apwesaia, ga ‘i gwae, Iawasio manuna ‘u da dena; gea‘abo murimuia u ‘ita‘ita ‘ila, Abatau maibo‘ana ‘ena gea‘abo ‘u da miamia lia; ‘oea ‘ena ‘u da dena, nai i ‘arasiio.

Nugana 19:22

‘U da lomanini, ‘ena ‘u da dena; nigea kapekapeana ‘e bweu iage ia da guinua ga ‘oio ‘ena ‘u da apwesa bemi. Ta ‘enega ‘asa nina si eesena Soara.

Si Apwesa 12:31

Ta boiboi Mose ta Aarona manudi ‘i bwau, ta ‘i gwae, Wa da tooro, ‘igu tomota ‘ediega wa da apwesa, ‘omi ta Iseraela tubunao ruarua; ta wa da tauia, Ieoba ‘ena wa da guinua, na‘ieana wa ona ni‘atu.

Si Apwesa 9:21

Ta tauna Ieoba ‘ina ona nigea i ‘ama‘amaiabe ‘ina toguinuao ta ‘ina bulomakau ‘i pilisinedi baguraia.

Isaia 28:22

Ta ‘enega gea‘abo wa sinasinara, ‘abona nai ‘ami ‘ebepaima si da epa‘ara: ‘ebelosaroni ta ‘enega, tauna ‘i aseiena, ni‘atu ia nonona ‘Inapwana ‘enega, bodao ‘idi Ieoba, bare‘u maibo‘ana ‘enaia.