Loina 12:2 - Buki Tabu Lowaenei 1919

² Iseraela tubunao ‘edia ‘u da gwae, ‘u da ona, ‘Abo waine i ‘euwana, ta me‘olotona ‘i enatunena, ga ‘i da nigea‐‘esasena ga asiata ‘e sebeni; na‘ieana ‘ina le‘oasa ‘ina mia dumaduma ‘ana asiatao ‘i da nigea‐‘esasena.

Loina 12:2 Iomraidhean Croise

Nugana 1:28

Ta Eaubada ‘i ona‐obobomedi: ta Eaubada ‘i eonedi, wa da losiwa, ta wa da eiau, ta bare‘u wa da loemae, ta ‘ena wa da ewaiwai; ta wa da loina ora ‘ana iana ‘edia be, mwatui manuina ‘edia be, iage iauna maiawasidi bare‘uia si looniu ‘edia be.

Nugana 3:16

Waine ‘ena ‘i ona, ‘Imu dedoi ta ‘imu ‘euwana ia da giesinabwa wawasae; dedoi ‘enega natumuao ‘u da enatunedi; ‘imu nuanuana mwaneio ‘ena ‘i da miami, ta ‘emuia ‘i da loina.

Salamo 51:5

U ‘ita, bubuna bokobokona ‘enega ia tubua; Ta loegesi ‘ena sinagu i ‘euwanegu.

Loina 12:1

Ta Ieoba ‘i ona Mose ‘enaia, ‘i gwae,

Loina 12:5

Ta ‘abo mewainena ‘i enatunena, ga ‘i da nigea‐‘esasena ga wiki ‘e rua, na‘ieana ‘ina miadumaduma ‘enaia: ta ‘ana gie‘esasena rarana ‘ena ‘i da miami ga asiata sikisiti ta sikisi.

Loina 15:19

Ta ‘abo waine ‘e bweu ma‘ana daudau, ta ‘ana daudau esiona ‘ena ‘i rara, ga ‘i da miadumaduma ga asiata ‘e sebeni: ta tauna ‘i gitoona ‘i da nigea‐‘esasena ga asuinuanua.

Loina 18:19

Ta gea‘abo waine ‘ena ‘u da dorodoro be bubugewana ‘ana ‘aubodaboda ‘u da ‘ewena, tuta ‘enega ‘i miamiadumaduma ‘ina nigea‐‘esasena manuna.

Loina 5:3

Nai ‘abo tai ‘ina iage nigea ‘esasena ‘i gitoona, to‘ase nai ‘ina iage nigea ‘esasena ‘enega nigea i ‘esasena, ta tauna ‘enega ‘i mia kwaia; ni‘atu ‘i mwaratonina, ga ‘i da to‘umali: