Isaia 9:6 - Buki Tabu Lowaenei 1919

⁶ Goama ‘i tubua ‘edaia ta ‘enega, natuda me‘olotona si ‘ebwaeda ta ‘enega; ta loina ‘i da miami ‘a‘aranaia: ta ‘ana esana si da eesena ‘Ebenuaowana, To E‘ita, Eaubada Waiwai, Tuta ‘ataia Tamana, Guguia ‘ana ‘Inapwana.

Isaia 9:6 Iomraidhean Croise

Salamo 45:3

‘Imu sisi saia ‘u da losipwa bwadagaio ‘ena, ‘Oio to ewaiwai saio, ‘Imu esaesa ta ‘imu to‐‘etana‐sana.

Salamo 45:6

‘Imu ‘ebemi‐esaesa, Eaubada ie, ‘i mia ataia ta ataia: Loina ‘ai‘aila ‘ana keweliwelili esaesa tauna ‘imu ‘ebeloina ‘ana keweliwelili esaesa.

Salamo 45:7

Bubuna paruparuna ni‘atu ‘u nuanuana sinabwana, ta bubuna to‘umalina ni‘atu ‘u guitoasena: Ta ‘enega Eaubada, ‘imu Eaubada, ‘i eoromu Sinabwa wawasae ‘amu epata ‘edia guausoara ‘ana bunamega.

Salamo 50:1

Eaubada, tuga Eaubada, Ieoba, ni‘atu ‘i ona, Ta bare‘u ‘i bwauiena sinara ‘ina tu‘ema ‘enega ga ‘ina mwa‘uta ‘enaia.

Salamo 72:17

‘Ana esana ‘i da mia ataia; ‘Ana esana ‘i da mia ataia sinara matanaia: Ta ‘ena tai si da bobo‘ana; ‘Ebeloina iauiauna si da ‘awa to‘eguausoarena.

Salamo 72:3

‘Oeao guguia si da me‘ena tomota ‘edia, Ta ‘oea gidaridi, bubuna paruparunega.

Salamo 72:7

‘Ina tutao to bubuna paruparu si da sinabwa; Ta guguia sinabwawawasae, ga nawarae nigea ‘i miami.

Salamo 85:10

Nua‘ole‘ole ta ona ‘ai‘aila si eloba; Bubuna paruparuna ta guguia ni‘atu si e‘awamui.

Salamo 89:5

Ta garewa ‘imu guinua sinabwadi si da tupudi, Ieoba ie; ‘Imu bubuna ‘ai‘aila wate etaetabudi ‘idi deriegogona ‘enaia.

Isaia 10:21

Tupwana si da ‘ilama, tuga Iakobo tupwana, Eaubada waiwai ‘enaia.

Isaia 11:5

Ta bubuna paruparu ‘i da tolobwana ‘ana gadiwana, ta bubuna ‘ai‘aila gamwana ‘ana gadiwana.

Isaia 16:5

Ta ‘ebemi‐esaesa ‘i da mia pa‘ara ‘atenua‘ole‘ole ‘enaia, ta ‘e bweu ‘ena ‘i da miatoa ona‘ai‘ailega, Dabida ‘ina anuanaia ‘enaia; ‘i loiloina, ta etara i ‘ebe‘ebesa, ta ‘i lomanini sabi guinua bubuna paruparu.

Isaia 26:12

Ieoba, guguia ‘u da loinei manuma: ‘oio ‘imu guinua iauiauna wate ni‘atu ‘u bubudi manuma.

Isaia 26:3

Tauna ‘ina nuena ‘emuia i ‘emisa, tauna ‘u da ‘ita‘i‘isina guguia ‘ai‘aila ‘enega: i ‘emiseio ta ‘enega.

Isaia 28:29

Gete wate ‘i apwesama bodao ‘idi Ieoba ‘enega, tauna ‘ina ona lemeega ‘i tosinabwasana, ta sinasinapuiega ‘i bobo‘ai‘ailina.

Isaia 32:1

Wa ‘ita, king ‘e bweu ‘i da loina bubuna paruparuiega, ta ‘inapwanao si da loina etaraeiega.

Isaia 37:32

Ierusalemega tupwana ‘i da apwesa ta enega, ta ‘oea Sionega taudi si da dena; bodao ‘idi Ieoba ‘ina waiwai iage gete ‘i da bubuna.

Isaia 53:10

Ta Ieoba nuana ‘i da ‘aue‘umulina; ‘ana ‘ateuiauia ‘i sa‘ui: ‘ena iaruiaruana ‘u bubuna be i ‘ebwaeadaita loegesi manuna, tubuna ‘i da ‘ita, ‘ana asiatao ‘i da gieduduri, ta Ieoba ‘ina ‘ebeguausoara ‘i da loeposeana nimanaia.

Isaia 53:2

Matanaia ‘i tabwa ‘atua kaiwe nuana ta ‘enega, ta ramu ‘atua bwa‘a iadaiada ‘enega: nigea ma‘oonamo nai ‘ana ‘ita bobo‘ana; ta ‘ena ta ‘itena, nigea ‘e bweu ‘ana ‘ita bobo‘ana be ta da nuanuana.

Isaia 53:5

Ta ‘i e‘abiiama ‘ida li‘oa‐loina manudi, i ‘aue‘umula ‘ida bubuna bokobokodi manudi: ‘ida guguia ‘ana unua ‘ena ‘i miami; ta ‘ana sapiao ‘ediega ta bobo‘ana limana.

Isaia 63:16

‘Oio tamama tuga ta ‘enega, ‘abo Aberaamo nigea ‘i mwaramwaratonima, ta Iseraela nigea i ‘awanatunema; ‘oio, Ieoba ie, ‘oio tamama; ‘amu esana ‘ama to‘ewalima tuta ‘ataia ‘enega.

Isaia 66:12

Gete nadigega Ieoba ‘i gwae ta ‘enega, Wa ‘ita, guguia ia da ginao ‘enaia ‘atua boasi‘awana, ta ‘ebeloinao ‘idi esaesa boasi‘awana ‘i maa‘apu‘apu ‘atua, ta ‘enega wa da esusu; si da sumwagidimi, ta si da giesuiasuiami ‘aetubwe ‘edia.

Isaia 7:14

Ta ‘enega ‘Inapwana tauna we‘iwe‘iiaia ‘i da ‘ebwaemi; wa ‘ita, gomagweine nina ‘i da ‘euwana, ta natuna me‘olotona ‘i da enatunena, ta ‘i da eesena Imanuela.

Isaia 8:18

Wa ‘ita, ‘Abo‘agu ta gogama Ieoba ni‘atu i ‘ebwaegu taudi we‘iwe‘iiaia manudi ta ‘ebenua‘owanao manudi Iseraela ‘ena, bodao‘idi Ieoba ‘enega, tauna ‘oea Siona ‘ena ‘i miami.