Isaia 8:10 - Buki Tabu Lowaenei 1919

¹⁰ Wa da eonaona rererea, ta nigea ‘e bweu iage; ona wa oneone, ta gea‘abo ‘i da tooro: Eaubada ma‘eda ta ‘enega.

Isaia 8:10 Iomraidhean Croise

Nugana 21:22

Ta tuta gote gete ‘i apwesa, Abimeleka ta ‘ina boda ‘idi tonugana Pikola Aberaamo ‘ena si gwae, si ona, Iage iauiauna ‘u guiguinue Eaubada ma‘ieaio:

Salamo 21:12

‘U da giesanaguiguidi ta ‘enega, ‘Amu tupu ‘ana nosanosa ‘u da losipwa ‘ai‘aili matadi.

Salamo 46:1

Eaubada ‘ida ‘ebedena ta ‘ida pa‘arina, Tauna lema ta loba ‘ai‘aila elo‘uia ‘enaia.

Salamo 46:11

Bodao ‘idi Ieoba ‘i miami ma‘eda; Iakoba ‘ina Eaubada ‘ida ‘ebedena. (Sela.)

Salamo 46:7

Bodao ‘idi Ieoba ‘i miami ma‘eda; Iakobo ‘ina Eaubada ‘ida ‘ebedena. (Sela.)

Salamo 46:8

Wa da mai, Ieoba ‘ina guinua wa da ‘itadi, Tauna saoora ‘i bubudi bare‘uia.

Isaia 14:27

Bodao ‘idi Ieoba ni‘atu ‘i loina ta ‘enega, ta iaita ‘i da li‘oena? ta nimana ‘i iasitoto, ta iaita ‘i da ‘ilenawa?

Isaia 28:18

Ta ‘imi ona‘upa‘upa mwawasa ma‘ieana ‘i da ‘e‘upa, ta ‘imi egosigosiana Seola ma‘ieana gea‘abo ‘i da tooro; ‘ena ‘ebeunua maamaa ‘apu‘apu ‘i da ‘etobwarena, ga ‘i da ‘aiaimi.

Isaia 41:10

Gea‘abo ‘u matauta, ‘abo‘agu ma‘ieaio ta ‘enega; gea‘abo u ‘atesa‘ara, ‘Abo‘agu ‘imu Eaubada ta ‘enega: ‘imu pa‘ara ia da sa‘u; tamo, ia da lemeio; tamo, ia da gi‘eteio ‘igu bubuna paruparu nina ‘atainega.

Isaia 43:5

Gea‘abo ‘u matauta; ‘abo‘agu ma‘ieaio ta ‘enega: tubumuao ia da me‘edi bomatuiega, ta ia da egogoneio ‘ebwagega;

Isaia 7:14

Ta ‘enega ‘Inapwana tauna we‘iwe‘iiaia ‘i da ‘ebwaemi; wa ‘ita, gomagweine nina ‘i da ‘euwana, ta natuna me‘olotona ‘i da enatunena, ta ‘i da eesena Imanuela.

Isaia 8:8

Ta ‘i da dau toilawa Iuda ‘ena; ‘i da dau‘apu‘apu ta ‘i da ‘etobwarena; ‘i da tu‘e ga otonaia; ta papena ‘idi tu‘e‘alele ‘asa ‘ana bababa ‘i da loemaa, Imanuela ie.

Isaia 9:6

Goama ‘i tubua ‘edaia ta ‘enega, natuda me‘olotona si ‘ebwaeda ta ‘enega; ta loina ‘i da miami ‘a‘aranaia: ta ‘ana esana si da eesena ‘Ebenuaowana, To E‘ita, Eaubada Waiwai, Tuta ‘ataia Tamana, Guguia ‘ana ‘Inapwana.