Isaia 59:8 - Buki Tabu Lowaenei 1919

⁸ Guguia ‘ina ‘eda nigea si mwaramwaratoni; ta ‘idi tautauia nigea ‘e bweu loina ‘edia: ‘eda bokobokodi si bubudi taudi ‘edia: tauna ‘ena ‘i tauia guguia nigea ‘i mwaramwaratoni.

Isaia 59:8 Iomraidhean Croise

Salamo 125:5

Ta taudi si tauia dumaduma ‘idi ‘eda bokobokodi ‘edia, Ieoba ‘i da tauiediwa bubuna bokoboko ‘ana to‐guinuao ma‘edi. Guguia Iseraela ‘ena ‘i da miami.

Isaia 48:22

Nigea ‘e bweu guguia, Ieoba ‘i gwae, to to‘umalina ‘edia.

Isaia 5:7

Bodao ‘idi Ieoba ‘ina bagura‐oine tauna Iseraela ‘ina susu ta ‘enega, ta tai me Iuda ‘ina kaiwe ‘ana ‘ita bobo‘ana: ta etara manuna i ‘ita, ta wa ‘ita! unua; bubuna paruparu manuna, ta wa ‘ita! bwau.

Isaia 59:11

‘Abo‘ada iauiauda ta bwaubwau bera na‘ieadi, ta ‘ewabamu didiga bunetutu na‘ieadi; loina ta ‘ebesa, ta nigea ‘e bweu ‘i miami; ‘etoseana manuna, ta ‘edega ‘i mia ‘edasora.

Isaia 59:9

Ta ‘enega loina ‘i mia ‘edasora ‘edega, wate bubuna paruparu nigea ‘i pili ‘eweda: ma‘edana ta ‘ebesa, ta guguioi ta ‘itena; tuiaiara ta ‘ebesa, ta umauma ‘ena ta tautauia.

Isaia 65:2

Asiata maibo‘ana nimaguao ia iasitoto tomota loguitoasa ‘edia, taudi ‘eda nigea bobo‘ana ‘enega si tautauia, taudi ‘idi nuanua nadigega: