Isaia 53:6 - Buki Tabu Lowaenei 1919

⁶ Iauiauda sipi ‘atua ni‘atu ta tauia gesi; ‘abo‘ada ni‘atu ta sana‘ila ‘e bweuna ‘e bweuna tauna ‘ina ‘eda ‘enaia; ta Ieoba ‘ida bubuna bokobokona iauiauda ni‘atu ‘ena ‘i sa‘u.

Isaia 53:6 Iomraidhean Croise

Nugana 22:6

Ta Aberaamo ‘ebwaeadaita gabugabuna ‘ana kaiwe i ‘ewena, ta natuna Isaako ‘ena ‘i e‘a‘arina; ta nimanega awe ‘ara‘arata ta sisi i ‘ewedi; ta siterua si arua ga si tauia rererea.

Salamo 119:176

Ia tauia gesi sipi loseloseena ‘atua; ‘imu to‐guinua ‘u da ‘ebesa; ‘Imu ona nigea ia nuapupuredi ta ‘enega.

Salamo 69:4

Taudi si guitoasadaitegu ‘adi iau debagu uiauiana si pilisinena; Taudi nuanuadi si da ‘upwaiaulegu, ‘agu tarauwara geiogeioiao, si ewaiwai; Ga iage nigea ia ‘ewena ia ‘ebwaea‘ena.

Isaia 40:2

Ierusalema ‘atena ‘ena wa da ona, ta ‘ena wa da bwau, ‘ana tuta saia ni‘atu ‘i gumwara, ‘ina bubuna bokobokona ni‘atu ‘i kweu; ni‘atu Ieoba nimanega ‘e rua si ‘ewena ‘ina loegesi iauiauna manudi.

Isaia 53:10

Ta Ieoba nuana ‘i da ‘aue‘umulina; ‘ana ‘ateuiauia ‘i sa‘ui: ‘ena iaruiaruana ‘u bubuna be i ‘ebwaeadaita loegesi manuna, tubuna ‘i da ‘ita, ‘ana asiatao ‘i da gieduduri, ta Ieoba ‘ina ‘ebeguausoara ‘i da loeposeana nimanaia.

Isaia 53:11

Iaruiaruana ‘ina edadama ‘i da ‘ita, ta sawesawenaia: ‘ina sinasinapuiega ‘igu toguinua paruparu iauiaudi ‘i da ‘awaparuparuiedi: ta ‘idi bubuna bokobokodi ‘i da ‘a‘ara.

Isaia 53:12

Ta ‘enega tomwana ia da ‘eguiai‘ena mesinabwadi ma‘edi, ta tauna gwegwe‘oae ‘i da ‘eguiai e‘ewaiwaidi ma‘edi; iaruiaruana ‘i siwena mwawasa ‘enaia ia ‘enega, ta si sawena to li‘oa‐loina ma‘edi: ta iauiaudi ‘idi loegesi i ‘a‘ara, ta ‘i sidasida to li‘oa‐loina manudi.

Isaia 53:5

Ta ‘i e‘abiiama ‘ida li‘oa‐loina manudi, i ‘aue‘umula ‘ida bubuna bokobokodi manudi: ‘ida guguia ‘ana unua ‘ena ‘i miami; ta ‘ana sapiao ‘ediega ta bobo‘ana limana.

Isaia 53:7

Si ununa, ta ‘i gimwa‘utena taunamo ta ‘awana nigea i ‘ebarina; ‘atua lami si ‘au‘ewena esilae ‘ena, ta ‘atua sipi ‘ana to‐‘upwa matadia nigea ‘i da ona; tamo, ‘awana nigea i ‘ebarina.

Isaia 55:7

To to‘umalina ‘ina ‘eda ‘i da pilisinena, ta tai nigea bubuna paruparu ‘ina nuanua: ta Ieoba ‘ena ‘i da ‘ilama, ta ‘i da ‘atenua‘ole‘oleiena: ta ‘ida Eaubada ‘ena, tauna to‘umalina ‘i da giekweu ‘ai‘ailina ta ‘enega.

Isaia 55:8

‘Igu nuanuaiao nigea ‘imi nuanuaiao ta ‘enega, nai ‘imi ‘edao ‘igu ‘edao, Ieoba ‘i gwae.

Isaia 56:11

Tamo, kedewa si dawowo, nigea kapekapeana gamwadi ‘i da pawa; ta getedi to‘ita‘i‘isi sipi nigea si da sinapu: si sana‘ila iauiaudi taudi ‘idi ‘eda ‘enaia, ‘e bweuna ‘e bweuna ‘ina loeposeana ‘enaia, esena iauna ‘enega.

Isaia 6:7

Ta ‘awagu ‘i gitoona ‘enega, ta ‘i gwae, U ‘ita, gete sopaio ‘i gitoodi; ta ‘imu bubuna bokobokona ni‘atu i ‘ewa iaulena, ta ‘imu loegesi i ‘esasena.

Isaia 66:3

Tauna bulomakau ‘i ununa tauna na‘ieana tauna tai ‘i loemwawasina; tauna lami ‘i gitariei, na‘ieana tauna kedewa ‘otona ‘i lasena; tauna ‘ebwaeadaita‐palaua i ‘ebwaeaei, na‘ieana tauna bawe rarana i ‘ebwaeaei; tauna mu‘ana ‘i gabuna, na‘ieana tauna goamamea ‘i onaobobomena: tamo, ‘idi ‘edao taudi ni‘atu si ‘esinuedi, ta iaruiaruadi i ‘uiawana ‘idi gadiluluiao ‘ediega;