Isaia 5:7 - Buki Tabu Lowaenei 1919

⁷ Bodao ‘idi Ieoba ‘ina bagura‐oine tauna Iseraela ‘ina susu ta ‘enega, ta tai me Iuda ‘ina kaiwe ‘ana ‘ita bobo‘ana: ta etara manuna i ‘ita, ta wa ‘ita! unua; bubuna paruparu manuna, ta wa ‘ita! bwau.

Isaia 5:7 Iomraidhean Croise

Nugana 4:10

Ta ‘i ona, To‘ase ‘u guinua? tasio rarana ‘enana ‘eguia ‘i bwauma bwa‘a ‘enega.

Salamo 147:11

Ieoba ‘i uiawana taudi si ‘amaiabena manudi, Taudi ‘ana esana si nuaiaina manudi.

Salamo 149:4

Ieoba ‘i uiawana ‘ina tomota manudi ta ‘enega: Taudi ‘idi bubuna nuana ‘adi ‘ita ‘i da giebobo‘anena ‘etoseanega.

Salamo 80:15

Wate ‘arena ‘ataio ni‘atu i ‘asona, Ta narina tauna ni‘atu ‘u giepa‘arina manuio tauio.

Si Apwesa 3:7

Ta Ieoba ‘i ona, ‘Igu tomota Aigupito ‘ena ‘idi elo‘uia ni‘atu ia ‘ita ‘ai‘ailina, ta ‘idi bwau ‘idi to‐loina‐guinua manudi ni‘atu ia nonona; ‘idi ‘ate‘uia‘uia ia mwaramwaratoni ta ‘enega;

Isaia 1:21

‘Asa bubuna ‘ai‘aila ni‘atu ‘i esogara! Tauna lowa loinega ‘i maa! bubuna paruparu ‘ena ‘i miami, ta gete to‐loemwawasaiao.

Isaia 1:6

‘Aeiapeiapega ga deba ‘enaia nigea ‘e bweu bobo‘ana ‘enaia; ta ‘abiamaiao, ‘au‘eumula be, bonu be: nigea si bodebodedi nai si paimidi, nai si ‘e‘enuadi bunamega.

Isaia 27:2

Asiata gote ‘enega: Oine bagurina, ‘ena wa da wari.

Isaia 3:14

Ieoba ‘i da etara ‘ina tomota ‘idi to nuganao ma‘edi, ta ‘ina ‘inapwanao ma‘edi: ‘Omi baguraoine wa e‘e gumwarina; gomabeso ‘idi gwegwe ‘oae‘oaena ‘imi anua ‘edia ‘i miami:

Isaia 3:15

To‘ase ‘imi nuanua ‘igu tomota wa e‘upwe‘upwedi ta gomabeso maninidi wa dai? ‘Inapwana, Bodao ‘idi Ieoba, ‘i gwae.

Isaia 3:17

Ta ‘enega ‘Inapwana Siona natunao me wainedi deba gamwadi ‘i da ununa ‘isi‘isiega, ta Ieoba ‘idi esena kwaia ‘i da gieapwesedi.

Isaia 30:12

Ta ‘enega gete nadigega Iseraela ‘ina Tabu Tebweuna ‘i gwae, ona gete wa sinarina ta ‘enega, ta giemwau ta bokoboko ‘edia wa ‘emisa, ta ‘ena wa mia‘ataia;

Isaia 46:12

Omi to‘atepatu, bubuna paruparuiega wa mia ‘edasora, ‘eguia wa da nono:

Isaia 5:2

Ta ‘i sala sakowasiena, ta ‘ina gurewa ‘enega ‘i egogonedi, ta oine bobo‘ai‘ailina ‘ena ‘i asona, ta anua ‘etosorana i ‘abina gamwagamwanaia, ta wate oine ‘ina ‘ebedai ‘ena ‘i tai: ta i ‘ita ‘aene oine uana ‘i da uaua, ta ua mitawa ‘i uaua.

Isaia 59:13

Ta li‘oa loina ta Ieoba ta eiaseiaseie, ‘ida Eaubada ‘ana muria ‘enega ta sana‘ilawa, didiga ta loguitoasa ta oneone, ‘atedega kabokabo ‘ina ona ta nuedi be ta ‘inanedi.

Isaia 59:14

Ta loina ni‘atu i ‘ilawa, ta bubuna paruparu ‘i tooro ‘edasora: ona ‘ai‘aila ‘i be‘u ‘edaia ta ‘enega, ta bubuna tooro ‘ai‘aila nigea kapekapeana be ‘i da rugu.

Isaia 59:4

Nigea ‘e bweu ‘i bwaubwau bubuna paruparuiega, ta nigea ‘e bweu ‘i eonaona ona‐‘ai‘ailega: iage besobeso ‘ena si ‘emisa, ta onakabokabo si oneone; wasegigiega si ‘euwana, ta bubuna bokoboko si enatunena.

Isaia 62:5

Na‘ieana tubuau gomagweine ‘i aina ta ‘enega, nadigega natumuao me‘olotodi si da ai ma‘ieaio: ta na‘ieana toai me‘olotona mwanena manuna ‘i guausoara, nadigega ‘imu Eaubada ‘i da guausoara manuio.