Isaia 49:8 - Buki Tabu Lowaenei 1919

⁸ Gete nadigega Ieoba ‘i gwae, Tuta bobo‘ana ‘enega ni‘atu ia onalimana ‘emuia, ta ‘etoseana ‘ana asiata ‘enega ni‘atu ia lememu: ta ia da egagareio, ta ia da ‘ebwaea‘eio tomota ‘idi ona‘upa‘upa manuna, be bare‘u ‘u da sa‘u ‘ai‘aili, be ‘u da loinedi be ‘egu‘eguia waboreboreao si da ‘ewa:

Isaia 49:8 Iomraidhean Croise

Salamo 2:8

‘Eguiega ‘u da ona, ta ‘ebeloina ia da ‘ebwaemu ‘amu ‘egu‘eguiai manuna, Ta bare‘u ‘ina esena ‘ana ‘ebelosa‘u ‘imu iage manuna.

Salamo 69:13

Ta manugu, ‘igu sidasida ‘emuia, Ieoba ie, tuta bobo‘ana ‘enega: Eaubada ie, ‘imu nua‘ole‘ole ‘ana iau ‘enega, ‘Eguia ‘u da ona limana ‘imu ‘etoseana ‘ina ona ‘ai‘aila ‘enega.

Salamo 75:3

Bare‘u ta ‘ana tomianao iauiaudi ni‘atu si sawara; ‘Ina ‘orao ni‘atu ia sa‘u tu‘eiedi. (Sela.)

Isaia 26:3

Tauna ‘ina nuena ‘emuia i ‘emisa, tauna ‘u da ‘ita‘i‘isina guguia ‘ai‘aila ‘enega: i ‘emiseio ta ‘enega.

Isaia 27:3

‘Abo‘agu Ieoba ia ‘ita‘i‘isina; tuta tomwana iauna ‘ena ia da giepwasena: nai ‘e bweu ‘i ununa, ia da ‘ita‘i‘isina boiboi be asiata.

Isaia 41:10

Gea‘abo ‘u matauta, ‘abo‘agu ma‘ieaio ta ‘enega; gea‘abo u ‘atesa‘ara, ‘Abo‘agu ‘imu Eaubada ta ‘enega: ‘imu pa‘ara ia da sa‘u; tamo, ia da lemeio; tamo, ia da gi‘eteio ‘igu bubuna paruparu nina ‘atainega.

Isaia 42:1

‘Igu ‘ari‘e wa da ‘ita, tauna a gi‘ete; ‘agu ‘esi‘esinua, tauna ‘ena iaruiaruagu ‘i guausoara: iaruiaruagu ia sa‘u ‘enaia; etara ‘i da me‘ena ‘Asa‐apwesa ‘edia.

Isaia 42:6

‘Abo‘agu Ieoba ni‘atu ia bwauiemu bubuna paruparuiega, ta nimaio ia da giiai, ta ia da ‘ita‘i‘isio, ta ia da ‘ebwaea‘eio tomota ‘idi ona‘upa‘upa manuna, ‘Asa‐apwesa ‘idi ma‘edana manuna;

Isaia 44:26

Tauna ‘ina toguinua ‘ina ona ‘i giepa‘ara, ta ‘ina topiliiareiare ‘idi nuena ‘i guinuena; tauna ‘i gwae Ierusalema manuna, ‘I da maa tomota ‘ediega; ta Iuda ‘ina ‘asa manudi, Si da ‘abidi, ta ‘ina esena kakaedi ia da gietooro;

Isaia 49:19

Ta, ‘imu esena kaukaudaisidimo ta ‘imu esenao waborebore ta ‘imu bwa‘a ni‘atu ‘i saoora manudi, ‘ai‘aila ‘u da gilele to mia manudi, ta taudi si toneio si da mia ‘edasora.

Isaia 51:16

Ta ‘igu ona ni‘atu ia sa‘u ‘awamuia, ta nimagu ‘ina iauiaukwa ‘ena ia bodemu, be ‘enega garewa ia da sa‘u ‘ai‘ailidi, ta bare‘u ‘ana ‘autu ia da sa‘udi, ta ia da ona Siona ‘ena, ‘Oio ‘igu tomota.

Isaia 51:3

Ieoba Siona ‘ana guausoara ‘i sa‘u ta ‘enega: ‘ina esena waborebore iauiaudi ‘adi guausoara ‘i sa‘u, ta ‘ina mitawa ‘i bubuna Edena nadigega, ta ‘ina kaukaudaisinamo nadigega Ieoba ‘ina bagura; guausoara ta ‘uiawana si da lobedi ‘enaia, lotuputupu, ta wari ‘ai‘aila ‘enana.

Isaia 54:3

‘U da sasaila ‘ataimuiega ta gegeumiioega ta ‘enega; ta tubumuao ‘ebeloinao si da ‘ewedi, ta ‘asa waborebore tomota ‘edia si da sa‘u.

Isaia 55:6

Ieoba wa da ‘ebesa ‘ena ‘u da loba, wa da bwauiena ‘ena ‘i serabemia:

Isaia 57:13

‘Ena ‘u dedoi, taudi ‘u egogonedi si da ‘etoseemu: ta iagila ‘i da tauiedi, uweuwenunu ‘i da siieiedi iauiaudi: ta tauna ‘eguia i ‘emisa ‘asa ‘i da ‘ewa, ta ‘igu ‘oea tabu ‘i da ‘ewena.

Isaia 58:12

Ta taudi ‘emuiega si da mai ‘esena kakaedi kadekaderidi si da ‘abidi: epatatomota iauna ‘idi ‘autuiao ‘u da gitu‘e; ta si da eesemu, ‘Ebeweara ‘ana togiebobo‘ana limana, ‘Edao ‘adi to‐kakari‐limalimana be ‘ena si da miami.

Isaia 58:5

Gote nadigega ‘edidigura nai ni‘atu ia ‘esinuena? asiata nina be ‘enega tai iaruiaruana ‘i da gie‘elo‘uiena? Tauna nai be debana ‘i da sanamwa‘utena sita ‘atua, ta ‘oama ‘oausa be karikau ‘i da neasi ‘ubuninaia? Gete ‘u da eesena nai ‘aene edidigura, ta asiata bobo‘ana Ieoba ‘enaia?

Isaia 61:2

Be Ieoba ‘ina iakwara nuabobo‘ana ia da guguiaei, ta ‘idi Eaubada ‘ina asiata e‘isa; be iauiaudi si dedoi ia da gieguausoaridi;

Isaia 61:4

Ta esena kakaedi kadekaderidi si da ‘abi, gimi waborebore si da sa‘u etooro, ta ‘asa kakaedi si da bubu limedi, epata tomota iauna ‘idi waborebore.

Isaia 65:9

Ta Iakobo ‘enega tubuna ia da me‘ena, ta Iuda ‘enega ‘igu ‘oeao ‘adi to ‘ewa: ta ‘agu ‘esi‘esinuao si da ‘ewena, ta ‘igu to guinuao ‘edia si da miami.