Isaia 49:10 - Buki Tabu Lowaenei 1919

¹⁰ Gea‘abo si da botana nai tonaadi ‘i da iapasa; nai ara nai sinara ‘i da unudi: tauna i ‘atenua‘ole‘oleiedi ‘i da ‘au‘ewedi ta ‘enega, tuga boasi wewerupwa ‘ediega ‘i da nuganedi.

Isaia 49:10 Iomraidhean Croise

Isaia 14:1

Ieoba ‘i da ‘atenua‘ole‘ole Iakobo ‘enaia ta ‘enega, ta Iseraela ‘i da ‘esinuei, ta ‘idi ‘asa taudi ‘ena ‘i da sa‘udi: ta to‘u‘umara ‘i da mai sabi mia ma‘edi, ta Iakobo ‘ina susu ‘ena si da miaiai.

Isaia 25:4

‘Oio ‘ebepa‘ara gomabeso ‘edia ta ‘enega, ‘ebepa‘ara nanaewa ‘enaia ‘ina ‘atesa‘ara ‘enega, ‘ebedena wediliega, iauiaukwa iaiiaiega, ‘ena to didiga ‘idi apwesama nadigega wedilia ‘arigurewa ‘enaia.

Isaia 32:2

Ta tai ‘e bweu ‘i da na‘ieana ‘ebekwaia iagilega, ta ‘ebedena wediliega; nadigega boasi‐daudauiao esena iapasina ‘enaia, nadigega gurewa sinabwana iauiaukwana ‘asa ‘ebelo‘ame‘ame ‘enaia.

Isaia 33:16

Tauna ‘i da mia ‘etanaia: ‘ina ‘ebedena ‘i da gurewao ‘idi anua pa‘ara: ‘ana masura si da ‘ebwaena; ‘ana boasi ‘i da mia ‘ai‘aila.

Isaia 35:6

Ga to lopegoi ‘i da losuiasuia kerei ‘atua, ta to euwauwa meiana ‘i da wari: mitawaia boasi si da pwaila ta ‘enega, ta boasi daudau kaukaudaisinamo ‘enaia.

Isaia 35:7

Ta kaukau ‘ara‘arasina ‘i da esewasewa, ta bwa‘a iapaiapasina wewerupwao; kedewa‐mitawa ‘idi ‘ebemia, ‘ena si ‘eno, nedu ‘i da miami kigweruru ta sita ma‘enao.

Isaia 4:6

Ta tabenakele ‘i da miami iauiaukwa manuna asiata ‘enega iaiiaiega, ta ‘ebedena manuna ta ‘auboda manuna iagila sinabwanega ta ‘usanega.

Isaia 40:11

‘Ina sipiao ‘i da e‘enidi to‐‘ita‘i‘isi‐sipi ‘atua, ‘ina lamiao ‘i da egogona nimana ‘enaia, ta lumalumana ‘ena ‘i da ‘a‘aridi, ta taudi si giesusu ‘i da ‘au‘ewa manua‘edi.

Isaia 41:17

Gomabeso ta nanaewadi boasi si ‘ebesa ta nigea ‘e bweu ‘i miami, ta meiadi ‘i taba tonaadi ‘i iapasa manuna; ‘Abo‘agu Ieoba ‘edia ia da ona limana, ‘abo‘agu Iseraela ‘ina Eaubada nigea ia da e‘idi‘idiedi.

Isaia 43:19

Wa ‘ita, iage auauna ia da guinua; gete ‘enega ‘i da apwesama: gea‘abo nai wa da mwaratonina? ‘Eda ia da bubu tuga mitawaia, ta boasi‐daudauiao kaukaudaisinamo ‘enaia.

Isaia 48:17

Gete nadigega Ieoba ‘amu to‘ewalimana, Iseraela ‘ina Tabu Tebweuna ‘i gwae: ‘Abo‘agu Ieoba ‘imu Eaubada, tauna ‘i e‘iteio be ‘u loeposeana, tauna i ‘au‘ewemu ‘eda sawesawemuia ‘enega.

Isaia 48:21

Ta tonaadi nigea si iapasa tuta ‘enega i ‘au‘ewedi kaukaudaisidimo ‘edia: boasi ‘i giedau gurewega manudi: gurewa wate ‘i wearina, ta boasi si dau.

Isaia 51:14

To mia apwesa ioniionina ‘i da li‘ami manini: ta gea‘abo ‘i da mwawasa be ‘i mwa‘uta gaulaia, nai ‘ina masura ‘i da gumwara.

Isaia 52:12

Gea‘abo wa da apwesa manini ta ‘enega, nai wa da tauia denega: Ieoba ‘i da tauia nuganemi ta ‘enega; ta Iseraela ‘ina Eaubada ‘i da ‘imi to egogona muria.

Isaia 54:10

‘Oea sinabwadi si da sawara ta ‘enega, ta ‘oea gidaridi si da tauia: ta ‘igu oboboma gea‘abo ‘i da pilisineio, nai ‘igu ona‘upa‘upa guguia ‘i da tauia, Ieoba tauna i ‘atenua‘ole‘oleio ‘i gwae.

Isaia 54:8

Egamwagamwagu maa‘apu‘apu ‘ena maninigu ia kwaiena ‘emuiega tuta tomwanega; ta oboboma mia ‘ataiega ia da ‘atenua‘ole‘oleio, Ieoba ‘amu to ‘ewalimana ‘i gwae.

Isaia 58:11

Ta Ieoba ‘i da nuganeio tuta iauiauna, ta iaruiaruaio ‘i da loemaa esena iapaiapasidi ‘edia, ta lulumuao ‘i da giewaiwai; ta ‘u da nadigega bagura si loepwasa, ta nadigega wewerupwa, tauna ‘ina boasiao nigea si gumwagumwara.

Isaia 65:13

Ta ‘enega gete nadigega ‘Inapwana Eaubada ‘i gwae, Wa ‘ita, ‘igu to‐guinuao si da ‘e‘ai, ta wa da botana: wa ‘ita, ‘igu toguinuao si da numa, ta ‘omi tona‘ami ‘i da iapasa: wa ‘ita, ‘igu to‐guinuao si da guausoara, ta ‘omi wa da omaiamaia:

Iona 4:8

Ta gete ‘i apwesa, ‘ena sinara ‘i tu‘e, ga Eaubada bomatu iaiiai ‘i bubuna; ta sinara Iona debana ‘i lopisarina, ga ‘i tai, ta manuna tauna ‘i sida ‘aene ‘i da mwawasa, ta ‘i gwae, ‘I bobo‘ana ‘eguia ia da mwawasa ta gea‘abo ia da bobo‘ana.