Isaia 47:11 - Buki Tabu Lowaenei 1919

¹¹ Ta ‘enega iage to‘umalina ‘emuia ‘i da mai; ‘ina gimi apwesama nigea ‘u da mwaratoni: ta wasegigi ‘i da be‘u emuia; gea‘abo ‘u da ewaiwai be ‘u da ‘ewaiaulena: ta waborebore ‘i da apwesa maninima ‘emuia, tauna nigea ‘u mwaratonina.

Isaia 47:11 Iomraidhean Croise

Salamo 35:8

Saoora ‘i da mai ma‘ula ‘enaia; Ta gomana ‘i sa‘usa‘u kwaiena tauna tuga ‘i da ionina; Saoora ‘enega ‘i da be‘u ‘enaia.

Salamo 50:22

Gete ‘enega gete ‘u da nuena, ‘omi Eaubada wa nuapupurena, ‘Abona nai ia sabu lelewanemi, ta gea‘abo ‘e bweu ‘i da ‘eto‘etoseemi:

Salamo 55:15

Mwawasa ‘i da mai manini ‘edia, Maiawasidi si da mwa‘uta gaula ‘enaia: Bubuna to‘umalina ‘idi anua ‘ena ‘i miami ta ‘enega, gamwagamwanidia.

Salamo 73:19

Tuta tomwana ‘e bweuna enega ni‘atu si waborebore! Si gumwara ‘ai‘aila ‘ebedidiga ‘ediega.

Isaia 13:6

Wa da dedoi toila; Ieoba ‘ina asiata serabedaia ta ‘enega; na‘ieana saoora To Ewaiwai Sana ‘enega ‘i da mai.

Isaia 29:5

Ta ‘amu tarauwarao ‘adi iau si da kau matagidarina na‘ieana, ta to‐didigao ‘adi iau na‘ieana witibwarana ‘i sawasawara: tamo, ‘i da apwesama manini.

Isaia 30:13

Ta ‘enega bubuna bokobokona gete ‘i da nadigega weara i ‘abe ‘i be‘u ‘emia, ‘i sinasinabwa ‘arigurewa ‘etosora ‘enaia, tauna ‘ina weara ‘i lomaninisanama.

Isaia 37:36

Ta Ieoba ‘ina anelose ‘i apwesawa, ta me Asiria ‘idi ‘ebe‘eno ‘ena ‘i unudi wan anaredi ta eti paibe tausana: ta ni‘atu tai si tooro manini gonagonaia, ga wa ‘ita, iauiaudi kokoa mwawamwawasidi.

Isaia 45:7

Ma‘edana ia bubuna, ta guguioi ia mweruruina; guguia ia bubuna, ta to‘umalina ia mweruruina; ‘Abo‘agu Ieoba, tauna iage iauiauna getedi ‘i guinuedi.

Isaia 47:9

Ta iage e rua getedi si da apwesa ‘emuia tuta mata ‘e bweunega asiata ‘e bweuna ‘enaia, gogama ‘idi mwawasa, ta kwabura: ‘idi maamaanega si da mai ‘emuia, ‘imu barau ‘adi iau, ta ‘imu obaoba ‘adi sinabwa wawasae gamwagamwanidia.

Isaia 48:8

Tamo, nigea ‘u nono; tamo, nigea ‘u mwaratoni; tamo, lowaeneiega tenaio nigea ‘i egegena: ia mwaratoni ta ‘enega ‘u bubu to wasegigi sana, ta si eesemu to‐li‘oaloina gamwa ‘enega.

Isaia 57:1

To paruparu ‘i saoora, ta nigea ‘e bweu ‘atena i ‘uia‘uia; ta tai to nua‘ole‘ole si sawara, ta nigea ‘e bweu ‘i nuanua ‘aene to paruparu to‘umali ‘i memai ‘enega si tauiediwa.