Isaia 46:10 - Buki Tabu Lowaenei 1919

¹⁰ ‘Ebelosaroni ia simana nuganega, ta gimi tutao ‘ediega iage nigea si apwesa gete; ia onaona, ‘Igu nuanua ‘i da tooro, ta ‘igu nuena maibo‘ana ia da guinua:

Isaia 46:10 Iomraidhean Croise

Nugana 3:15

ta ‘oio ta waine wa da etarauwara, wate ‘imu susu ta ‘ina susu: tauna debaio ‘i da bwaruna, ta ‘oio ‘aeedueduna ‘u da bwaruna.

Nugana 49:10

Loina ‘ana‘e toguna gea‘abo Iuda ‘i da pilisinena, Nai loina ‘ana keweliwelili ‘aena mwatuinega, Ga Silo ‘i da mai; Ta ‘ena tomotaiao si da ematamatana.

Salamo 135:6

To‘ase nai Ieoba ‘i nuanuana, tauna ‘i guinuena, Garewaia ta bare‘uia, ora ‘edia ta ni‘u iauiaudi ‘edia.

Salamo 33:11

Ieoba ‘ina nuena ‘i tooro pa‘ara ataia, ‘Atena ‘ina nuanua ga epata tomota iauiauna.

Isaia 10:12

Ta ‘enega gete ‘i da apwesa, ‘ena ‘Inapwana ni‘atu ‘ina guinua maibo‘ana ‘i bubuna ‘oea Siona ‘ena ta Ierusalema ‘ena, ga Asiria ‘ana king ‘ina ‘ate patuna uana ia da ununa, ta ‘ina gagasa ‘ina esaesa.

Isaia 14:24

Bodao ‘idi Ieoba ni‘atu ‘i ona‘upa‘upa, ‘i gwae. Ona ‘ai‘aila nadigega ia nuanua, nadigega ‘i da apwesa; ta nadigega ia nuena, nadigega ‘i da tooro:

Isaia 25:1

Ieoba ie, ‘oio ‘igu Eaubada; ia da sa‘u tu‘eieio, ‘amu esana ia da tupuna; iage to sinabwasidi ‘u guinuedi ta ‘enega, nuanua lowaeneiega, bubuna ‘ai‘aila ta ona ‘ai‘aila ‘ediega.

Isaia 40:8

Nedu i ‘oape‘opaeru, senina ‘i medamedari: ta ‘ida Eaubada ‘ina ona ‘i da tooro ‘ataia.

Isaia 41:21

‘Imi ona ‘arena wa da giapwesenama, Ieoba ‘i gwae; ‘imi ona pa‘ara ‘aredi wa da ‘ewedima, Iakobo ‘ina King ‘i gwae.

Isaia 41:4

Iaita ‘i mwerurua ta ‘i guinuena, epatatomota ‘i bwauiedi nuganega? ‘Abo‘agu Ieoba, nuganigu, ta to muri ma‘ieana, ‘abo‘agu tauna.

Isaia 43:13

Tamo, asiata ‘i gimi apwesa ‘enega ‘Abo‘agu tauna; ta nigea ‘e bweu nimaguiega ‘i da ‘ewa‘ewa; ‘abo‘agu ia da guinua, ta iaita ‘i da ‘etobodena?

Isaia 44:7

Ta iaita, na‘ieana ‘abo‘agu, ‘i da bwau, ta ‘i da simanena, ta ‘i da sa‘u ‘ai‘aila manugu, ‘abo‘agu tomota lowaenei ia ‘aseiedi ‘enega? ta iage ‘i abe si mai, ta taudi si da apwesama, si da simana.

Isaia 45:21

Wa da simana, ta wa da apwesenama; tamo, si da onaona rererea: ‘iaita gete ‘i e‘ita tuta lowaeneiega? Iaita ‘i simana lowaeneiega? nigea nai ‘Abo‘agu Ieoba? ta nigea wate ‘e bweu Eaubada tebweugumo; Eaubada loina ‘ai‘ailina ta to‐‘etoseana: nigea wate ‘e bweu tebweugumo:

Isaia 46:11

Manua bosasa ia bwauiena bomatuiega, ‘igu nuena ‘ina tai ‘asa ‘edasorega; tamo, ni‘atu ia ona, wate ia da gieapwesenama; ni‘atu ia loinena, ta wate ia da bubuna.

Isaia 48:14

Iauiaumi, wa da egogona, ta wa da nono; iaita ‘edia iage getedi ‘i simanedi? Ieoba ‘i obobomena: ‘ina nuena ‘i da bubuna Babulonia ‘enaia, ta nimana me Kaladea ‘edia ‘i da miami.

Isaia 48:3

Gimi iage ni‘atu ia simanedi lowaeneiega: tamo, ‘awaguiega si apwesawa, ta ia e‘itedi: manini ia guinuedi, ta si apwesa.

Isaia 53:10

Ta Ieoba nuana ‘i da ‘aue‘umulina; ‘ana ‘ateuiauia ‘i sa‘ui: ‘ena iaruiaruana ‘u bubuna be i ‘ebwaeadaita loegesi manuna, tubuna ‘i da ‘ita, ‘ana asiatao ‘i da gieduduri, ta Ieoba ‘ina ‘ebeguausoara ‘i da loeposeana nimanaia.

Isaia 55:11

Nadigega ‘igu ona tauna ‘awaguiega ‘i apwesa: gea‘abo ‘i da ‘ila daita ‘eguia, ta iage ia nuanuana ‘i da guinua, ta iage ‘ena ia etunena ‘i da loeposeana ‘enaia.