Isaia 44:6 - Buki Tabu Lowaenei 1919

⁶ Gete nadigega Ieoba ‘i gwae, Iseraela ‘ana King, ta ‘ina to‘ewa‘limana bodao ‘idi Ieoba: ‘Abo‘agu nugana nina, ta muria nina; ta nigea ‘e bweu Eaubada ‘abo ‘abo‘agu nigea.

Isaia 44:6 Iomraidhean Croise

Salamo 86:10

‘Oio sinabwaio ta ‘enega, ta iage ‘ebenuaowana ‘u guinuedi: ‘Oio Eaubada tebweuio.

Isaia 33:22

Ieoba ‘ida to loina ta ‘enega, Ieoba ‘ida to ‘ebwae‐loina, Ieoba ‘ida king; ‘i da ‘etoseeda.

Isaia 37:16

Bodao ‘idi Ieoba ie, Iseraela ‘ina Eaubada, ‘Oio ierubima ‘edia ‘u miatoa, ‘oio bare‘u ‘ina ‘ebeloina iauiauna ‘idi Eaubada, tuga tebweuio; ‘oio garewa ta bare‘u ‘u mweruruidi.

Isaia 37:20

Ta ‘enega, Ieoba ie ‘ima Eaubada, gete ‘enega ‘u da ‘etoseema nimanega, be ‘enega bare‘u ‘ina ‘ebeloina iauiauna si da mwaratoni ‘aene ‘oio Ieoba, tuga tebweumumo.

Isaia 40:18

‘Enega iaita Eaubada wa da ‘awanadigega‘ena? Nai to ma‘ama‘aiau wa da ‘ita‘esi‘esinua ma‘ieana?

Isaia 41:14

Gea‘abo wa matauta, ‘oio didimwana Iakobo, ta ‘omi tai Iseraela; ia da lemeio, Ieoba ‘i gwae, ta ‘imu to‐e‘isa‐limana tauna Iseraela ‘ina Tabu Tebweuna.

Isaia 41:21

‘Imi ona ‘arena wa da giapwesenama, Ieoba ‘i gwae; ‘imi ona pa‘ara ‘aredi wa da ‘ewedima, Iakobo ‘ina King ‘i gwae.

Isaia 41:4

Iaita ‘i mwerurua ta ‘i guinuena, epatatomota ‘i bwauiedi nuganega? ‘Abo‘agu Ieoba, nuganigu, ta to muri ma‘ieana, ‘abo‘agu tauna.

Isaia 42:8

‘Abo‘agu Ieoba; gote ‘agu esana: ta ‘igu esaesa gea‘abo wate ‘e bweu ‘ena ia da ‘ebwaea, nai ‘agu tuputupu tokwarui daiadaiagidi ‘edia.

Isaia 43:1

Ta gete ‘enega Ieoba, tauna ‘i mweruruiio, Iakobo ie, ta tauna ‘i bubuio, Iseraela ie, gete nadigega ‘i gwae: Gea‘abo ‘u matauta, ni‘atu ia ‘ewalimemu ta ‘enega; ni‘atu ia bwauiemu ‘amu esanega, ‘oio ‘igu iage.

Isaia 43:9

‘Ebeloinao iauiaudi si da egogona rererea, ta tomota si da deriegogona: iaita ‘edia ‘i ewaiwai be gete ‘i da simana, ta gimi iageao ‘i da e‘ita ‘edaia? ‘adi to ‘itao si da me‘edi, be ‘enega si da eparuparu; nai si da nono, ta si da gwae, Tauna ona‘ai‘aila.

Isaia 44:24

Ieoba, ‘amu To‘ewalimana, ta tauna gamwega ‘i mweruruimu, gete nadigega ‘i gwae: ‘Abo‘agu Ieoba, tauna iage iauiauna ‘i mweruruidi; tauna tebweuna garewao ‘i lisidi: tauna bare‘u ‘i neasina; iaita ma‘ieagu?

Isaia 44:8

Gea‘abo wa matauta, nai wa da ‘atesa‘ara: nigea nai ia simana ‘emuia lowaeneiega, ta ia e‘ita‘ena? ta ‘omi ‘igu to‐‘itao. Wate ‘e bweu Eaubada ‘i miami ‘agu erua? tamo, nigea ‘e bweu Gurewa Sinabwana; nigea ‘e bweu ia mwaratoni.

Isaia 48:12

Iakobo ie, ‘eguia wa da nono, ta Iseraela ‘agu bwaubwauiao: abo‘agu Tauna: Abo‘agu to‐nugana, ‘abo‘agu wate to‐muria.

Isaia 48:17

Gete nadigega Ieoba ‘amu to‘ewalimana, Iseraela ‘ina Tabu Tebweuna ‘i gwae: ‘Abo‘agu Ieoba ‘imu Eaubada, tauna ‘i e‘iteio be ‘u loeposeana, tauna i ‘au‘ewemu ‘eda sawesawemuia ‘enega.

Isaia 54:5

‘Amu Tomwerurua mwaneio ta ‘enega: bodao ‘idi Ieoba ‘ana esana: ta Iseraela ‘ina Tabu Tebweuna tauna ‘amu to‐‘ewalimana; si da eesena bare‘u maibo‘ana ‘ina Eaubada.

Isaia 59:20

Ta to‐‘ewalima ‘i da mai Siona ‘ena, ta taudi li‘oa‐loinega Iakobo ‘ena si sana‘ilama ‘edia, ‘Ieoba ‘i gwae.

Isaia 63:16

‘Oio tamama tuga ta ‘enega, ‘abo Aberaamo nigea ‘i mwaramwaratonima, ta Iseraela nigea i ‘awanatunema; ‘oio, Ieoba ie, ‘oio tamama; ‘amu esana ‘ama to‘ewalima tuta ‘ataia ‘enega.