Isaia 44:3 - Buki Tabu Lowaenei 1919

³ Tauna tonaana ‘i iapasa boasi ‘ena ia da siwa, ta boasi‐dauiaiowao bwa‘a iadaiada ‘enaia; iaruiaruagu ia da siwa tubumuao ‘edia, ta ‘igu onaoboboma natumuao ‘edia:

Isaia 44:3 Iomraidhean Croise

Salamo 107:35

Mitawadaisinamo ‘i gibunina be ‘i e boasigaula, Ta bwa‘a iadaiadana be ‘i ewewerupwaiao.

Salamo 63:1

Eaubada ie, ‘oio ‘igu Eaubada; ia da ‘ebesa waiwaiieio: Iaruiaruagu tona‘ana ‘i iapasa manuio, esiogu ‘i iarakwaia manuio. ‘Asa iadaiadana ta neneta ‘enaia, ‘ena boasi nigea ‘i miami.

Isaia 27:3

‘Abo‘agu Ieoba ia ‘ita‘i‘isina; tuta tomwana iauna ‘ena ia da giepwasena: nai ‘e bweu ‘i ununa, ia da ‘ita‘i‘isina boiboi be asiata.

Isaia 32:15

Ga tuta nina iaruiarua ‘i da daudau ‘edaia ‘etanega, ta bagura ualoebwaina si da ‘inana ‘aene o‘ai.

Isaia 32:2

Ta tai ‘e bweu ‘i da na‘ieana ‘ebekwaia iagilega, ta ‘ebedena wediliega; nadigega boasi‐daudauiao esena iapasina ‘enaia, nadigega gurewa sinabwana iauiaukwana ‘asa ‘ebelo‘ame‘ame ‘enaia.

Isaia 41:17

Gomabeso ta nanaewadi boasi si ‘ebesa ta nigea ‘e bweu ‘i miami, ta meiadi ‘i taba tonaadi ‘i iapasa manuna; ‘Abo‘agu Ieoba ‘edia ia da ona limana, ‘abo‘agu Iseraela ‘ina Eaubada nigea ia da e‘idi‘idiedi.

Isaia 48:19

Tubumuao wate si da kaukau ‘atua, ta diaio uana nadigega kaukau matanao: ‘ana esana gea‘abo si da ‘upwa iaulei nai ‘i da saoora mataguiega.

Isaia 48:21

Ta tonaadi nigea si iapasa tuta ‘enega i ‘au‘ewedi kaukaudaisidimo ‘edia: boasi ‘i giedau gurewega manudi: gurewa wate ‘i wearina, ta boasi si dau.

Isaia 49:10

Gea‘abo si da botana nai tonaadi ‘i da iapasa; nai ara nai sinara ‘i da unudi: tauna i ‘atenua‘ole‘oleiedi ‘i da ‘au‘ewedi ta ‘enega, tuga boasi wewerupwa ‘ediega ‘i da nuganedi.

Isaia 55:1

Ie, iauiaumi tona‘ami ‘i iapasa, wa da mai boasi ‘edia, ta tauna nigea ‘ina manimo; wa da ma, wa da gimwani, wa da ‘e‘ai; tamo, wa da mai, oine be susu wa da gimwani ta nigea maniega ta nigea e‘isega.

Isaia 59:21

Ta ‘abo‘agu manugu, gete ‘igu ona‘upa‘upa ma‘edi, Ieoba ‘i gwae: iaruiaruagu tauna ‘emuia ‘i miami, ta ‘igu ona taudi ‘awamuia ia sa‘u, gea‘abo ‘awamuiega si da tauiawa, nai tubumuao ‘awadiega, nai tubumuao tubudiao ‘awadiega, Ieoba ‘i gwae, gete ‘enega ta tuta ‘ataia.

Isaia 61:9

Ta tubudi si da mwaratoni ‘ebeloinao gamwagamwanidia, ta natudi tomota gamwagamwanidia: iauiaudi si ‘itedi si da ‘inanedi, ‘aene taudi tubudi taudi Ieoba ‘i onaobobomedi.

Isaia 65:23

Gea‘abo si da guinua besobeso, nai si da me‘ena ‘ebedidiga manuna; taudi Ieoba ‘ana oboobobomao tubudi ta ‘enega, ta natudiao ma‘ediao.