Isaia 44:18 - Buki Tabu Lowaenei 1919

¹⁸ Nigea si mwaratoni, nai si nuanua: tauna matadiao ‘i gibodedi ta ‘enega, be ‘enega gea‘abo si ‘ita; ta ‘atediao, be ‘enega gea‘abo si sinapu.

Isaia 44:18 Iomraidhean Croise

Salamo 81:12

Ta ‘enega ia tagwaredi ‘atedi ‘idi pa‘arina ‘enaia, Be ‘enega taudi ‘idi nuanua ‘edia si da tautauia.

Salamo 92:6

Tai ‘ina bubuna iobai ‘atua nigea ‘i mwaramwaratoni; Wate to euwauwa iage gete nigea ‘i sinapuna:

Isaia 1:3

Bulomakau ‘ana toosi ‘i mwaramwaratoni, ta ase ‘ina ‘inapwana ‘ina iobai ‘adi ‘ebe‘e‘ai: ta Iseraela nigea si mwaramwaratoni, ‘igu tomota nigea si nuanua.

Isaia 26:11

Ieoba, nimaio ‘i tooro, ta nigea si ‘ita‘ita: ta ‘imu waiwai tomota manudi si da ‘itena, ta si da omaiamaia; tamo, awesabelulu ‘amu tarauwarao ‘i da ‘enidi.

Isaia 27:11

Ni‘atu narinao si ‘oaperu, ga si da elasa iaulei; ‘ena si da mai ta si da loe‘abia: taudi tomota nigea ‘e bweu ‘idi mwaratoni ta ‘enega; ta ‘enega tauna ‘i mweruruidi gea‘abo ‘i da ‘atenua‘ole‘oleiedi, ta tauna ‘i bubudi gea‘abo ‘i da obobomedi.

Isaia 29:10

Ieoba ‘enomwataia ‘arena ni‘atu ‘i siwa ‘emia ta ‘enega, ta matami ‘i gibodedi, taudi paropitao; ta debami, taumi to‐‘itao, ni‘atu ‘i bwasedi.

Isaia 44:19

Ta nigea ‘e bweu ‘i enua‘i‘isi, nai mwaratoni nai sinapu ‘i miami be si gwae, Ni‘atu ‘e bweu sena ia gabuna ‘awe ‘enaia; tamo, wate palaua ia gabu kebwanigisinao ‘edia; esio ia gabu ta ia ‘enina: ta tupwana ia da giegadiluluiei? Kaiwe ‘arena ‘ena ia da be‘u mwa‘uta nai?

Isaia 44:20

Karikau ‘enega i ‘e‘ai: ‘ate kabokaboena ‘i gibuni dumedumena, be ‘enega iaruiaruana gea‘abo ‘i da ‘etoseena, nai ‘i gwae, Nigea nai kabo ‘ataigu ‘enaia?

Isaia 44:9

Taudi tokwarui daiagi si bubuna iauiaudi iage besobeso; ta ‘idi iage bobo‘ai‘ailidi gea‘abo si da loeposeana: ta taudi ‘idi to‘itao nigea si ‘ita, nai si mwaratoni; be ‘enega si da omaiamaia.

Isaia 45:20

Wa da egogonemi ta wa da mai; wa da egogona serabenaia, ‘omi ‘ebeloinao ‘idi to denadena: taudi ‘idi tokwarui daiagi ‘ina kaiwe si ‘a‘ara nigea ‘e bweu ‘idi ‘ebesinapu, ta si sida eaubada nigea kapekapeana ‘i da ‘etoseedi ‘enaia.

Isaia 56:11

Tamo, kedewa si dawowo, nigea kapekapeana gamwadi ‘i da pawa; ta getedi to‘ita‘i‘isi sipi nigea si da sinapu: si sana‘ila iauiaudi taudi ‘idi ‘eda ‘enaia, ‘e bweuna ‘e bweuna ‘ina loeposeana ‘enaia, esena iauna ‘enega.