Isaia 44:12 - Buki Tabu Lowaenei 1919

¹² Tobubukainumu ‘ila ‘i bubuna, ta kebwanigita ‘edia ‘i guinua, ta ‘i iagena loperao ‘ediega, ta ‘i guinuena nimana waiwaiega; tamo, ‘i botana, ta ‘ina waiwai ‘i sawara: boasi nigea ‘i numa, ga oona ‘i taba.

Isaia 44:12 Iomraidhean Croise

Si Apwesa 32:4

Ta nimadiega i ‘ewena, ta ‘ebedaiagiega ‘i iagena, ta ‘i bubuna bulomakau menonoiana dogadogana: ta si gwae, Iseraela ie, getedi si da ‘imi eaubadao, taudi ‘asa Aigupitoega si ‘au‘ewemi.

Si Apwesa 32:8

Ni‘atu ‘eda ia ona ‘edia ‘enega si tauia dumaduma manini: ni‘atu bulomakau menonoiana dogadogana si bubuna, ta ni‘atu ‘ena si bwagobwago, ta ‘ena si taritaria, ta si gwae, Getedi si da e ‘imu eaubadao, Iseraela ie, taudi si ‘au‘ewatu‘eiemi ‘asa Aigupitoega.

Isaia 40:19

Tokwarui daiadaiagina, to guinua i ‘e‘urenina, ta tobubugola ‘i pomena golega, ta ‘aupa sileba ‘i bubudi manuna.

Isaia 40:20

Tauna ‘i gomabeso wawasae ‘ebwaeadaita nadigega manuna kaiwe nigea ‘i da bila i ‘esinuena; tauna ‘ena i ‘ebesa to guinua panapana‘isina be tokwarui daiadaiagina ‘i gietooro, tauna gea‘abo ‘i da loniu.