Isaia 43:5 - Buki Tabu Lowaenei 1919

⁵ Gea‘abo ‘u matauta; ‘abo‘agu ma‘ieaio ta ‘enega: tubumuao ia da me‘edi bomatuiega, ta ia da egogoneio ‘ebwagega;

Isaia 43:5 Iomraidhean Croise

Salamo 106:47

Ieoba ‘ima Eaubada, ‘u da ‘etoseema, Ta ‘ebeloinao gamwagamwanidiega ‘u da egogonema, Be ‘a da lokagutoki ‘amu esana tabu ‘enaia, Be ‘a da ona waiwai ‘amu tuputupu enega.

Salamo 107:3

Ta ‘i egogonedi ‘asa ‘ediega, Bomatuiega ta ‘ebwagega, Iaaratega ta iarasiega.

Isaia 41:10

Gea‘abo ‘u matauta, ‘abo‘agu ma‘ieaio ta ‘enega; gea‘abo u ‘atesa‘ara, ‘Abo‘agu ‘imu Eaubada ta ‘enega: ‘imu pa‘ara ia da sa‘u; tamo, ia da lemeio; tamo, ia da gi‘eteio ‘igu bubuna paruparu nina ‘atainega.

Isaia 41:14

Gea‘abo wa matauta, ‘oio didimwana Iakobo, ta ‘omi tai Iseraela; ia da lemeio, Ieoba ‘i gwae, ta ‘imu to‐e‘isa‐limana tauna Iseraela ‘ina Tabu Tebweuna.

Isaia 41:8

Ta ‘oio, Iseraela, ‘igu ‘ari‘ei, Iakobo tauna ia ‘esinuena, Aberaamo gosiagu tubuna;

Isaia 41:9

‘Oio ia giiaimu bare‘u ‘ana ‘ebelosaroniao ‘ediega, ta ia bwauiemu tupitupinao ‘ediega, ta ia eonaio, ‘Oio ‘igu ari‘ei, ia ‘esinuemu ta nigea ia ‘ula iaulemu;

Isaia 43:1

Ta gete ‘enega Ieoba, tauna ‘i mweruruiio, Iakobo ie, ta tauna ‘i bubuio, Iseraela ie, gete nadigega ‘i gwae: Gea‘abo ‘u matauta, ni‘atu ia ‘ewalimemu ta ‘enega; ni‘atu ia bwauiemu ‘amu esanega, ‘oio ‘igu iage.

Isaia 43:2

‘Ena boasi u da rubwaredi, ‘Abo‘agu ma‘ieaio; ta boasidaudau ‘u rubwaredi, gea‘abo si da siwabodeio: ‘ena ‘awe ‘u tauia bwarena, gea‘abo ‘i da ‘ara‘arasiio; nai ‘awe meiana ‘i da sabelulu ‘emuia.

Isaia 44:2

Gete nadigega Ieoba ‘i gwae tauna ‘i mweruruiio, ta ‘i bubuio gamwa ‘enega, tauna ‘i da lemeio: Gea‘abo ‘u matauta, Iakobo ie ‘igu toguinua: ta ‘oio, Iesuruna, tauna ia ‘esinuena.

Isaia 49:12

Wa ‘ita, getedi ‘edasorega si da mai: ta, wa ‘ita, getedi iaaratega ta ‘ebwagega; ta getedi ‘asa Sinima ‘enega.

Isaia 49:18

Wa da dunedune tu‘e dadana, ta wa da ‘ita: iauiaudi getedi si egogona rererea, ta si mai ‘emuia. Maiawasigu, Ieoba ‘i gwae, ‘u da e‘ote‘ai‘ailiio iauiaudi ‘ediega na‘ieana ‘ebeiarega, ta ‘u da logadiwaniio ‘ediega, nadigega to ai mewainena.

Isaia 54:3

‘U da sasaila ‘ataimuiega ta gegeumiioega ta ‘enega; ta tubumuao ‘ebeloinao si da ‘ewedi, ta ‘asa waborebore tomota ‘edia si da sa‘u.

Isaia 54:7

Tuta tomwana gidarina ia e‘idi‘idiemu ta ‘enega; ta nua‘ole‘ole sinabwadi ‘ediega ia da egogoneio.

Isaia 61:9

Ta tubudi si da mwaratoni ‘ebeloinao gamwagamwanidia, ta natudi tomota gamwagamwanidia: iauiaudi si ‘itedi si da ‘inanedi, ‘aene taudi tubudi taudi Ieoba ‘i onaobobomedi.

Isaia 8:10

Wa da eonaona rererea, ta nigea ‘e bweu iage; ona wa oneone, ta gea‘abo ‘i da tooro: Eaubada ma‘eda ta ‘enega.