Isaia 43:2 - Buki Tabu Lowaenei 1919

² ‘Ena boasi u da rubwaredi, ‘Abo‘agu ma‘ieaio; ta boasidaudau ‘u rubwaredi, gea‘abo si da siwabodeio: ‘ena ‘awe ‘u tauia bwarena, gea‘abo ‘i da ‘ara‘arasiio; nai ‘awe meiana ‘i da sabelulu ‘emuia.

Isaia 43:2 Iomraidhean Croise

Salamo 23:4

Tamo, ‘abo mwawasa iauiaukwina ‘ina sa‘ara ia rubwarena, Gea‘abo ‘e bweu to‘umalina ia da matamataute; ‘oio ma‘ieagu ta ‘enega: ‘Imu guna ta ‘imu keweliwelili, taudi si gieguausoarigu.

Salamo 32:6

Gete manuna ‘e bweuna ‘e bweuna ‘i tapwaroro ‘emuia ‘i da sidasida tuta ‘enega si da lobaio: ‘Ai‘aila ‘ena boasi sinabwadi si maa‘apu‘apu gea‘abo ‘ena si da tu‘etu‘e.

Salamo 66:10

Eaubada ie, ‘oio ‘u tooma ta ‘enega; Ni‘atu ‘u tooma, ‘atua sileba si toona.

Salamo 66:12

Ni‘atu ‘u loina be tai debamaia si da pili; ‘Awe sabelulu be boasi ‘a rubwaredi; Ta esena ualoebwaina ‘ena ‘u me‘ema.

Salamo 91:15

‘Eguia ‘i da bwau, ta ‘ena ia da ona limana; ‘Ena ‘i elo‘uia ‘abo‘agu ma‘ieana: Ia da ‘etoseena, ta ‘ana amaiabe ia da sa‘u.

Si Apwesa 14:29

Ta Iseraela tubunao bwa‘a iadaiadana ‘ena si tautauia ora gamwagamwanega; ta ora ‘i pita rueruedi ‘ataidiega, ta gegeumidiega.

Si Apwesa 3:12

Ta ‘i gwae, Abo‘agu ai‘aila ma‘ieaio; ta gete we‘iwe‘iiaia ‘emuia, ‘aene ni‘atu ia ‘etunemu: ni‘atu tomota u ‘au‘ewedima Aigupitoega, ‘oea gete ‘ena Eaubada ‘ena wa da guinua.

Isaia 29:6

Bodao ‘idi Ieoba ‘ena ‘i da apwesa wepararega, ta mwani‘ini‘iega, ta ‘enana sinabwanega, bwawabwawa ta wedilia ‘ediega, ta awe ‘eni‘enina meianega.

Isaia 30:27

Wa ‘ita, Ieoba ‘ana esana ‘edasorega ‘i mai, i ‘ara‘arata ‘ina gamwasoarega, ta ‘asu badona ‘i tu‘e ‘enega: sopana si maa ‘ina egamwagamwaguiega, ta meiana ‘atua awe ‘ara‘arata:

Isaia 41:10

Gea‘abo ‘u matauta, ‘abo‘agu ma‘ieaio ta ‘enega; gea‘abo u ‘atesa‘ara, ‘Abo‘agu ‘imu Eaubada ta ‘enega: ‘imu pa‘ara ia da sa‘u; tamo, ia da lemeio; tamo, ia da gi‘eteio ‘igu bubuna paruparu nina ‘atainega.

Isaia 41:14

Gea‘abo wa matauta, ‘oio didimwana Iakobo, ta ‘omi tai Iseraela; ia da lemeio, Ieoba ‘i gwae, ta ‘imu to‐e‘isa‐limana tauna Iseraela ‘ina Tabu Tebweuna.

Isaia 43:5

Gea‘abo ‘u matauta; ‘abo‘agu ma‘ieaio ta ‘enega: tubumuao ia da me‘edi bomatuiega, ta ia da egogoneio ‘ebwagega;