Isaia 43:16 - Buki Tabu Lowaenei 1919

¹⁶ Gete nadigega Ieoba ‘i gwae, tauna ‘eda ‘i bubuna oraia, ta ‘eda gilelena boasi waiwai ‘edia;

Isaia 43:16 Iomraidhean Croise

Salamo 106:9

Ora Bweabwearina wate ‘i ba‘ena, ta ‘i loiadaiada: Nadigega ni‘uiega i ‘au‘ewedi, ‘atua mitawega.

Salamo 77:19

‘Imu ‘eda oraia ‘i miami, Ta ‘imu ‘edao boasi sinabwadi ‘edia, Ta ‘imu sa‘ulaga nigea si mwaratonidi.

Salamo 77:20

‘Imu tomota u ‘au‘ewedi iau ‘atua, Mose ta Aarona nimadiega.

Salamo 78:13

Ora i ‘upwa‐ruena, ta ‘i loinedi ga si rubwarena; Ta ora nidi ‘i gietoorodi sa‘uepopo ‘atua.

Si Apwesa 14:16

Ta ‘imu keweliwelili ‘u da gilagasi, ta nimaio ‘u da iasitotona ora debanaia, ta ‘u da ‘auweara ruena: ta Iseraela tubunao si da tauia ora gamwagamwanega bwa‘a iadaiadana ‘enega.

Si Apwesa 14:29

Ta Iseraela tubunao bwa‘a iadaiadana ‘ena si tautauia ora gamwagamwanega; ta ora ‘i pita rueruedi ‘ataidiega, ta gegeumidiega.

Isaia 43:2

‘Ena boasi u da rubwaredi, ‘Abo‘agu ma‘ieaio; ta boasidaudau ‘u rubwaredi, gea‘abo si da siwabodeio: ‘ena ‘awe ‘u tauia bwarena, gea‘abo ‘i da ‘ara‘arasiio; nai ‘awe meiana ‘i da sabelulu ‘emuia.

Isaia 44:27

Tauna ni‘u ‘ena ‘i ona, ‘U da iapasa, ta ‘imu boasi‘awa ia da gieiapasedi;

Isaia 50:2

Toase manuna, ‘ena ia mai, nigea ‘e bweu tai ‘i miami? Ena ia bwau, nigea ‘e bweu ‘i da onalimana nai? Nimagu ‘i kukupa nai, be ‘enega gea‘abo ‘i da ‘ewalima? Nai nigea ma‘igu waiwai be ia ‘etosee? Wa ‘ita, ‘igu ba‘eiega ora ia gieiapasina, boasi‘awa ia bubudi be si emitawa: ‘idi iana si mwa‘ulu, nigea ‘idi boasi ta ‘enega, ta si mwawasa tona‘adi ‘i iapasa manuna.

Isaia 51:10

Nigea ‘oio nai tauna ora ‘i gieiapasa, ni‘u sinabwana ‘ina ora; tauna ora ‘ina ni‘u ‘i bubuna be ‘eda ‘enega li‘ali‘amidi si taona?

Isaia 51:15

‘Abo‘agu Ieoba ‘imu Eaubada ta ‘enega, tauna ora ‘i ilia, be ‘enega lisuna si dududu: ‘Ana esana bodao ‘idi Ieoba.