Isaia 43:15 - Buki Tabu Lowaenei 1919

¹⁵ ‘Abo‘agu Ieoba, ‘imi Tabu Tebweuna, Iseraela ‘ana To Mwerurua ‘imi King.

Isaia 43:15 Iomraidhean Croise

Salamo 149:2

Iseraela ‘i da guausoara tauna ‘i mweruruina ‘enaia: Siona natunao si da guausoara ‘idi King ‘enega.

Salamo 74:12

Ta Eaubada ‘igu King lowaeneiega, ‘Etoseana ‘i guiguinue bare‘u gamwanaia.

Isaia 30:11

‘Edega wa da tauiawa, ‘edega wa da tauia dumaduma, Iseraela ‘ina Tabu Tebweuna ‘ana ‘oata‘oata ‘wa da sa‘ui.

Isaia 31:1

Oioi ‘edia si mwa‘uta Aigupito ‘ena leme manuna, ta ose ‘edia si tugadara; ta saliote ‘edia si ‘emisa, iauiaudi ta ‘enega, ta togeru ose ‘edia, to waiwai sadi ta ‘enega; ta nigea Iseraela ‘ina Tabu Tebweuna ‘ena si ‘ita, nai Ieoba si ‘ebesa!

Isaia 33:22

Ieoba ‘ida to loina ta ‘enega, Ieoba ‘ida to ‘ebwae‐loina, Ieoba ‘ida king; ‘i da ‘etoseeda.

Isaia 40:25

‘Enega iaita ‘ena wa da ‘awanadigega‘egu, be ia da erererea ma‘ieana? To Tabu Tebweuna ‘i gwae.

Isaia 41:14

Gea‘abo wa matauta, ‘oio didimwana Iakobo, ta ‘omi tai Iseraela; ia da lemeio, Ieoba ‘i gwae, ta ‘imu to‐e‘isa‐limana tauna Iseraela ‘ina Tabu Tebweuna.

Isaia 41:16

‘U da louweuwenunudi, ta iagila ‘i da ‘ewa iauledi, ta bwawabwawa ‘i da lelewanedi: ta ‘u da guausoara Ieoba ‘ena, ‘u da lotuputupu Iseraela ‘ina Tabu Tebweuna ‘enaia.

Isaia 41:20

Be ‘enega si da ‘ita, ta si da mwaratoni, ta si da nuanua, ta si da sinapuna rererea, ‘aene Ieoba nimana iage gete ‘i guinua, ta Iseraela ‘ina Tabu Tebweuna ‘i mweruruina.

Isaia 41:21

‘Imi ona ‘arena wa da giapwesenama, Ieoba ‘i gwae; ‘imi ona pa‘ara ‘aredi wa da ‘ewedima, Iakobo ‘ina King ‘i gwae.

Isaia 43:1

Ta gete ‘enega Ieoba, tauna ‘i mweruruiio, Iakobo ie, ta tauna ‘i bubuio, Iseraela ie, gete nadigega ‘i gwae: Gea‘abo ‘u matauta, ni‘atu ia ‘ewalimemu ta ‘enega; ni‘atu ia bwauiemu ‘amu esanega, ‘oio ‘igu iage.

Isaia 43:21

Tomota nidi ia bubudi manugu taugu, be ‘enega ‘agu tuputupu si da gieapwese.

Isaia 43:3

‘Abo‘agu Ieoba ‘imu Eaubada, Iseraela ‘ina Tabu Tebweuna, ‘amu to‐‘eto‐seana; Aigupito ia ‘ebwaea ‘amu e‘isa, Aitiope ta Seba manuio.

Isaia 43:7

‘E bweuna ‘e bweuna si bwauiedi ‘agu esanega, ta tauna ia mweruruina ‘igu esaesa manuna; ni‘atu ia bubuna; tamo, ia mweruruina.

Isaia 44:6

Gete nadigega Ieoba ‘i gwae, Iseraela ‘ana King, ta ‘ina to‘ewa‘limana bodao ‘idi Ieoba: ‘Abo‘agu nugana nina, ta muria nina; ta nigea ‘e bweu Eaubada ‘abo ‘abo‘agu nigea.

Isaia 45:11

Gete nadigega Ieoba ‘i gwae, Iseraela ‘ina Tabu Tebweuna, ta ‘ana Tomwerurua: Iage si da mai manudi wa da eonegu; natuguao me‘olotodi manudi, ta nimaguao ‘idi guinua manuna, ‘eguia wa da loina.

Isaia 47:4

‘Ida to‐‘ewalimana, bodao ‘idi Ieoba ‘ana esana, Iseraela ‘ina Tabu Tebweuna.

Isaia 48:17

Gete nadigega Ieoba ‘amu to‘ewalimana, Iseraela ‘ina Tabu Tebweuna ‘i gwae: ‘Abo‘agu Ieoba ‘imu Eaubada, tauna ‘i e‘iteio be ‘u loeposeana, tauna i ‘au‘ewemu ‘eda sawesawemuia ‘enega.