Isaia 42:7 - Buki Tabu Lowaenei 1919

⁷ Be mata kebokebodi ‘i da gigege, ioniionidi ‘i da me‘edi gogorega, ta taudi si miatoa guguioi ‘ena anua ‘ebeionega.

Isaia 42:7 Iomraidhean Croise

Salamo 97:7

Iauiaudi tokwarui daiadaiagina ‘ena si guiguinua si da omaiamaia, Taudi si ona gagasa taudimo goamamea manudi; ‘Ena wa da bwagobwago, ‘omi eaubadao iauiaumi.

Isaia 29:18

Ta asiata gote ‘enega to tenatui buki ‘ina ona si da nonodi, ta to mata kebo matadi si da ‘ita umeumega ta guguioiega.

Isaia 35:5

Ga to matakebokebo matadi si da ebari, ta to tenatui tenadi ‘ana ‘auboda si da ‘ewai.

Isaia 42:16

Ta matakebokebodi ia da me‘edi ‘eda nigea si mwaratoni ‘enega; ‘edao nigea si mwaratoni ‘edia ia da ‘au‘ewedi: guguioi ia da bubuna be ‘i ma‘edana matadia, ta esena bokobokodi be si paruparu. Iage getedi ia da guinua, ta gea‘abo ia da e‘idi‘idiedi.

Isaia 42:22

Ta gete tomota ‘ipwa‘ipwaridi ta ‘oae‘oaedi; iauiaudi si sikwedi gaula ‘edia, ta si miakwaia ‘anua ‘ebeiona ‘edia; taudi ‘ebe‘oae manuna, ta nigea ‘e bweu i ‘etoseedi; taudi ‘ebe‘ewa manuna, ta nigea ‘e bweu ‘i ona, ‘Ebwaea limana.

Isaia 49:9

Be ioniionidi ‘edia ‘u da gwae, Wa da apwesawa; tomia guguioi ‘edia, Wa da e‘ita‘emi. Si da ‘e‘ai ‘eda ‘ediega, ta ‘oea bwa‘adaisidimo iauiauna ‘adi ‘e‘ai ‘edia ‘i da miami.

Isaia 61:1

‘Inapwana Eaubada iaruiaruana ‘eguia; Ieoba ‘i eoroigu ta ‘enega be tetera bobo‘ana ia da guguiaei gomabeso ‘edia: i ‘etunegu be ‘ate‘e‘episaridi ia da paimidi, ‘etoli‘ama ia da guguiaei ioniionidi ‘edia, ta anua‘ebeiona ‘ana gigege taudi si losipwedi ‘edia;

Isaia 9:2

Tomota guguioi ‘ena si lopilidadana ni‘atu ma‘edana sinabwana si ‘itena: taudi mwawasa ‘ana iauiaukwa ‘ina ‘asa ‘ena si miami, ma‘edana ‘edia ‘i sae.