Isaia 42:6 - Buki Tabu Lowaenei 1919

⁶ ‘Abo‘agu Ieoba ni‘atu ia bwauiemu bubuna paruparuiega, ta nimaio ia da giiai, ta ia da ‘ita‘i‘isio, ta ia da ‘ebwaea‘eio tomota ‘idi ona‘upa‘upa manuna, ‘Asa‐apwesa ‘idi ma‘edana manuna;

Isaia 42:6 Iomraidhean Croise

Isaia 26:3

Tauna ‘ina nuena ‘emuia i ‘emisa, tauna ‘u da ‘ita‘i‘isina guguia ‘ai‘aila ‘enega: i ‘emiseio ta ‘enega.

Isaia 27:3

‘Abo‘agu Ieoba ia ‘ita‘i‘isina; tuta tomwana iauna ‘ena ia da giepwasena: nai ‘e bweu ‘i ununa, ia da ‘ita‘i‘isina boiboi be asiata.

Isaia 32:1

Wa ‘ita, king ‘e bweu ‘i da loina bubuna paruparuiega, ta ‘inapwanao si da loina etaraeiega.

Isaia 41:13

‘Abo‘agu Ieoba ‘imu Eaubada ‘ataio ia da giiai ta ‘enega, ia da gwae ‘emuia, Gea‘abo ‘u matauta; ia da lemeio.

Isaia 41:2

Iaita ‘e bweuna ‘i gietooro bomatuiega, tauna ‘i bwau bubuna paruparuiega ‘aenaia? ‘ebeloinao i ‘ebwaea matanaia, ta loina kiniao debadia ‘i sa‘u ‘enaia; i ‘ebwaedi kau ‘atua ‘ina sisi‐saia ‘ena, ‘atua sumwana losiesie ‘ana tupu ‘enaia.

Isaia 42:1

‘Igu ‘ari‘e wa da ‘ita, tauna a gi‘ete; ‘agu ‘esi‘esinua, tauna ‘ena iaruiaruagu ‘i guausoara: iaruiaruagu ia sa‘u ‘enaia; etara ‘i da me‘ena ‘Asa‐apwesa ‘edia.

Isaia 43:1

Ta gete ‘enega Ieoba, tauna ‘i mweruruiio, Iakobo ie, ta tauna ‘i bubuio, Iseraela ie, gete nadigega ‘i gwae: Gea‘abo ‘u matauta, ni‘atu ia ‘ewalimemu ta ‘enega; ni‘atu ia bwauiemu ‘amu esanega, ‘oio ‘igu iage.

Isaia 45:1

Gete nadigega Ieoba ‘i gwae ‘ina orooroina ‘enaia, Koresa ‘ena, tauna ‘ataina ia giiaina, sabi didiga ‘ebeloinao matanaia, ta kiniao tolobwadi ia da li‘amidi; sabi gigege ‘awa matanaia, ta ‘eberugu gea‘abo si da gibodedi;

Isaia 45:13

Ia gietoorona bubuna paruparuiega, ta ‘ina ‘eda iauiauna ia da gieparuparu: ‘igu ‘asa ‘i da ‘abina, ta ‘igu tomia to‘u‘umara ‘i da li‘amidi, nigea e‘isa nai tamapu manuna, bodao ‘idi Ieoba ‘i gwae.

Isaia 49:6

Tamo, ‘i gwae, Iage kapekapeana wawasae ‘aene ‘oio ‘igu toguinua be Iakobo ‘ina susuiao ‘u gietooro‘edi, ta Iseraela ‘ina tomia egagara ‘u da sa‘u limedi: wate ia da ‘ebwaea‘eio ‘Asa apwesa ‘idi ma‘edana manuna, be ‘oio ‘igu ‘etoseana ga bare‘u ‘ina ‘ebelosaroni.

Isaia 49:8

Gete nadigega Ieoba ‘i gwae, Tuta bobo‘ana ‘enega ni‘atu ia onalimana ‘emuia, ta ‘etoseana ‘ana asiata ‘enega ni‘atu ia lememu: ta ia da egagareio, ta ia da ‘ebwaea‘eio tomota ‘idi ona‘upa‘upa manuna, be bare‘u ‘u da sa‘u ‘ai‘aili, be ‘u da loinedi be ‘egu‘eguia waboreboreao si da ‘ewa: