Isaia 42:1 - Buki Tabu Lowaenei 1919

¹ ‘Igu ‘ari‘e wa da ‘ita, tauna a gi‘ete; ‘agu ‘esi‘esinua, tauna ‘ena iaruiaruagu ‘i guausoara: iaruiaruagu ia sa‘u ‘enaia; etara ‘i da me‘ena ‘Asa‐apwesa ‘edia.

Isaia 42:1 Iomraidhean Croise

Nugana 49:10

Loina ‘ana‘e toguna gea‘abo Iuda ‘i da pilisinena, Nai loina ‘ana keweliwelili ‘aena mwatuinega, Ga Silo ‘i da mai; Ta ‘ena tomotaiao si da ematamatana.

Salamo 72:4

Tomota ‘idi gomabeso ‘i da loinei, Ta nanaewadi natudiao ‘i da ‘etoseedi, Ta to didiga ‘i da lelewanena.

Salamo 89:4

Tubumuao ia da giepa‘ara ‘ataedi, Ta ‘imu ‘ebemi esaesa ia da ‘abi tu‘eie ga epata tomota iauiauna ‘edia. (Sela.)

Isaia 2:4

Ta ‘i da etara ‘ebeloinao gamwagamwanidia, ta tomota iauiauna ‘i da ba‘edi: ta ‘idi sisi‐saiao si da ‘elotutudi be si da e‘ebegesoalisilisi matana, ta ‘idi gita be si e‘ebe‘upwawiti: ‘asa gea‘abo sisi‐saia ‘i da gilagasi ‘asa ‘enaia, ta gea‘abo wate losaia si da panapana‘ite.

Isaia 32:16

Ga loina mitawaia ‘i da ‘mia baula, ta bubuna paruparu bagura ualoebwaina ‘ena ‘i da miami.

Isaia 41:8

Ta ‘oio, Iseraela, ‘igu ‘ari‘ei, Iakobo tauna ia ‘esinuena, Aberaamo gosiagu tubuna;

Isaia 41:9

‘Oio ia giiaimu bare‘u ‘ana ‘ebelosaroniao ‘ediega, ta ia bwauiemu tupitupinao ‘ediega, ta ia eonaio, ‘Oio ‘igu ari‘ei, ia ‘esinuemu ta nigea ia ‘ula iaulemu;

Isaia 42:2

Gea‘abo ‘i da bwau, nai ‘i da gilagata, nai ‘enana ‘i da bubu be si da nonona ‘edaia.

Isaia 43:10

‘Omi ‘igu to‐‘itao, Ieoba ‘i gwae, ta ‘igu to‐guinua tauna ia ‘esinua; be ‘enega wa da mwaratonigu ta wa da iaregu, ta wa da sinapuna ‘aene ‘Abo‘agu Tauna; nuganiguia nigea ‘e bweu Eaubada mwerumweruruina, ta gea‘abo ‘e bweu muriguia.

Isaia 50:10

Iaita ‘emia Ieoba ‘i matautena, ‘ina to‐guinua ‘enana ‘ena ‘i ematamatana? tauna ‘i lopilidadana guguioi ‘ena, ta nigea ‘ina ma‘edananamo, tauna Ieoba ‘ana esana ‘ena ‘i da ‘emisa, ta ‘ina Eaubada ‘ena ‘i da tugadara.

Isaia 52:13

Wa ‘ita, ‘igu toguinua ‘i da bubu ‘ai‘aila, ‘i da lo‘etana ta ‘i da miatu‘e, ta ‘i da to lo‘etana sana.

Isaia 53:11

Iaruiaruana ‘ina edadama ‘i da ‘ita, ta sawesawenaia: ‘ina sinasinapuiega ‘igu toguinua paruparu iauiaudi ‘i da ‘awaparuparuiedi: ta ‘idi bubuna bokobokodi ‘i da ‘a‘ara.

Isaia 59:21

Ta ‘abo‘agu manugu, gete ‘igu ona‘upa‘upa ma‘edi, Ieoba ‘i gwae: iaruiaruagu tauna ‘emuia ‘i miami, ta ‘igu ona taudi ‘awamuia ia sa‘u, gea‘abo ‘awamuiega si da tauiawa, nai tubumuao ‘awadiega, nai tubumuao tubudiao ‘awadiega, Ieoba ‘i gwae, gete ‘enega ta tuta ‘ataia.

Isaia 61:1

‘Inapwana Eaubada iaruiaruana ‘eguia; Ieoba ‘i eoroigu ta ‘enega be tetera bobo‘ana ia da guguiaei gomabeso ‘edia: i ‘etunegu be ‘ate‘e‘episaridi ia da paimidi, ‘etoli‘ama ia da guguiaei ioniionidi ‘edia, ta anua‘ebeiona ‘ana gigege taudi si losipwedi ‘edia;

Isaia 63:1

Iaita gete Edomega ‘i mai, ‘ana ‘oama bweabwearidi Bosira ‘enega? tauna gete ‘ana ‘oamega ‘i esaesa, ‘i tautauia ‘ina waiwai ‘ana sinabwa ‘enega? ‘Abo‘agu ia onaona bubuna paruparuiega, waiwai sabi ‘etoseana.