Isaia 41:10 - Buki Tabu Lowaenei 1919

¹⁰ Gea‘abo ‘u matauta, ‘abo‘agu ma‘ieaio ta ‘enega; gea‘abo u ‘atesa‘ara, ‘Abo‘agu ‘imu Eaubada ta ‘enega: ‘imu pa‘ara ia da sa‘u; tamo, ia da lemeio; tamo, ia da gi‘eteio ‘igu bubuna paruparu nina ‘atainega.

Isaia 41:10 Iomraidhean Croise

Nugana 15:1

Iage getedi si gumwara ga Ieoba ‘ina ona Aberamo ‘ena ‘i mai madawarega, ‘i gwae, Aberamo, gea‘abo u ‘atesa‘ara: ‘Abo‘agu ‘imu lawa, ta ‘amu e‘isa tosinabwasana.

Nugana 26:24

Ta boiboi nina Ieoba ‘i apwesa ‘enaia, ta ‘i gwae, ‘Abo‘agu tamaio Aberaamo ‘ina Eaubada: gea‘abo ‘u matauta, ‘abo‘agu ma‘ieaio ta ‘enega, ta ia da onaobobomeio, ta tubumuao ia da gieiau ‘igu to‐guinua Aberaamo manuna.

Nugana 31:5

ta ‘i eonedi, Tamami maninina ia ‘itena, nigea ‘eguia nadigega tuta lowa; ta tamagu ‘ina Eaubada ma‘ieagu ‘a miami.

Nugana 49:24

Ta ‘ana tupu ‘i miamia pa‘arina, Ta nimana maturuadi si ewaiwai, Iakobo ‘ina Toewaiwai Tebweuna nimanega, (Gote ‘enega to‘ita‘i‘isi‐sipi, Iseraela ‘ina gurewa,)

Salamo 144:11

‘U da li‘amigu, ta ‘u da ‘etoseegu to‘u‘umara nimadiega, Taudi ‘awadi iage besobeso si oneone, Ta ‘ataidi onakabokabo ‘ataina.

Salamo 144:8

Taudi ‘awadi iage besobeso si oneone, Ta ‘ataidi ona kabokabo ‘ataina.

Salamo 145:14

Ieoba iauiaudi si be‘ube‘u ‘i giepa‘aridi, Ta iauiaudi si a‘opu‘opu ‘i gietoorodi.

Salamo 147:12

Ierusalema ie, Ieoba ‘u da tupuna; Siona ie, ‘imu Eaubada ‘u da tupuna.

Salamo 18:36

‘Igu tautauia ‘aegu ‘ubunaia ni‘atu ‘u giesinabwena, Ta ‘aekukugu nigea si loniu.

Salamo 27:1

Ieoba ‘igu ma‘edana ta ‘agu ‘etoseana; iaita ia da matautena? Ieoba iawasigu ‘ina waiwai; iaita manuna ia da ‘atesa‘ara?

Salamo 29:11

Ieoba waiwai ‘i da ‘ebwaea ‘ina tomota ‘edia; Ieoba tomota ‘i da obobomedi guguiega.

Salamo 33:12

Tauna ‘Ebeloina nina ‘ina Eaubada Ieoba tauna ‘i bobo‘ana; Tomota nidi i ‘esinuedi be si da ‘e ‘ana ‘egu‘eguiai.

Salamo 37:17

To to‘umalidi nimadi si da lasedi ta ‘enega: Ta Ieoba to bubuna paruparuna ‘i giiaidi.

Salamo 37:24

‘Abo ‘i bebe‘u, gea‘abo ‘i da be‘ube‘u mwa‘uta wawasae: Ieoba ‘i giiaina nimanega ta ‘enega.

Salamo 41:12

Ta manugu tuga, ‘u gietoorogu ‘igu bubuna ‘ai‘aila ‘enaia, Ta matamuia ‘u sa‘u ataegu.

Salamo 46:11

Bodao ‘idi Ieoba ‘i miami ma‘eda; Iakoba ‘ina Eaubada ‘ida ‘ebedena. (Sela.)

Salamo 46:7

Bodao ‘idi Ieoba ‘i miami ma‘eda; Iakobo ‘ina Eaubada ‘ida ‘ebedena. (Sela.)

Salamo 63:8

Iaruiaruagu ‘i muria serabemuia: Ataio ‘i gietoorogu.

Salamo 65:5

Iage didiga ‘ediega ‘u da onalimana ‘emaia bubuna paruparuna ‘enega, ‘Ama ‘etoseana ‘ina Eaubada ie; ‘Oio bare‘u ‘ana ‘ebelosaroni iauiaudi ‘idi ‘ebe‘emisa, Ta taudi si mia ‘edasora oraia wate:

Salamo 99:4

King ‘ina pa‘ara wate loina ‘i nuanuana; Bubuna ‘ai‘aila ‘u giepa‘arina, Loina ta bubuna paruparu ‘u bubudi Iakobo ‘enaia.

Si Apwesa 14:13

Ta Mose ‘i ona tomota ‘edia, Gea‘abo wa da matauta, wa da tooromo, ta Ieoba ‘ina ‘etoseana wa da ‘ita, tauna ‘i da guinua manumi batua: me Aigupito nidi taudi ni‘atu wa ‘itedi batua, gea‘abo wate wa da ‘italimedi ga tuta ataia ta ‘enega.

Si Apwesa 20:20

Ta Mose ‘i ona tomota ‘edia, Gea‘abo wa ‘atesa‘ara: Eaubada ‘i mai sabi toomi ta ‘enega, ta ‘aene ‘ana matauta matamia ‘i da miami, be ‘enega gea‘abo wa da loegesi.

Isaia 12:2

Wa ‘ita, Eaubada ‘agu ‘etoseana; ia da ‘emisa, ta gea‘abo ia da ‘atesa‘ara; Eaubada Ieoba tauna ‘igu waiwai ta ‘igu wariwari ta ‘enega; ta tauna ni‘atu ‘agu ‘etoseana.

Isaia 35:4

To ‘atesa‘ara wa da eonedi, Wa da ewaiwai, gea‘abo wa ‘atesa‘ara: wa ‘ita, ‘imi Eaubada ‘i da mai e‘isega, Eaubada ‘ina tamapuiega; ‘I da mai ta ‘i da ‘etoseemi.

Isaia 37:6

Ta Isaia ‘i eonedi, Gete nadigega wa da ona ‘imi ‘inapwana ‘enaia, Gete nadigega Ieoba ‘i gwae, Ona nidi wa nonodi gea‘abo wa matauta manudi, taudi ona nidi ‘ediega Asiria ‘ana king ‘ina to‐guinuao si ona besobeso ‘eguia.

Isaia 43:5

Gea‘abo ‘u matauta; ‘abo‘agu ma‘ieaio ta ‘enega: tubumuao ia da me‘edi bomatuiega, ta ia da egogoneio ‘ebwagega;

Isaia 44:2

Gete nadigega Ieoba ‘i gwae tauna ‘i mweruruiio, ta ‘i bubuio gamwa ‘enega, tauna ‘i da lemeio: Gea‘abo ‘u matauta, Iakobo ie ‘igu toguinua: ta ‘oio, Iesuruna, tauna ia ‘esinuena.

Isaia 49:8

Gete nadigega Ieoba ‘i gwae, Tuta bobo‘ana ‘enega ni‘atu ia onalimana ‘emuia, ta ‘etoseana ‘ana asiata ‘enega ni‘atu ia lememu: ta ia da egagareio, ta ia da ‘ebwaea‘eio tomota ‘idi ona‘upa‘upa manuna, be bare‘u ‘u da sa‘u ‘ai‘aili, be ‘u da loinedi be ‘egu‘eguia waboreboreao si da ‘ewa:

Isaia 50:9

Wa ‘ita, ‘Inapwana Eaubada ‘i da lemegu; ‘iaita tauna ‘i da ‘awato‘umaliegu? wa ‘ita, iauiaudi si da ekadekaderidi ‘atua ‘oama; manumanuao si da ‘e‘egumwaridi.

Isaia 52:7

Tauna tetera bobo‘adi ‘i me‘edi ‘aena bobo‘ai‘ailidi ‘oeao ‘edia, tauna guguia ‘i etetera, tauna bobo‘ana ‘ina tetera bobo‘adi ‘i me‘edi, tauna ‘etoseana ‘i guguiaei; tauna Siona ‘ena ‘i ona, ‘Imu Eaubada ‘i loiloina!

Isaia 60:19

Sinara gea‘abo wate ‘imu ma‘edana asiataia; nai tuiaiara manuna nawarae ‘i da giema‘edaneio: ta Ieoba ‘i da ma‘edana ataia ‘emuia, ta ‘imu Eaubada ‘imu esaesa.