Isaia 34:6 - Buki Tabu Lowaenei 1919

⁶ Ieoba ‘ina sisisaia ‘i maa rarega, ‘i eiapa iapega, lamiao ta gotao raradiega, sipi me‘olotodi ‘idi nuakwaiao ‘ediega: Ieoba ma‘ina taria Bosira ‘ena ta ‘enega, ta esilae sinabwana ‘asa Edoma ‘ena.

Isaia 34:6 Iomraidhean Croise

Salamo 137:7

Ieoba ie, Edoma natunao ‘edia ‘u da nua‘i‘isi Ierusalema ‘ana asiata; Taudi si gwae, Wa da ‘ulamwa‘utena, Wa da ‘ulamwa‘utena Tuga ga ‘ina ‘autui ‘enaia.

Isaia 29:2

Ga Ariela ia da e‘atemutuiena, ta dedoi ta ‘ewabamu si da apwesa: ta ‘i da Ariela na‘ieana ‘eguia.

Isaia 34:5

‘Igu sisi‐saia ‘i numa ga ‘i maa garewa ‘ena ta ‘enega: wa ‘ita, Edoma ‘ena ‘i da mwa‘utama, ta ‘igu tabu ‘ina tomota ‘edia, sabi etara.

Isaia 63:1

Iaita gete Edomega ‘i mai, ‘ana ‘oama bweabwearidi Bosira ‘enega? tauna gete ‘ana ‘oamega ‘i esaesa, ‘i tautauia ‘ina waiwai ‘ana sinabwa ‘enega? ‘Abo‘agu ia onaona bubuna paruparuiega, waiwai sabi ‘etoseana.

Isaia 63:3

Oine ‘ana ‘ebedai ia ‘aiaina tebweugu; ta tomota ‘ediega nigea ‘e bweu tai ma‘ieagu: tamo, ia ‘aiaidi ‘igu gamwasoarega, ta ia iabutudi ‘igu egamwagamwaguiega: ta raradi ‘ebepa‘ara ‘i loseuseulena ‘agu ‘oama ‘edia, ta ‘agu ‘oama maibo‘ana ia siwaroro.

Isaia 65:12

Ia da ‘aseiemi sisi‐saia ‘ena, ta iauiaumi wa da ‘opu‘opu esilae ‘ena: ‘ena ia bwau, nigea wa nono ta ‘enega: ‘ena ia ona, nigea wa nono; ta iage to‘umalina matagu ‘edia wa guinua, ta iage nigea manuna ia guausoara wa ‘esinuena.