Isaia 33:22 - Buki Tabu Lowaenei 1919

²² Ieoba ‘ida to loina ta ‘enega, Ieoba ‘ida to ‘ebwae‐loina, Ieoba ‘ida king; ‘i da ‘etoseeda.

Isaia 33:22 Iomraidhean Croise

Nugana 18:25

Gete bubuna nina ‘emuiega ‘i da mia ‘edasora, ‘aene taudi ‘idi bubuna ‘i paruparu to to‘umalidi ma‘edi ‘u da unudi, be ‘enega taudi ‘idi bubuna ‘i paruparu si da nadigega to to‘umalidi; gote ‘emuiega ‘i da mia ‘edasora: bare‘u maibo‘ana ‘ana To Loina gea‘abo nai ‘i da guinua ‘ai‘aila?

Salamo 44:4

‘Oio ‘igu King, Eaubada ie: ‘Etoseana ‘u da loina Iakobo manuna,

Salamo 44:5

‘Emuiega ‘ama tarauwarao ‘a da ‘ausepara mwa‘utedi; ‘Amu esanega taudi si tooro matamaia ‘a da aiaidi.

Salamo 50:6

Ta garewa ‘ina bubuna paruparuna si da simane; Eaubada ‘i to loina tauna ta ‘enega. (Sela.)

Salamo 74:12

Ta Eaubada ‘igu King lowaeneiega, ‘Etoseana ‘i guiguinue bare‘u gamwanaia.

Salamo 75:7

Eaubada tauna to loina: ‘E bweu ‘i sa‘u mwa‘utena, ta ‘e bweu ‘i gitu‘eiena.

Salamo 89:18

‘Ida lawa Ieoba ‘ina iage ta ‘enega; Ta ‘ida king Iseraela ‘ina Tabu Tebweuna ‘ina tai.

Salamo 98:9

Ieoba matanaia, tauna ‘i mai sabi loina bare‘u ta ‘enega: Gabura ‘i da loinei bubuna paruparuiega, Ta tomotai bubuna ‘ai‘ailega.

Isaia 1:10

‘Omi Sodoma ‘ina to‐loinao, Ieoba ‘ina ona wa da nono; ‘omi Gomora ‘ina tomota, ‘ida Eaubada ‘ina e‘ita ‘ena wa da enonotenasi.

Isaia 11:4

Ta bubuna paruparuiega gomabeso ‘i da loinedi, ta bubuna ‘ai‘ailega ‘i da ba‘e ‘asa ‘ana to nuana manudi: ta ‘asa ‘i da ununa ‘awana ‘ina keweliweliliega, ta sopana iawasinega to to‘umalidi ‘i da loemwawasidi.

Isaia 12:2

Wa ‘ita, Eaubada ‘agu ‘etoseana; ia da ‘emisa, ta gea‘abo ia da ‘atesa‘ara; Eaubada Ieoba tauna ‘igu waiwai ta ‘igu wariwari ta ‘enega; ta tauna ni‘atu ‘agu ‘etoseana.

Isaia 16:5

Ta ‘ebemi‐esaesa ‘i da mia pa‘ara ‘atenua‘ole‘ole ‘enaia, ta ‘e bweu ‘ena ‘i da miatoa ona‘ai‘ailega, Dabida ‘ina anuanaia ‘enaia; ‘i loiloina, ta etara i ‘ebe‘ebesa, ta ‘i lomanini sabi guinua bubuna paruparu.

Isaia 2:4

Ta ‘i da etara ‘ebeloinao gamwagamwanidia, ta tomota iauiauna ‘i da ba‘edi: ta ‘idi sisi‐saiao si da ‘elotutudi be si da e‘ebegesoalisilisi matana, ta ‘idi gita be si e‘ebe‘upwawiti: ‘asa gea‘abo sisi‐saia ‘i da gilagasi ‘asa ‘enaia, ta gea‘abo wate losaia si da panapana‘ite.

Isaia 24:23

Ga nawarae ‘i da nua‘owana, ta sinara ‘i da omaiamaia; bodao ‘idi Ieoba ‘i da loiloina ‘oea Siona ‘enaia ta ‘enega, ta Ierusalema ‘ena, ta ‘ina ‘ina‘inapwanao matadia ma‘ina esaesa.

Isaia 25:9

Ta asiata gote ‘enega si da gwae, Wa ‘ita, gete ‘ida Eaubada; manuna ta iamwaiamwa, ta ‘i da ‘etoseeda; gete Ieoba; manuna ta iamwaiamwa, ta da uiawana be ta da guausoara ‘ina ‘etoseana ‘enega.

Isaia 33:17

Mataio king si da ‘ita ‘ana ‘ita bobo‘ana ‘enega: ‘asa ‘edasoraia si da ‘itai.

Isaia 35:4

To ‘atesa‘ara wa da eonedi, Wa da ewaiwai, gea‘abo wa ‘atesa‘ara: wa ‘ita, ‘imi Eaubada ‘i da mai e‘isega, Eaubada ‘ina tamapuiega; ‘I da mai ta ‘i da ‘etoseemi.

Isaia 37:20

Ta ‘enega, Ieoba ie ‘ima Eaubada, gete ‘enega ‘u da ‘etoseema nimanega, be ‘enega bare‘u ‘ina ‘ebeloina iauiauna si da mwaratoni ‘aene ‘oio Ieoba, tuga tebweumumo.

Isaia 41:21

‘Imi ona ‘arena wa da giapwesenama, Ieoba ‘i gwae; ‘imi ona pa‘ara ‘aredi wa da ‘ewedima, Iakobo ‘ina King ‘i gwae.

Isaia 44:6

Gete nadigega Ieoba ‘i gwae, Iseraela ‘ana King, ta ‘ina to‘ewa‘limana bodao ‘idi Ieoba: ‘Abo‘agu nugana nina, ta muria nina; ta nigea ‘e bweu Eaubada ‘abo ‘abo‘agu nigea.

Isaia 49:25

Ta gete nadigega Ieoba ‘i gwae, Tuga to ewaiwai ‘idi ioniionidi si da ‘ewedi, ta to didiga ‘idi iage oae si da ‘etoseedi: ‘abo‘agu ia da e‘upwa tauna ‘i e‘upwa ma‘ieaio ma‘ieana, ta natumuao ia da ‘etoseedi.

Isaia 49:26

Ta taudi si giemwa‘utemi ia da ‘e‘enidi taudi esiodi ‘enega: ta si da elolaulausi taudi raradiega, ‘atua oine dibidibiega: ta esio maibo‘ana ‘i da mwaratoni ‘aene ‘abo‘agu Ieoba ‘imu to‐‘etoseana, ta ‘amu to ‘ewa limana, Iakobo ‘ina Waiwai Tebweuna.

Isaia 51:4

‘Omi ‘igu tomota, ‘eguia wa da sana‘ilama; ‘Oio ‘igu ‘asa, ‘eguia ‘u da enonotenasi: loina ‘i da tauiawa ‘eguiega ta ‘enega, ta ‘igu etara ia da sa‘u ‘ai‘aili tomota ‘idi ma‘edana manuna.

Isaia 51:5

‘Igu bubuna paruparu ‘i serabenaia, ‘igu ‘etoseana ‘i apwesa, ta nimaguao tomota si da loinedi; saruiao si da iamwaiamwa manugu, ta nimagu ‘ena si da ‘emisa.

Isaia 51:7

‘Eguia wa da nono, ‘omi bubuna paruparu wa mwaratoni, ‘omi tomota ‘igu loina ‘atemia ‘i miami; tai ‘idi ba‘e gea‘abo wa matautena, nai wa da ‘atesa‘ara ‘idi eliao manudi.

Isaia 60:16

‘Ebeloinao ‘idi susu ‘u da numa wate, ta kiniao susudi ‘u da esusu: ta ‘u da mwaratoni ‘aene ‘abo‘agu Ieoba ‘abo‘agu ‘amu To‘Etoseana, ta ‘amu to‘ewalima, Iakobo ‘ina Waiwai Tebweuna.