Isaia 33:21 - Buki Tabu Lowaenei 1919

²¹ Ta ‘ena Ieoba ma‘eda ‘ina esaesa ‘enega, boasi‘awana bababadi ta boasi daudauna ‘idi esena; ‘ena gea‘abo ‘e bweu waga ma‘ina nea ‘i da tauia, nai waga esaesa ‘i da taona ‘enega.

Isaia 33:21 Iomraidhean Croise

Salamo 29:3

Ieoba ‘enana boasi debadia ‘i miami: Esaesa ‘ina Eaubada ‘i weparara, Tugama Ieoba boasi iauna debadia.

Isaia 12:6

Wa da ona toila ta wa da bwau, ‘oio Siona ‘ana tomi: Iseraela ‘ina Tabu Tebweuna ‘i sinabwa gamwagamwaniio ta ‘enega.

Isaia 33:17

Mataio king si da ‘ita ‘ana ‘ita bobo‘ana ‘enega: ‘asa ‘edasoraia si da ‘itai.

Isaia 41:18

‘Oea daisidimo ‘edia boasi‐daudauna ia da gigege, ta wewerupwao sa‘ara gamwagamwanidia: mitawa ia da bubuna be ‘i sewasewa boasi, ta bwa‘a iadaiadana wewerupwa‐boasi.

Isaia 43:19

Wa ‘ita, iage auauna ia da guinua; gete ‘enega ‘i da apwesama: gea‘abo nai wa da mwaratonina? ‘Eda ia da bubu tuga mitawaia, ta boasi‐daudauiao kaukaudaisinamo ‘enaia.

Isaia 43:20

Mitawa ‘ina iobai si da ‘amaiabegu, warigoao be kasuweriao: boasiao ia sa‘u mitawaia manuna, ta boasi‐daudauiao kaukaudaisinamo ‘enaia, sabi enuma ‘igu tomota, ‘agu esi‘esinuao:

Isaia 48:18

‘Eguma ‘igu ona ni‘atu ‘u nonodi! ga ‘imu guguia ‘i da boasi‘awa ‘atua, ta ‘imu bubuna paruparu ora ‘ina lisuiao nadigega:

Isaia 66:12

Gete nadigega Ieoba ‘i gwae ta ‘enega, Wa ‘ita, guguia ia da ginao ‘enaia ‘atua boasi‘awana, ta ‘ebeloinao ‘idi esaesa boasi‘awana ‘i maa‘apu‘apu ‘atua, ta ‘enega wa da esusu; si da sumwagidimi, ta si da giesuiasuiami ‘aetubwe ‘edia.