Isaia 33:2 - Buki Tabu Lowaenei 1919

² ‘Ieoba ie, ‘emaia ‘u da nua‘ole‘ole; ni‘atu ‘a iamwaiamwa manuio: ‘oio ‘u da nimadi gonagona iauna, ‘ima ‘etoseana wate tuta loniu ‘enega.

Isaia 33:2 Iomraidhean Croise

Salamo 123:2

Wa ‘ita, na‘ieana to guinuao matadi ‘idi ‘inapwana nimana ‘ena si ‘ita, Na‘ieana gomagweine matana ‘ina ilemwaia nimana ‘ena; Na‘ieana matada si ‘ita Ieoba ‘ida Eaubada ‘enaia, Ga tuta ‘enega ‘i da ‘atenua‘ole‘oleieda.

Salamo 143:8

‘U da loinegu be ‘imu oboboma‐nua‘ole‘ole ia da nonona gonagonaia; ‘Emuia ia ‘emisa ta ‘enega: ‘U da loinegu be ‘eda ‘enega ia da tauia ia da mwaratonina; Iaruiaruaguiega ia ‘ita tu‘e ‘emuia ta ‘enega.

Salamo 25:3

Tamo, nigea ‘e bweu ‘emuia ‘i iamwaiamwana ‘i da omaiamaia; Taudi si wasegigi daita si da omaiamaia.

Salamo 27:1

Ieoba ‘igu ma‘edana ta ‘agu ‘etoseana; iaita ia da matautena? Ieoba iawasigu ‘ina waiwai; iaita manuna ia da ‘atesa‘ara?

Salamo 33:22

Ieoba ie, ‘imu nua‘ole‘ole ‘i da miami ‘emaia, Na‘ieana ni‘atu ‘emuia ‘a nuaiaina.

Salamo 37:39

Ta to paruparudi ‘adi ‘etoseana Ieoba ‘enega; Tauna ‘idi ‘ebegiiaina‘i‘ita tuta elo‘uia ‘enaia.

Salamo 46:1

Eaubada ‘ida ‘ebedena ta ‘ida pa‘arina, Tauna lema ta loba ‘ai‘aila elo‘uia ‘enaia.

Salamo 46:5

Eaubada gamwagamwanaia; gea‘abo ‘i da loniu: Eaubada ‘i da lemena, tomwa ‘uli‘ulitaia.

Salamo 50:15

Asiata ‘ate‘uia‘uia ‘eguia ‘u da bwau; Ia da ‘etoseemu, ta ‘u da ‘awaeseesegu.

Salamo 60:11

‘U da lemema ‘ama tarauwara ‘enaia: Tai ‘ina leme iage besobeso ta ‘enega.

Salamo 62:1

Iaruiaruagu ‘i mia enonomo Eaubada ‘enaia: Tauna ‘enega ‘agu ‘etoseana ‘i mai.

Salamo 62:5

Iaruiaruagu, ‘u da mia enonomo Eaubada ‘enaia; ‘Igu nuaiaina tauna ‘enega ta ‘enega.

Salamo 62:8

‘Omi tomota, tuta iauiauna ‘ena wa da ‘emisa; ‘Atemi wa da siwa matanaia: Eaubada ‘ebedena manuda. (Sela.)

Salamo 90:15

‘U da gieguausoarima na‘ieana ‘asiatao ni‘atu ‘ama ‘elo‘uia ‘u sa‘una, Ta iakwarao ‘ediega to‘umalina a ‘itena ni‘atu.

Salamo 91:15

‘Eguia ‘i da bwau, ta ‘ena ia da ona limana; ‘Ena ‘i elo‘uia ‘abo‘agu ma‘ieana: Ia da ‘etoseena, ta ‘ana amaiabe ia da sa‘u.

Si Apwesa 14:27

Ta Mose nimana ‘i iasitotona ora debanaia, ta ‘ena gonagona ‘i apwesa ga ora i ‘ila ‘ina waiwai ‘enaia; ta me Aigupito si denadena matanaia; ta Ieoba me Aigupito i ‘ula mwa‘utedi ora gamwanaia.

Isaia 17:10

‘Amu ‘etoseana ‘ina Eaubada ‘u nuapupurena ta ‘enega, ta ‘imu waiwai ‘ina gurewa nigea ‘u nuena; ta ‘enega kaiwe ‘adi ‘ita bobo‘ana u ‘asodi, ta ‘u badina kaiwe ‘upwa‘upwadi dumadumadi ‘ediega:

Isaia 25:4

‘Oio ‘ebepa‘ara gomabeso ‘edia ta ‘enega, ‘ebepa‘ara nanaewa ‘enaia ‘ina ‘atesa‘ara ‘enega, ‘ebedena wediliega, iauiaukwa iaiiaiega, ‘ena to didiga ‘idi apwesama nadigega wedilia ‘arigurewa ‘enaia.

Isaia 25:9

Ta asiata gote ‘enega si da gwae, Wa ‘ita, gete ‘ida Eaubada; manuna ta iamwaiamwa, ta ‘i da ‘etoseeda; gete Ieoba; manuna ta iamwaiamwa, ta da uiawana be ta da guausoara ‘ina ‘etoseana ‘enega.

Isaia 26:16

Ieoba, ‘ebeloniu ‘enega si iamwaiamwaio, sidasida si siwa ‘ena ‘imu ‘ebesapi ‘i apwesa ‘edia.

Isaia 26:8

Tamo, Ieoba ie, ‘imu loinao ‘idi ‘eda ‘ena ‘a iamwaiamwa manuio; iaruiaruama ‘ina nuanua ‘amu esana ‘ena ta ‘amu ‘ebenua‘i‘isi ‘ena.

Isaia 37:3

Ta si eonena, Gete nadigega Esekia ‘i gwae, Asiata gete asiata loniu, ta asiata elia, ta asiata ‘ebesinara: gogama i ‘abe si tubua, ta nigea waiwai be si da enatunedi.

Isaia 40:10

Wa ‘ita, ‘Inapwana Eaubada ‘i da mai to ewaiwai na‘ieana, ta nimana ‘i da loina tauna manuna; wa ‘ita, ‘ina tamapu ma‘ieana; ta ‘ina e‘isa matanaia.

Isaia 51:5

‘Igu bubuna paruparu ‘i serabenaia, ‘igu ‘etoseana ‘i apwesa, ta nimaguao tomota si da loinedi; saruiao si da iamwaiamwa manugu, ta nimagu ‘ena si da ‘emisa.

Isaia 59:16

Ta i ‘ita nigea ‘e bweu tai, ta nuana ‘i owana nigea ‘e bweu to sida ta ‘enega; ta ‘enega tauna nimana ‘etoseana ‘i me‘ena ‘enaia; ta ‘ina bubuna paruparu, tauna ‘i giiaina.

Isaia 8:17

Ta ia da iamwaiamwa Ieoba manuna, tauna maninina ‘i e‘etokwaiena Iakobo ‘ina susu ‘enega, ta ia da ‘ebesena.